Ganesh Chaturthi 2025 Festival Highlights: यंदा गणेशोत्सव (Ganesh Utsav 2025) 27 ऑगस्ट गणेश चतुर्थी ते 6 सप्टेंबर अनंतचतुर्थीपर्यंत साजरा केला जाणार आहे. आजपासून सर्वांच्या घरात आपल्या लाडक्या बाप्पाचे आगमन होत आहे. पुराणांनुसार गणपतीचा जन्म या दिवशी झाला होता. हिंदु धर्मात गणेश चतुर्थी दिवशी गणेश पूजा केली जाते.
पुण्यातील गणेशोत्सवाला ऐतिहासिक महत्व असून येथे पाच मानाचे गणपती आहेत. मुंबईतील लालबागचा राजा गणपती देश-विदेशात प्रसिद्ध आहे. अन्य शहरात व कोकणातील गणेशोत्सव आपल्या वेगळ्या संस्कृतीसाठी प्रसिद्ध आहे. आज दिवसभरात सर्वत्र उत्साहाचे आणि आनंदाचे वातावरण असणार आहे. कारण, आज सर्वांच्या घरी बाप्पाचे आगमन होत आहे. आपली नजर ही सर्व घडामोडीवर असेलच तर जाणून घेऊया सर्व अपडेटस...
गणेश चतुर्थीच्या (Ganesh Chaturthi) दिवशी गणपती बाप्पाची पूजा आणि पूज्यता केली जाते. हा उत्सव संपूर्ण जिल्ह्यात उत्साह आणि उत्साहाने साजरा केला जाईल. धार्मिक श्रद्धेनुसार, भाद्रपद महिन्याच्या शुक्ल पक्षाच्या चतुर्थी तिथीला गणेश चतुर्थी साजरी केली जाते. भगवान गणेशाचा जन्म याच दिवशी झाला होता, ज्याच्या आनंदात गणेश चतुर्थी साजरी केली जाते.
गणेश चतुर्थीचा शुभ मुहूर्त (Auspicious time of Ganesh Chaturthi)
यावेळी भाद्रपद महिन्यातील शुक्ल पक्षातील चतुर्थी तिथी 26 ऑगस्ट रोजी दुपारी 1:54 वाजता सुरू होईल. 27 ऑगस्ट रोजी दुपारी 3:44 वाजता संपेल. त्यामुळे उदय तिथीनुसार गणेश चतुर्थीचा उत्सव 27 ऑगस्ट रोजी साजरा केला जाईल. (Ganesh Chaturthi Shubh Muhurt)
हेही वाचा - Lalbaugcha Raja 2025: लालबागच्या राजाची पहिली झलक डोळे दिपवणारी; दरबार तिरुपती बालाजीच्या राजमुकुटात Photos
- 2025-08-27 18:22:04
विद्यार्थ्यांनी नैसर्गिक साहित्यापासून पर्यावरणपूरक बनवल्या गणेशमूर्ती
मंगळवारी चेन्नईतील वल्लीअम्मल महिला महाविद्यालयात विद्यार्थ्यांनी नैसर्गिक साहित्यापासून पर्यावरणपूरक गणेशमूर्ती बनवल्या.
- 2025-08-27 17:57:44
Apples Ganesh Idol: जबरदस्त! 1500 किलो सफरचंदांपासून 26 फुटांची गणेश मूर्ती, पाहा व्हिडिओ
ओडिशातील संबलपूर येथील नटराज क्लबने संपूर्णपणे सफरचंदांपासून बनवलेली गणेशमूर्ती बनवली आहे, जी 26 फुटांपेक्षा जास्त उंच आणि 1500 किलोपेक्षा जास्त वजनाची आहे.https://twitter.com/ANI/status/1960674640252289044
- 2025-08-27 17:52:36
बाप्पा घरी येत आहेत - अभिनेत्री सोनाली कुलकर्णी
अभिनेत्री सोनाली कुलकर्णी म्हणते, "खास गोष्ट म्हणजे बाप्पा घरी येत आहेत. आपण वर्षभर बाप्पाच्या आगमनाची आणि हा सण साजरा करण्याची वाट पाहतो..."https://twitter.com/ians_india/status/1960675123968794702
- 2025-08-27 17:48:41
दगडूशेठ हलवाई गणपती मंदिरात हजारो भाविकांची रिघ
गणेश चतुर्थीला हजारो भाविक पुण्यातील श्रीमंत दगडूशेठ हलवाई गणपती मंदिरात पूजेसाठी दाखल झाले आहेत.https://twitter.com/IANSKhabar/status/1960677673400983976
- 2025-08-27 17:46:25
Kolhapur News: सर्वांच्या आयुष्यातील अडचणी दूर करो; शाहू छत्रपती यांचे गणेशाला साकडे
कोल्हापूरचे खासदार शाहू छत्रपती यांच्या घरी गणेशाचे आगमन झाले आहे. त्यांनी समाज माध्यमावर माहिती दिली आहे. आज नवीन राजवाडा येथे गणरायाचे आगमन अतिशय उत्साहात झाले, यावेळी गणरायाची विधिवत पूजा केली. सर्वांना गणेशोत्सवाच्या हार्दिक शुभेच्छा! विघ्नहर्ता सर्वांच्या आयुष्यातील अडचणी दूर करो आणि सर्वांना सुख, समाधान, लाभो अशी गणराया चरणी प्रार्थना!
- 2025-08-27 17:39:42
Ganesh News: संजय जाधवांच्या घरी गणेशाचं आगमन
परभणीचे खासदार संजय जाधव यांच्या घरी गणेशाचं आगमन झाले आहे. त्यांनी ट्वीट करुन माहिती दिली आहे. आमच्या निवासस्थानी श्री गणरायाचं आगमन झालं! परिवारातील सदस्यांसह विद्येव्या देवतेचं स्वागत करून दर्शन घेतलं. विनायकाची विधिवत प्रतिष्ठापना करून विधिवत पूजन करून आरती केली, असं त्यांनी सांगितलं.
- 2025-08-27 17:33:10
वर्षा निवासस्थानी गणेशाची प्राणप्रतिष्ठा; अमृता फडणवीसांना शेअर केली पोस्ट
ॐ एकदंताय विद्महे, वक्रतुण्डाय धीमहि, तन्नो दंती प्रचोदयात् ॥ श्री गणेशमूर्तीची प्राणप्रतिष्ठा… वर्षा निवासस्थान, मुंबई. असे ट्वीटकरुन अमृता फडणवीसांना वर्षा निवासस्थानी गणेशाची प्राणप्रतिष्ठा केल्याची माहिती दिली.https://twitter.com/fadnavis_amruta/status/1960671056299237561
- 2025-08-27 16:43:19
Solapur Ganesh Chaturthi: सोलापुरात गणेश चतुर्थीचा जल्लोष
सोलापुरात गणेश चतुर्थीचा जल्लोष सुरु आहे. भाविकांनी गणेशाच्या मुर्तीच्या जंगी मिरवणुका काढल्या आहेत. सोलापूरमध्ये 'गणेश चतुर्थी' उत्सवात लोक गणपतीची मूर्ती घेऊन
उत्सव साजरा करतात. - 2025-08-27 15:46:59
Andhericha raja : अंधेरीचा राजा परिसरात सलंगपूर हनुमान मंदिराची 32 फूट उंच देखावा Video
गणेश चतुर्थीनिमित्त, मुंबईतील अंधेरी परिसरातील आझाद नगर सार्वजनिक उत्सव समितीने गुजरातमधील जगप्रसिद्ध सलंगपूर हनुमानजी मंदिराची 32 फूट उंच प्रतिकृती स्थापित करून त्यांचा 60 वा गणेशोत्सव भव्य प्रमाणात साजरा केला. अंधेरी चा राजा गणेश उत्सव मंडळाचे अध्यक्ष अशोक राणे म्हणाले, "अंधेरी चा राजा यांच्या जन्माला 60 वर्षे झाली आहेत. आम्ही सहा महिन्यांपासून वाट पाहत आहोत... आरती झाली आहे आणि गणेशभक्त दर्शनासाठी रांगा लावू लागले आहेत..."https://twitter.com/IANSKhabar/status/1960643344805322779
- 2025-08-27 15:39:58
अभिनेता गोविंदा घरी गणेशाचे आगमन
गणेश चतुर्थीच्या शुभ मुहूर्तावर बॉलिवूड अभिनेता गोविंदा यांनी त्यांची पत्नी सुनीता आणि मुलगा यश यांच्यासह भगवान गणेशाचे त्यांच्या घरी स्वागत केले. हा उत्सव मुंबईतील जुहू येथील त्यांच्या निवासस्थानी झाला. छायाचित्र/मीड डे
- 2025-08-27 15:37:50
गणेशोत्सवात ऑपरेशन सिंदूरचीही मोठ्या प्रमाणात चर्चा
मुख्यमंत्री देवेंद्र फडणवीस म्हणाले, "महाराष्ट्रातील गणेशोत्सवात आत्मनिर्भर भारत आणि स्वदेशीची भावना दिसून येते. ऑपरेशन सिंदूरचीही मोठ्या प्रमाणात चर्चा होत आहे. लोकांनी पंतप्रधानांच्या आवाहनाला जनआंदोलन म्हणून स्वीकारले आहे."https://twitter.com/IANSKhabar/status/1960642598370005122
- 2025-08-27 14:21:12
संभाजीनगरमधील संस्थान गणपतींची झाली स्थापना आणि पूजा
आजपासून गणेशोत्सवाची धूम सुरू झाली असून छत्रपती संभाजीनगर शहरातील मानाचे संस्थान गणपतींची स्थापना आणि पूजा पालकमंत्री संजय शिरसाट आणि इतर मागासवर्गीय मंत्री अतुल सावे यांच्या उपस्थितीत संपन्न झाली. याप्रसंगी खासदार सांदिपन भुमरे, खासदार डॉ भागवत कराड तसेच शिवसेना उपनेते चंद्रकांत खैरे आणि मोठ्या संख्येने नागरिक उपस्थित होते. - 2025-08-27 14:18:47
उद्धव ठाकरे राज ठाकरेंच्या बाप्पाच्या दर्शनासाठी दाखल
मनसेप्रमुख राज ठाकरे यांच्या घरच्या बाप्पाच्या दर्शनासाठी शिवसेना पक्षप्रमुख उद्धव ठाकरे हे सहकुटुंब दाखल झाले आहेत. उद्धव हे जवळपास 22 वर्षांच्या कालावधीनंतर राज ठाकरे यांच्या निवासस्थानी दाखल झाले आहेत. सविस्तर वाचा - Uddhav Thackeray: गणपतीनं ठाकरे बंधुंना पुन्हा आणले एकत्र; 22 वर्षांनंतर उद्धव ठाकरे सहकुटूंब शिवतिर्थावर - 2025-08-27 13:04:27
गणेशोत्सवानिमित्त सरकारकडून रील स्पर्धेचे आयोजन; विजेत्यास 1 लाख रुपये बक्षिस
सांस्कृतिक कार्य मंत्री आशिष शेलार यांच्या संकल्पनेतून यंदा गणेशोत्सवाला रील स्पर्धेच्या माध्यमातून देश-विदेशात नवे आयाम मिळणार आहेत. यंदा प्रथमच महाराष्ट्र शासनाचा सांस्कृतिक कार्य विभाग, महाराष्ट्र चित्रपट रंगभूमी आणि सांस्कृतिक विकास महामंडळ यांच्या वतीने रील स्पर्धेचे आयोजन करण्यात आले आहे. या स्पर्धेत सहभागासाठी 27 ऑगस्ट ते 7 सप्टेंबरपर्यंत ऑनलाईन नाव नोंदणी आणि रील अपलोड करायचे आहेत. राज्यस्तरावरील प्रथम क्रमांकाच्या विजेत्यास 1 लाख रुपये, द्वितीय पारितोषिक 75 हजार रुपये, तृतीय पारितोषिक 50 हजार रुपये आहे.https://twitter.com/MahaDGIPR/status/1960600135018185009
- 2025-08-27 12:29:08
Ganesh Utsav Wishes: राष्ट्रनिर्माणाच्या मार्गातील सर्व अडथळे दूर करा - राष्ट्रपतींचे बाप्पांना साकडे
देशाच्या राष्ट्रपती द्रौपदी मुर्मू यांनी गणेश चतुर्थीनिमित्त देशवासीयांना शुभेच्छा दिल्या आहेत. त्यांनी समाज माध्यमावर म्हटले आहे की, भारतात आणि परदेशात राहणाऱ्या सर्व भारतीयांना गणेश चतुर्थीच्या हार्दिक शुभेच्छा! ज्ञान आणि विवेकाचे देवता भगवान श्री गणेश यांच्या जयंतीनिमित्त हा महान उत्सव मोठ्या आनंदाने साजरा केला जातो. अडथळ्यांचा नाश करणारे भगवान श्री गणेश यांना मी प्रार्थना करतो की ते व्यक्तिमत्त्व आणि राष्ट्रनिर्माणाच्या मार्गातील सर्व अडथळे दूर करत राहतील आणि त्यांच्या आशीर्वादाने सर्व देशवासी, पर्यावरणपूरक जीवनशैली स्वीकारून, एक मजबूत भारत निर्माण करण्यासाठी भक्तीने काम करत राहतील. गणपती बाप्पा मोरया!https://twitter.com/rashtrapatibhvn/status/1960525781043683476
- 2025-08-27 12:00:48
Devendra Fadnavis: महाराष्ट्रात सुख-समृद्धी नांदो, मुख्यमंत्र्यांनी गणरायाला घातले साकले
Ganesh Chaturthi 2025: मुख्यमंत्री देवेंद्र फडणवीस यांनी गणेश चतुर्थी निमित्ताने सर्वांना शुभेच्छा दिल्या आहेत. महाराष्ट्राच्या सर्वांगीण विकासाला गती मिळो, महाराष्ट्रात सुख-समृद्धी नांदो, हीच श्री गणरायाच्या चरणी प्रार्थना! श्री गणेश चतुर्थीच्या सर्वांना मंगलमय शुभेच्छा! गणपती बाप्पा मोरयाऽऽऽ, असं त्यांनी ट्वीट केले आहे.https://twitter.com/Dev_Fadnavis/status/1960586587877859526
- 2025-08-27 11:28:10
Ganesh Utsav Wishes: पंतप्रधान नरेंद्र मोदी यांनी दिली शुभेच्छा, सर्वांना चांगले आरोग्य प्रदान करण्याची केली प्रार्थना
पंतप्रधान नरेंद्र मोदी यांनी गणेश चतुर्थीनिमित्त समाज माध्यमावरुन शुभेच्छा दिल्या आहेत. तुम्हा सर्वांना गणेश चतुर्थीच्या खूप खूप शुभेच्छा. श्रद्धेने आणि भक्तीने भरलेला हा शुभ प्रसंग सर्वांसाठी मंगलमय जावो. मी भगवान गजानन यांना त्यांच्या सर्व भक्तांना आनंद, शांती आणि चांगले आरोग्य प्रदान करण्याची प्रार्थना करतो. गणपती बाप्पा मोरया!, असं त्यांनी म्हटलं आहे.https://twitter.com/narendramodi/status/1960522658157928572
- 2025-08-27 11:20:00
Raj Thackeray: राज ठाकरे यांनी गणेशोत्सवाच्या शुभेच्छा दिल्या
तुम्हा सर्वांना गणेशोत्सवाच्या मनःपूर्वक शुभेच्छा.., असं ट्वीटकरुन राज ठाकरे यांनी गणेशोत्सवाच्या शुभेच्छा दिल्या आहेत.https://twitter.com/RajThackeray/status/1960539736722038961
- 2025-08-27 10:58:00
भारतीय सैनिकांना भावपूर्ण श्रद्धांजली
गणेश चतुर्थी उत्सवात भगवान गणेशाच्या अद्वितीय थीम असलेल्या मूर्ती प्रदर्शित केल्या जातात, ज्यामध्ये भारतीय सैनिकांना भावपूर्ण श्रद्धांजली आणि ऑपरेशन सिंदूरचे शक्तिशाली चित्रण समाविष्ट आहे. - 2025-08-27 10:56:21
Ganesh Idol: 7500 पुस्तकांपासून बनवली गणेश मूर्ती, 5000 भगवद्गीता
तामिळनाडूतील चेन्नईमधील मन्नाली परिसरातील 7500 पुस्तकांचा वापर करून गणेश मूर्ती बनवली जाते, ज्यामध्ये 5000 भगवद्गीता, 1500 वेल विरुथम आणि 1008 मुरुगन कावसम पुस्तकांचा समावेश आहे. - 2025-08-27 10:53:07
2 हातात बंदुका आणि 2 हातात राष्ट्रध्वज; गणेशोत्सवात ऑपरेशन सिंदूरच्या विजयावर थीम
तामिळनाडूतील थुथुकुडी इथं गणेश चतुर्थीच्या निमित्ताने, ऐरल वंदीमलैची अम्मन मेला स्ट्रीटच्या तरुणांनी मुंबईहून आणलेल्या एका खास मूर्तीसह उत्सव साजरा केला. या वर्षीची गणेशमूर्ती ऑपरेशन सिंदूरच्या विजयावर आधारित होती, ज्यामध्ये चार हातांनी लष्करी पोशाखात, दोन हातात बंदुका आणि दोन हातात राष्ट्रध्वज असलेल्या गणेशाला दर्शविले गेले आहेत.https://twitter.com/ians_india/status/1960568318223339876
- 2025-08-27 10:49:56
Mumbai Ganesh Chaturthi 2025 : पंकजा मुंडे यांच्या घरी बाप्पाचे आगमन
गणेश चतुर्थीनिमित्त मंत्री पंकजा मुंडे यांनी त्यांच्या मुंबईतील निवासस्थानी गणपतीचे स्वागत केले.https://twitter.com/ians_india/status/1960568026442441123
- 2025-08-27 10:46:58
Mumbai Ganesh News: विनोद तावडेंच्या घरी गणेशाचे आगमन
मुंबईत भाजपचे राष्ट्रीय सरचिटणीस विनोद तावडे यांनी गणेश चतुर्थीला त्यांच्या निवासस्थानी गणपतीचे स्वागत केले.https://twitter.com/ians_india/status/1960568469910425863
- 2025-08-27 10:44:51
Tripura Ganesh Chaturthi festival: ईशान्येकडील लोकांमध्ये गणेश पूजामध्ये रस निर्माण
त्रिपुरामधील अगरतळा इथं गणेश चतुर्थी उत्सव साजरा करण्यात येत आहे. उत्सवाबाबत बोलताना आध्यात्मिक गुरू योगी रोहतास नाथ जी म्हणले, "... पूर्वी, ईशान्य भारतात दुर्गा पूजा साजरी केली जात होती, परंतु 2018 नंतर, त्रिपुरा आणि ईशान्येकडील लोकांमध्ये गणेश पूजामध्ये रस निर्माण झाला आहे. ज्याप्रमाणे दुर्गा पूजा साजरी केली जाते, त्याचप्रमाणे गणेश चतुर्थी देखील साजरी केली जात आहे... हा नवीन बदल पाहून मला खूप आनंद झाला आहे..."https://twitter.com/ANI/status/1960570673094398130
- 2025-08-27 10:39:38
Mumbai Ganesh Utsav 2025: बाप्पाच्या आगमन मिरवणुकीत दक्षता घ्या
बृहन्मुंबई (मुंबई शहर व उपनगरे) क्षेत्रातील सर्व श्रीगणेश भक्तांनी व श्रीगणेशोत्सव मंडळांनी धोकादायक पुलांवरून बाप्पाच्या आगमन आणि विसर्जन मिरवणुकीत दक्षता बाळगावी, असे आवाहन बृहन्मुंबई महानगरपालिका प्रशासनाकडून करण्यात येत आहे.https://twitter.com/mybmc/status/1960542224334061937
- 2025-08-27 06:50:07
Lalbaugcha Raja 2025 : लालबागच्या राजाचं पहिलं दर्शन
लालबागचा राजा सार्वजनिक गणेशोत्सव मंडळ लालबागच्या राजाचा गणेशोत्सव 2025 (Lalbaugcha Raja 2025) बुधवार दिनांक 27 ऑगस्ट 2025 ते शनिवार 6 सप्टेंबर 2025 या कालावधीत साजरा करीत आहे. त्याचपार्श्वभूमीवर मंडळाकडून लालबागचा राजा 2025 ची पहिली झलक (Lalbaugcha Raja 2025 First Look) दाखवण्यात आली आहे. यंदा लालबागच्या राजाचा दरबार तिरुपती बालाजीच्या राजमुकुटात बसवण्यात आला आहे.
- 2025-08-27 06:48:51
ganesh chaturthi 2025 wishes : गणेश चतुर्थी शुभेच्छा संदेश
गणेशोत्सवाला महाराष्ट्रासह संपूर्ण भारतात विशेष महत्त्व आहे. दहा दिवसांच्या या उत्सवात भक्तिमय कार्यक्रम, सांस्कृतिक उपक्रम आणि सामाजिक उपक्रम राबवले जातात. या पावन दिवशी लोक एकमेकांना शुभेच्छा दिल्या देतात.
सविस्तर वाचा - Ganesh Chaturthi 2025 Wishes: या शुभेच्छा संदेशाद्वारे करा लाडक्या बाप्पाचे स्वागत - 2025-08-27 06:46:41
पूजेसाठी शुभ वेळ:
- चतुर्थी तिथी: दुपारी 02:06 पर्यंत
- लाभ-अमृत मुहूर्त: सकाळी 05:29 ते 08:40 पर्यंत
- शुभ योग मुहूर्त: सकाळी 10:15 ते 11:51 पर्यंत
- अभिजीत मुहूर्त:- सकाळी 11:25 ते दुपारी 12:16 पर्यंत
- चर-लाभा मुहूर्त: दुपारी 03:02 ते संध्याकाळी 06:13
- 2025-08-27 08:54:10
Ganesh Chaturthi 2025: गणेशजींच्या पूजेची पद्धत
गणेशजींच्या पूजेची पद्धत गणेश चतुर्थीला सकाळी लवकर उठून गणेशजींचे ध्यान करा. स्नान वगैरे केल्यानंतर स्वच्छ कपडे घाला. घर आणि मंदिर पूर्णपणे स्वच्छ केल्यानंतर, शुभ मुहूर्तावर गणेशजींची स्थापना करा. पूजेत, पंचामृत, जनेऊ, हळद, चंदन, कुंकू, अक्षत, पिवळी फुले, फळे, धूप, दिवा, कपडे, दुर्वा आणि शमीची पाने इत्यादी वस्तू गणेशजींना अर्पण करा. बाप्पाला मोदक आणि लाडू इत्यादी वस्तू अर्पण करा. शेवटी, कुटुंबासह गणेशजींचे मंत्र आणि आरती पठण करा आणि सर्वांना प्रसाद वाटा. गणेशजींच्या प्रतिष्ठापनेचा शुभ मुहूर्त - सकाळी 11:05 ते दुपारी 1:39 पर्यंत - 2025-08-27 09:48:11
Ganeshotsav 2025: गणेशाला दुर्वा का आवडतो?
पुराणकथेनुसार, प्राचीन काळी अनलासुर नावाचा एक राक्षस होता, जो पृथ्वी आणि स्वर्ग दोन्ही ठिकाणी दहशत निर्माण करत होता. तो ऋषी आणि सामान्य लोकांना गिळंकृत करत असे, ज्यामुळे सर्वत्र अशांतता निर्माण होत असे. जेव्हा सर्व देव अनलासुरावर नाराज झाले तेव्हा त्यांनी भगवान गणेशाची मदत घेतली. भगवान गणेशाने अनलासुर गिळंकृत केला. राक्षस गिळंकृत केल्यानंतर गणेशाच्या पोटात खूप जळजळ होऊ लागली. अनेक प्रयत्न करूनही जळजळ कमी झाली नाही तेव्हा कश्यप ऋषींनी त्यांना दुर्वा गवताच्या 21 गठ्ठ्या खायला दिल्या. गणेशाने दुर्वा खाल्ल्याबरोबर त्यांच्या पोटातील जळजळ कमी झाली. तेव्हापासून दुर्वा गणेशाला खूप प्रिय झाला आणि त्यांच्या पूजेमध्ये दुर्वा गवत अर्पण करण्याची परंपरा सुरू झाली.