Video: निवडणूक जाहीर होताच राज ठाकरेंची आली पहिली प्रतिक्रिया, '100 टक्के खात्री पटली की निवडणूक आयोग…'

जेएनएन, मुंबई. बहुप्रतिक्षेत असलेल्या स्थानिक स्वराज्य संस्थ्यांच्या निवडणुकांना (Nagar Parishad-Panchayat Election) सुरुवात झाली आहे. राज्यात पहिला टप्प्यात 246 नगरपरिषदा व 42 नगरपंचायर्तीच्या (एकूण 288) सदस्यपदासाठी आणि थेट अध्यक्षपदाच्या सार्वत्रिक निवडणुकांकरिता 2 डिसेंबर 2025 रोजी मतदान होणार आहे.  तर 3 डिसेंबर 2025 रोजी मतमोजणी (Municipal Council Election 2025) होणार आह. या सर्व नगरपरिषदा व नगरपंचायतींच्या कार्यक्षेत्रात आजपासून आचारसंहिता लागू झाली आहे, अशी घोषणा राज्य निवडणूक आयुक्त दिनेश वाघमारे यांनी आज येथे पत्रकार परिषदेत केली.

सत्ताधाऱ्यांच्या हातचं बाहुलं

निवडणूक आयोगाने घोषणा केल्यानंतर राज ठाकरे यांची पहिली प्रतिक्रिया आली आहे. त्यांनी आयोगाला सत्ताधाऱ्यांच्या हातचं बाहुलं असं म्हटलं आहे.

हेही वाचा - Municipal Council Election Date: नगर परिषद- नगर पंचायत निवडणुकीचा सविस्तर कार्यक्रम 

राज ठाकरे यांची प्रतिक्रिया 

‘आजच्या निवडणुका आयोगाच्या पत्रकार परिषदेची क्लिप मला कोणीतरी पाठवली. ती पाहून तळपायाची आग मस्तकात गेली ! आणि आता 100% खात्री पटली की निवडणूक आयोग स्वायत्त आहे हे फक्त संविधानात आहे.. हे सत्ताधाऱ्यांच्या हातचं बाहुलं आहे... दुबार मतदार नोंदणीपासून, ते मतदार यादीतील अनेक घोळ या सगळ्यावर एकही प्रश्न विचारल्यावर जर निवडणूक आयोगाला एकही उत्तर देता येत नसेल किंवा द्यायची इच्छा नसेल तर तुमचा उपयोग काय ? जबाबदारी तर तुम्ही केंव्हाच झटकली आहेत, आत्ता उत्तरदायित्व पण नाकारणार, मग तुमच्या पदांच करायचं काय ? महाराष्ट्रातील जनतेने ही क्लिप जरूर पहा... तुमच्या मतदानाचा ढळढळीत अपमानाचा उगम कुठून आहे हे तुम्हाला कळेल... बाकी या पत्रकार परिषदेत प्रश्न विचारून निवडणूक आयोगाची भंबेरी उडवणाऱ्या पत्रकारांचं मनापासून अभिनंदन…’, असं त्यांनी आपल्या ट्वीटमध्ये म्हटलं आहे.

आजच्या निवडणुका आयोगाच्या पत्रकार परिषदेची क्लिप मला कोणीतरी पाठवली. ती पाहून तळपायाची आग मस्तकात गेली ! आणि आता १००% खात्री पटली की निवडणूक आयोग स्वायत्त आहे हे फक्त संविधानात आहे.. हे सत्ताधाऱ्यांच्या हातचं बाहुलं आहे... दुबार मतदार नोंदणीपासून, ते मतदार यादीतील अनेक घोळ या… pic.twitter.com/DizmmWTOkH

— Raj Thackeray (@RajThackeray) November 4, 2025

महत्वाच्या तारखा 

• नामनिर्देशनपत्र दाखल करण्यास सुरुवात - 10 नोव्हेंबर 
• नामनिर्देशनपत्रची दाखल करण्याची अंतिम मुदत 17 नोव्हेंबर 
• नामनिर्देशनपत्रांची छाननी - 18 नोव्हेंबर
• अपील नसलेल्या ठिकाणी नामनिदेशनपत्र माघारीची अंतिम मदुत- 21 नोव्हेंबर
• अपील असलेल्या ठिकाणी नामनिदेशनपत्र माघारीची अंतिम मुदत 25 नोव्हेंबर
• मतदानाचा दिवस - 02 डिसेंबर
• मतमोजणीचा दिवस - 03 डिसेंबर 2025

हेही वाचा - Local Body Election 2025 Date Highlights: 246 नगरपरिषदा आणि 42 नगरपंचायतीच्या निवडणुका जाहीर, ईव्हीएम द्वारेच 2 डिसेंबरला मतदान