एजन्सी, पुणे: पुणे जिल्ह्यात मालेगाव सारखीच घटना समोर आली आहे. पुणे जिल्ह्यात बेपत्ता झालेल्या पाच वर्षांच्या मुलीवर लैंगिक अत्याचार करून तिची हत्या करण्यात आली आहे, अशी माहिीत पोलिसांनी रविवारी दिली आहे.
Pune Rape And Murder Case: 32 वर्षीय पुरूषाला अटक
बलात्कार-हत्येप्रकरणी एका 32 वर्षीय पुरूषाला ताब्यात घेण्यात आले आहे, असे एका अधिकाऱ्याने सांगितले.
मुलीवर लैंगिक अत्याचार
मावळ तहसीलमधील ही मुलगी शनिवारी बेपत्ता झाली आणि तिचा मृतदेह नंतर सापडला, ज्यामुळे पोलिसांनी या प्रकरणाचा उलगडा करण्यासाठी अनेक पथके तयार केली. त्यानंतर, मुलीवर लैंगिक अत्याचार झाल्याचे देखील सिद्ध झाले, असे अधिकाऱ्याने सांगितले.
मुलीला चॉकलेटचे आमिष देऊन
पिंपरी चिंचवड पोलिसांचे सहाय्यक पोलिस आयुक्त (झोन 2) बाळासाहेब कोपनार म्हणाले, “आम्ही मुलीच्या घराजवळ दिसलेल्या एका पुरूषाला ताब्यात घेतले आहे. त्याने मुलीला चॉकलेट देऊन आमिष दाखवल्याची आणि नंतर तिचा गळा दाबल्याची कबुली दिली आहे.
गुन्हा दाखल
शिरगाव पोलिस ठाण्यात गुन्हा दाखल करण्यात आला आहे, असे अधिकाऱ्याने सांगितले आणि पुढील तपास सुरू असल्याचेही सांगितले.
