जेएनएन, तुळजापूर - तुळजाभवानी देवीच्या मंदिरात येणाऱ्या लाखो भाविकांसाठी एक महत्त्वाची बातमी आहे. देवीच्या सिंहाच्या गाभाऱ्यातून होणारे थेट दर्शन आजपासून पुन्हा सुरू झाले आहे. भाविकांना आता देवीचे मुखदर्शन घेता येणार आहे.
गेल्या 20 दिवसापासून देवीच्या सिंहाच्या गाभाऱ्यातील संवर्धनाचे (संरक्षण व देखभाल) काम हाती घेण्यात आले होते. या कामामुळे थेट गाभाऱ्यातून दर्शन घेणे भाविकांसाठी बंद करण्यात आले होते. दरम्यान धाराशिव जिल्हा प्रशासनाने भाविकांसाठी दर्शनाची विशेष व्यवस्था केली होती. मंदिर परिसरात गर्दी होणार नाही यासाठी विशेष पोलीस सुरक्षाही देण्यात आली होती. तुळजाभवानी मंदिरातील गर्दी टाळण्यासाठी विशेष रागांचे नियोजन करण्यात आले होते.
तुळजाभवानी मंदिरात येणाऱ्या भाविकांना भवानी मातेचे दर्शन सुरळीत होईल याची काळजी जिल्हा प्रशासनाकडून घेण्यात आली होती. मात्र आता भवानी मातेचे थेट दर्शन घेता येणार आहे. मागील 20 दिवसापासून बंद असलेले मुख दर्शन आता पूर्ववत सुरू करण्यात आले आहे. धाराशिव जिल्हा प्रशासनाकडून ही माहिती देण्यात आली आहे.