जेएनएन, पुणे: Ajit Pawar Aircraft Crash In Baramati: बारामती येथे एक मोठा अपघात झाला, जिथे उपमुख्यमंत्री अजित पवार यांचे विमान लँडिंग करताना कोसळले. अपघातात अजित पवार यांच्यासह 5 जणांचा मृत्यू झाला आहे.

अजित पवार यांच्या पार्थिवावर उद्या शासकीय इतमामात अंत्यसंस्कार

अजित पवारांच्या पार्थिवावर आज सकाळी 11 वाजता शासकीय इतमामात अंत्यसंस्कार करण्यात आले. बारामती येथील विद्या प्रतिष्ठानच्या मैदानात अंत्यसंस्कार झाले. गृहमंत्री अमित शहा हे देखील उपस्थित होते. (Ajit Pawar last rites)

  • 2026-01-29 18:25:14

    सुनेत्रा पवारांनी उपमुख्यमंत्रीपदाची जबाबदारी स्वीकारावी

    राष्ट्रवादी काँग्रेस पक्षातील (अजित पवार गट) ज्येष्ठ नेते प्रफुल्ल पटेल आणि छगन भुजबळ यांनी सुनेत्रा पवार यांची भेट घेतल्याचं वृत्त आहे. या भेटीत सुनेत्रा पवारांनी उपमुख्यमंत्रीपदाची जबाबदारी स्वीकारावी, अशी गळ घालण्यात आल्याची माहिती समोर आली आहे. सविस्तर वाचा - 
  • 2026-01-29 12:35:51

    पिंकी माळी यांचे पार्थिव त्यांच्या निवासस्थानी पोहोचले

    बारामती विमान अपघातात अजित पवार यांच्यासोबत मृत्यू झालेल्या विमान कर्मचारी पिंकी माळी यांचे पार्थिव त्यांच्या निवासस्थानी पोहोचले असून, यावेळी मोठा जनसमुदाय जमला होता.  
  • 2026-01-29 12:20:52

    अजित पवार अनंतात विलीन

    अजित पवार अनंतात विलीन, सविस्तर वाचा -  
  • 2026-01-29 11:31:19

    अजित पवार यांच्या पार्थिवावर अंत्यसंस्काराचा विधी सुरु Live -

    अजित पवार यांच्या पार्थिवावर अंत्यसंस्काराचा विधी सुरु Live -  
  • 2026-01-29 11:28:28

    अजित पवार यांचे पार्थिव विद्या प्रतिष्ठान मैदानावर दाखल

    उपमुख्यमंत्री अजित पवार यांचे पार्थिव तिरंग्यात गुंडाळून अंत्यसंस्कारासाठी विद्या प्रतिष्ठान मैदानावर आणण्यात आले.  
  • 2026-01-29 11:16:18

    अमित शाह आणि नितीन नवीन यांनी अजित पवारांच्या पार्थिवाला वाहिली श्रद्धांजली.

    केंद्रीय गृहमंत्री अमित शाह आणि भाजपचे राष्ट्रीय अध्यक्ष नितीन नवीन यांनी अजित पवारांच्या पार्थिवाला वाहिली श्रद्धांजली.  
  • 2026-01-29 11:15:27

    लियरजेट 45 विमानाचा ब्लॅक बॉक्स सापडला

    बुधवारी बारामती विमानतळावर कोसळलेल्या लियरजेट 45 विमानाचा ब्लॅक बॉक्स सापडला: नागरी विमान वाहतूक मंत्रालय
  • 2026-01-29 10:54:13

    अमित शाह, नितीन नवीन बारामतीमध्ये दाखल

    केंद्रीय गृहमंत्री अमित शाह आणि भाजपचे राष्ट्रीय अध्यक्ष नितीन नवीन हे उपमुख्यमंत्री अजित पवार यांच्या अंत्यसंस्कारासाठी बारामतीमध्ये दाखल झाले आहेत.  
  • 2026-01-29 10:44:50

    अजित पवार यांचे पार्थिव अंत्यसंस्कारासाठी विद्या प्रतिष्ठानच्या मैदानावर

    महाराष्ट्राचे उपमुख्यमंत्री अजित पवार यांचे पार्थिव अंत्यसंस्कारासाठी विद्या प्रतिष्ठानच्या मैदानावर नेण्यात येत आहे.  
  • 2026-01-29 10:34:00

    गोव्याचे मुख्यमंत्री अंत्यसंस्काराला उपस्थित राहिल

    गोव्याचे मुख्यमंत्री डॉ. प्रमोद सावंत बारामती येथे महाराष्ट्राचे उपमुख्यमंत्री अजित पवार यांच्या अंत्यसंस्काराला उपस्थित राहिले. केंद्रीय मंत्री नितीन गडकरी हे देखील अजित पवार यांच्या अंत्यसंस्कारासाठी बारामती येथे येणार आहेत.
  • 2026-01-29 09:58:00

    Ajit Pawar Last Rites: सुशील कुमार शिंदे अंत्यसंस्कारासाठी पोहोचले

    महाराष्ट्राचे उपमुख्यमंत्री अजित पवार यांच्या अंत्यसंस्कारासाठी काँग्रेस नेते आणि माजी केंद्रीय गृहमंत्री सुशील कुमार शिंदे आणि काँग्रेस खासदार प्रणिती शिंदे विद्या प्रतिष्ठान मैदानावर पोहोचले.
  • 2026-01-29 09:47:00

    Ajit Pawar Last Rites:अमित शाह हे देखील अंत्यसंस्काराला उपस्थित राहणार

    दिवंगत अजित पवार यांच्या पक्षाच्या म्हणजेच राष्ट्रवादी काँग्रेसच्या मते, केंद्रीय गृहमंत्री अमित शाह हे देखील अंत्यसंस्काराला उपस्थित राहणार आहेत.
  • 2026-01-29 09:25:00

    Ajit Pawar Last Rites: मनसे प्रमुख राज ठाकरे अंतिम दर्शनासाठी पोहोचले

    मनसे प्रमुख राज ठाकरे महाराष्ट्राचे उपमुख्यमंत्री अजित पवार यांच्या काटेवाडी येथील निवासस्थानी अंत्यदर्शनासाठी पोहोचले.
  • 2026-01-29 08:00:00

    बारामतीमध्ये अजित पवार यांच्या अंत्यसंस्काराची तयारी सुरू

    राष्ट्रवादी काँग्रेसचे अध्यक्ष आणि महाराष्ट्राचे उपमुख्यमंत्री अजित पवार यांच्या अंत्यसंस्काराची तयारी बारामतीतील विद्या प्रतिष्ठान मैदानावर सुरू आहे.
  • 2026-01-28 19:00:05

    Ajit Pawar Plane Crash: अजित पवारांच्या विमान अपघातावर शरद पवारांची पहिली प्रतिक्रिया… म्हणाले…

    महाराष्ट्रातील ज्येष्ठ नेते आणि राष्ट्रवादी काँग्रेस (शरद पवार गट) चे प्रमुख शरद पवार यांनी बुधवारी सकाळी झालेल्या विमान अपघातात अजित पवार यांच्या निधनाबद्दल शोक व्यक्त केला. ते म्हणाले की हा पूर्णपणे एक अपघात होता आणि त्यात कोणतेही राजकारण नव्हते.
     
  • 2026-01-28 18:59:02

    अजित पवारांच्या विमानासोबत सकाळी 8:18 पासून 8:44 पर्यंत नेमकं काय घडलं? वाचा सविस्तर घटनाक्रम

    अजित पवारांच्या विमानासोबत सकाळी 8:18 पासून 8:44 पर्यंत नेमकं काय घडलं? वाचा सविस्तर घटनाक्रम
  • 2026-01-28 17:56:04

    अजित पवार यांना श्रद्धांजली वाहण्यासाठी विद्या प्रतिष्ठान येथे प्रचंड गर्दी

    आज सकाळी विमान अपघातात निधन झालेले  उपमुख्यमंत्री आणि राष्ट्रवादी काँग्रेसचे नेते अजित पवार यांना श्रद्धांजली वाहण्यासाठी विद्या प्रतिष्ठान येथे प्रचंड गर्दी जमली होती.  
  • 2026-01-28 17:24:53

    सुप्रिया सुळे विद्या प्रतिष्ठान परिसरात दाखल

    सुप्रिया सुळे विद्या प्रतिष्ठान परिसरात दाखल
  • 2026-01-28 17:01:06

    राज्यपाल, मुख्यमंत्र्यांनी घेतली अजित पवार यांच्या पत्नींची भेट

    महाराष्ट्राचे राज्यपाल आचार्य देवव्रत, मुख्यमंत्री देवेंद्र फडणवीस, उपमुख्यमंत्री एकनाथ शिंदे यांनी महाराष्ट्राचे उपमुख्यमंत्री अजित पवार यांच्या पत्नी सुनेत्रा पवार यांची बारामतीत भेट घेतली. आज सकाळी बारामतीत चार्टर प्लेनच्या क्रॅश लँडिंगमध्ये अजित पवार यांचा मृत्यू झाला.  
  • 2026-01-28 16:23:38

    Ajit Pawar: बारामती येथील विद्या प्रतिष्ठानच्या मैदानात उद्या अंत्यसंस्कार

    अजित पवारांच्या पार्थिवावर उद्या सकाळी 11 वाजता शासकीय इतमामात अंत्यसंस्कार करण्यात येणार आहेत. बारामती येथील विद्या प्रतिष्ठानच्या मैदानात अंत्यसंस्कार होणार आहेत. पंतप्रधान नरेंद्र मोदी आणि गृहमंत्री अमित शहा हे देखील उपस्थित राहणार आहेत. (Ajit Pawar last rites)

    सविस्तर वाचा - 
  • 2026-01-28 16:17:30

    मनसे अध्यक्ष राज ठाकरे बारामतीकडे रवाना

    पुणे जिल्ह्यातील बारामती विमानतळाजवळ एक विमान कोसळून महाराष्ट्राचे उपमुख्यमंत्री अजित पवार आणि विमानात असलेल्या इतर चार जणांचा मृत्यू झाला. त्यांचे अंत्यदर्शन घेण्यासाठी मनसे अध्यक्ष राज ठाकरे बारामतीकडे रवाना झाले आहेत.  
  • 2026-01-28 16:12:37

    मुख्यमंत्री फडणवीस, शिंदे बारामतीत पोहोचले

    अजित पवार यांच्या निधनानंतर, मुख्यमंत्री फडणवीस आणि उपमुख्यमंत्री एकनाथ शिंदे बारामतीत आले. बारामती विमानतळावर दोघांचेही डोळे पाणावले होते. फडणवीस आणि शिंदे वारंवार त्यांचे अश्रू पुसताना दिसले.  
  • 2026-01-28 16:02:24

    पंतप्रधान नरेंद्र मोदी आणि गृहमंत्री अंत्यसंस्कार राहणार उपस्थीत

    बारामती येथील विद्या प्रतिष्ठानच्या मैदानात अंत्यसंस्कार होणार आहेत. पंतप्रधान नरेंद्र मोदी आणि गृहमंत्री अमित शहा हे देखील उपस्थित राहणार आहेत.
  • 2026-01-28 16:01:59

    अजित पवारांच्या पार्थिवावर उद्या अंत्यसंस्कार

    अजित पवारांच्या पार्थिवावर उद्या सकाळी 11 वाजता शासकीय इतमामात अंत्यसंस्कार करण्यात येणार आहेत.
  • 2026-01-28 15:57:54

    मंत्रालयावरील राष्ट्रध्वज अर्ध्यावर उतरवला

    उपमुख्यमंत्री अजित पवार यांच्या निधनानंतर मंत्रालयाच्या इमारतीवर भारतीय राष्ट्रध्वज अर्ध्यावर उतरवण्यात आला.  
  • 2026-01-28 15:06:10

    विमानाच्या लॅंडिगदरम्यान काय झालं - केंद्रीय नागरी विमान वाहतूक मंत्री राम मोहन नायडू किंजरापू

    बारामतीतील अपघातात अजित पवार पवारांसह एकूण सहा जणांचा मृत्यू झाला (Ajit Pawar Plane Crash) आहे. बारामतीत विमानाच्या लॅंडिगदरम्यान हा अपघात झाला. यावर आता केंद्रीय नागरी विमान वाहतूक मंत्री राम मोहन नायडू किंजरापू यांनी प्रतिक्रिया दिली आहे. ( Ram Mohan Naidu Kinjarapu on ajit pawar plane crash)

  • 2026-01-28 14:50:56

    नागरी विमान वाहतूक मंत्र्यांनी सांगितलं अजित पवारांच्या विमानाचा अपघात कसा झाला?

    महाराष्ट्राचे उपमुख्यमंत्री अजित पवार यांच्या विमान अपघातातील निधनाबद्दल केंद्रीय नागरी विमान वाहतूक मंत्री राम मोहन नायडू किंजरापू म्हणाले, "आम्ही या प्रकरणाची चौकशी पारदर्शक आणि जबाबदारीने करू. प्राथमिक माहितीनुसार, सकाळी 8:48 च्या सुमारास लँडिंगच्या वेळी घटनास्थळी दृश्यमानता कमी होती. लँडिंगपूर्वी, एटीसीने वैमानिकाला धावपट्टी दिसत आहे का असे विचारले, आणि त्याने ती दिसत नसल्याचे सांगितले. एकदा चक्कर मारल्यानंतर विमान पुन्हा उतरण्यासाठी आले, आणि वैमानिकाला पुन्हा विचारण्यात आले की लँडिंगसाठी धावपट्टी दिसत आहे का. तेव्हा वैमानिकाने धावपट्टी दिसत असल्याची पुष्टी केली. एटीसीने लँडिंगला परवानगी दिल्यानंतर, अपघात झाल्याचे दिसून आले."  "माझे मन दुःखाने खूप जड झाले आहे. अजित दादा आता आपल्यात नाहीत हे पचवणे कठीण आहे. या घटनेत मृत्यू झालेल्या इतर चार व्यक्तींच्या कुटुंबीयांप्रति मी शोक व्यक्त करतो. सार्वजनिक सेवेतील त्यांच्या अनुभवामुळे अजित दादा आम्हाला खूप मार्गदर्शन करायचे. महाराष्ट्रासाठी ही एक कधीही भरून न येणारी हानी आहे. त्यांच्यासारखे नेते मिळणे खूप कठीण आहे."
  • 2026-01-28 14:48:39

    Ajit Pawar Plane Crash: अजित पवारांचे विमान चालणारे पायलट नेमके कोण? किती होता त्यांना अनुभव?

    बारामतीतील अपघातात अजित पवार पवारांसह एकूण सहा जणांचा मृत्यू झाला (Ajit Pawar Plane Crash) आहे. बारामतीत विमानाच्या लॅंडिगदरम्यान हा अपघात झाल्याची माहिती आहे. अजित पवारांचे विमान चालणारे पायलट नेमके कोण? त्यांना अनुभव किती होता असे प्रश्न समोर येत आहेत.

  • 2026-01-28 14:31:15

    अजित पवार यांचे विमान कोसळतानाचा चित्तथरारक सीसीटीव्ही Video आला समोर; एका क्षणात…

    Ajit Pawar plane crash Video: उपमुख्यमंत्री अजित पवार यांचे विमान आज सकाळी 8:45 च्या सुमारास बारामती येथे कोसळले. लँडिंग दरम्यान विमानाला आग लागली, त्यात अजित पवारांसह पाच जणांचा मृत्यू झाला. या घटनेचे भयानक सीसीटीव्ही फुटेज समोर आले आहे.

  • 2026-01-28 13:47:55

    महाराष्ट्राने एक उमदा नेता गमावला - राज ठाकरे

    माझे मित्र आणि राज्याचे उपमुख्यमंत्री अजित पवार यांचं निधन झालं. महाराष्ट्राच्या राजकारणाने एक उमदा नेता गमावला, अशा शब्दांत राज ठाकरे यांनी अजित पवार यांच्या निधनावर शोकभावना व्यक्त केली आहे.
  • 2026-01-28 13:38:39

    अजित पवारांच्या मृत्यूची सर्वोच्च न्यायालयाच्या देखरेखीखाली चौकशी हवी - ममता बॅनर्जी

    आम्हाला अजित पवार यांच्या विमान अपघातातील मृत्यूची सर्वोच्च न्यायालयाच्या देखरेखीखाली चौकशी हवी आहे, आम्हाला कोणत्याही संस्थेवर विश्वास नाही: पश्चिम बंगालच्या मुख्यमंत्री ममता बॅनर्जी
  • 2026-01-28 13:20:20

    महाराष्ट्रासाठी आजचा काळा दिवस - एकनाथ शिंदे

    उपमुख्यमंत्री अजितदादांच्या निधनाने माझा मोठा भाऊ गेल्याची भावना माझ्या मनात आहे. महाराष्ट्रासाठी आजचा काळा दिवस असून एक दूरदर्शी, स्पष्टवक्ता आणि अतिशय अभ्यासू नेता आपण गमावला आहे, अशी भावना उपमुख्यमंत्री एकनाथ शिंदे (Eknath Shinde) यांनी व्यक्त केली आहे.

  • 2026-01-28 13:19:47

    राज्यात आज शासकीय सुटी जाहीर

    उपमुख्यमंत्री अजित पवार यांचे विमान अपघातात निधन झाले (Ajit pawar plane crash) आहे. या दुर्दैवी अपघातात विमानातील सर्व प्रवाशांचा मृत्यू झाला. मुख्यमंत्री देवेंद्र फडणवीस यांनी राज्यात आज शासकीय सुटी जाहीर करण्यात आली असून तीन दिवसांचा दुखवटा जाहीर करण्यात आला आहे. सविस्तर वाचा - 
  • 2026-01-28 12:36:51

    देवेंद्र फडणवीस यांनी अजित पवार यांच्या निधनावर व्यक्त केला शोक

    उपमुख्यमंत्री अजित पवार यांचे विमान अपघातात निधन झाले (Ajit pawar plane crash) आहे. या दुर्दैवी अपघातात विमानातील सर्व प्रवाशांचा मृत्यू झाला. मुख्यमंत्री देवेंद्र फडणवीस यांनी अजित पवार यांच्या निधनावर शोक व्यक्त केला आहे.

  • 2026-01-28 12:27:47

    मुख्यमंत्री देवेंद्र फडणवीस बारामतीसाठी रवाना

    माझे सर्व कार्यक्रम मी रद्द केले आहेत. थोड्याच वेळात बारामतीसाठी निघतो आहे, अशी माहिती मुख्यमंत्री देवेंद्र फडणवीस यांनी दिली आहे.  
  • 2026-01-28 12:19:00

    'अजित पवारांचे विमान कोसळले अन् स्फोट... आम्ही मदत करू शकलो नाही'; प्रत्यक्षदर्शीने सांगितला थरारक अनुभव

    उपमुख्यमंत्री अजित पवार यांचे विमान बारामती येथे कोसळले (Ajit pawar plane crash), त्यात त्यांच्यासह पाच जणांचा मृत्यू झाला. सकाळी 8:45 वाजता विमान कोसळल्यानंतर विमानात आग लागली आणि अनेक वेळा स्फोट झाले. प्रत्यक्षदर्शींनी सांगितले की आग इतकी भीषण होती की कोणीही मदत करू शकले नाही. सविस्तर वाचा -
  • 2026-01-28 12:11:25

    रोहित पवारांना अश्रू अनावर; पोहोचले बारामतीच्या रुग्णालयात

    विमान अपघाताची माहिती मिळल्यानंतर रोहित पवार बारामतीच्या रुग्णालयात पोहोचले, यावेळी त्यांना अश्रू अनावर झाले.
  • 2026-01-28 12:01:03

    आता पर्यंत या नेत्यांचा विमान अपघातात मृत्यू

    Ajit Pawar plane Crash: उपमुख्यमंत्री अजित पवार यांचे बारामती विमानतळावर विमान अपघातात निधन झाले. चार्टर्ड विमानाचे आपत्कालीन लँडिंग करण्यात आले, ज्यामध्ये अजित पवारांसह सहा जणांचा मृत्यू झाला. जिल्हा परिषद निवडणुकीसाठी जाहीर सभांना संबोधित करण्यासाठी पवार जात असताना ही घटना घडली. विजय रुपाणी, संजय गांधी आणि वाय.एस. राजशेखर रेड्डी यांच्यासह विमान अपघातात मृत्युमुखी पडलेल्या इतर भारतीय नेत्यांचाही उल्लेख आहे. वाचा सविस्तर 
  • 2026-01-28 11:22:00

    राष्ट्रपतींनी व्यक्त केला शोक

    राष्ट्रपती द्रौपदी मुर्मू यांनीही अजित पवार यांच्या निधनाबद्दल शोक व्यक्त केला. त्यांनी लिहिले की, "महाराष्ट्रातील बारामती येथे झालेल्या विमान अपघातात महाराष्ट्राचे उपमुख्यमंत्री अजित पवार यांच्यासह अनेकांच्या मृत्यूची बातमी ऐकून खूप दुःख झाले आहे. अजित पवारजींचे अकाली निधन हे एक कधीही भरून न येणारे नुकसान आहे. महाराष्ट्राच्या विकासात, विशेषतः सहकार क्षेत्रात त्यांनी दिलेल्या महत्त्वपूर्ण योगदानाबद्दल ते नेहमीच लक्षात राहतील. मी त्यांच्या कुटुंबियांना, समर्थकांना आणि चाहत्यांना माझ्या मनापासून संवेदना व्यक्त करतो. अपघातात मृत्युमुखी पडलेल्या सर्वांच्या कुटुंबियांना देव हे दुःख सहन करण्याची शक्ती देवो."
  • 2026-01-28 11:17:00

    शरद पवार बारामतीला रवाना

    राष्ट्रवादी काँग्रेस (सपा) नेते आणि अजित पवार यांचे काका शरद पवार बारामतीला रवाना झाले आहेत. शरद पवार पत्नी प्रतिभा पवार यांच्यासह मुंबईहून बारामतीला रवाना झाले.
  • 2026-01-28 11:15:00

    मुख्यमंत्री फडणवीस आणि उपमुख्यमंत्री एकनाथ शिंदे बारामतीला जाणार

    उपमुख्यमंत्री अजित पवार यांच्या निधनाने देशभरात शोककळा पसरली आहे. उपमुख्यमंत्री एकनाथ शिंदे यांनीही शोक व्यक्त केला आहे आणि बारामतीला जाण्याचा निर्णय घेतला आहे. "मुख्यमंत्री आणि मी लवकरच बारामतीला जाणार आहोत," असे एकनाथ शिंदे म्हणाले.
  • 2026-01-28 11:10:00

    अजित पवार यांच्या निवासस्थानावरील व्हिडिओ

    महाराष्ट्राचे उपमुख्यमंत्री अजित पवार यांच्या पुण्यातील निवासस्थानाबाहेर सुनसान वातावरण होते. निवासस्थानाबाहेर मोठा पोलिस बंदोबस्त तैनात करण्यात आला होता. आज बारामती येथे झालेल्या चार्टर विमान अपघातात उपमुख्यमंत्र्यांचा मृत्यू झाला.
  • 2026-01-28 11:00:00

    प्रियांका गांधी यांनी व्यक्त केल्या शोक संवेदना

    महाराष्ट्राचे उपमुख्यमंत्री अजित पवार यांच्या निधनाबद्दल काँग्रेस खासदार प्रियांका गांधी वड्रा म्हणाल्या, "संपूर्ण पवार कुटुंब आणि त्यांच्या समर्थकांबद्दल आमच्या संवेदना. मी सुप्रियाजी आणि त्यांच्या पत्नीशी बोलली."
  • 2026-01-28 10:51:00

    पंतप्रधान नरेंद्र मोदी यांनी महाराष्ट्राचे उपमुख्यमंत्री अजित पवार यांच्या निधनाबद्दल शोक व्यक्त केला

    मोदींनी ट्विट करत लिहिले "श्री अजित पवार हे जनतेचे नेते होते, ज्यांचा तळागाळातील लोकांशी घनिष्ठ संबंध होता. त्यांचे अकाली निधन अत्यंत धक्कादायक आणि दुःखद आहे. त्यांच्या कुटुंबियांना आणि असंख्य चाहत्यांना माझ्या संवेदना. ओम शांती," असे त्यांनी ट्विट केले आहे.
  • 2026-01-28 10:41:36

    विमान अपघातात अजित पवार आणि इतर पाच जणांचा मृत्यू

    बुधवारी सकाळी पुणे जिल्ह्यात एक विमान कोसळून झालेल्या अपघातात महाराष्ट्राचे उपमुख्यमंत्री अजित पवार आणि इतर पाच जणांचा मृत्यू झाला. (ajit pawar death )

  • 2026-01-28 10:30:58

    संरक्षण मंत्री राजनाथ सिंह यांनी व्यक्त केलं दुःख

    संरक्षण मंत्री राजनाथ सिंह यांनी अजित पवार यांच्या निधनावर दुःख व्यक्त केलं. "महाराष्ट्राचे उपमुख्यमंत्री श्री अजित पवार यांच्या अकाली निधनाबद्दल ऐकून मला तीव्र धक्का बसला आहे आणि खूप दुःख झाले आहे. त्यांच्या प्रदीर्घ सार्वजनिक जीवनात ते महाराष्ट्राच्या विकासासाठी आणि समृद्धीसाठी कटिबद्ध राहिले. ते लोकांबद्दलच्या करुणेसाठी आणि सार्वजनिक सेवेतील त्यांच्या अटूट समर्पणासाठी ओळखले जात होते. मी त्यांच्या कुटुंबियांना, हितचिंतकांना आणि चाहत्यांना माझ्या मनःपूर्वक संवेदना व्यक्त करतो." असं त्यांनी म्हटलं आहे.
  • 2026-01-28 10:01:17

    अजित पवार यांचे विमान अपघातात निधन

    उपमुख्यमंत्री अजित पवार यांच्यासह आणखी 2 कर्मचारी (1 पीएसओ आणि 1 परिचर) आणि 2 क्रू सदस्य (पायलट आणि सह-पायलट) विमानात होते. प्राथमिक माहितीनुसार, या अपघातात विमानात असलेल्यांपैकी कोणीही वाचलेले नाही: डीजीसीए (नागरी विमान वाहतूक महासंचालनालय)
  • 2026-01-28 09:55:38

    विमानात होते अजित पवार आणि इतर तीन जण

    पुणे जिल्ह्यात विमान कोसळले आहे. यात  उपमुख्यमंत्री अजित पवार आणि इतर तीन जण होते अशी माहिती आहे: अधिकारी  
  • 2026-01-28 09:45:42

    Ajit Pawar Plane Crash: अजित पवार यांचे विमान लँडिंग करताना कोसळले

    Ajit Pawar Aircraft Crash In Baramati: बारामती येथे एक मोठा अपघात झाला, जिथे उपमुख्यमंत्री अजित पवार यांचे विमान लँडिंग करताना कोसळले. अपघाताच्या वेळी अजित पवार विमानात होते. बारामती येथे घडलेल्या या घटनेमुळे परिसरात मोठी घबराट पसरली आहे.