जेएनएन, मुंबई. Thane Rain News: ठाणे जिल्ह्यात मुसळधार पाऊस कोसळत आहे. अनेक भागात पाणी साचले आहे. तर अनेक रस्ते पाण्याखाळी गेले आहेत. आतात भारतीय हवामान खात्याने (IMD) ठाणे जिल्ह्यात आज आणि उद्या रेड अलर्ट जारी केला आहे. याचपार्श्वभूमीवर ठाणे महानगरपालिकेने (TMC) सोमवारी 18 आणि 19 ऑगस्ट रोजी या भागातील सर्व शाळांना दोन दिवसांची सुट्टी जाहीर केली आहे.
सर्व शाळा महाविद्यालायांना सुट्टी
एका अधिकृत अधिसूचनेत म्हटले आहे की, हा निर्णय प्रत्येक व्यवस्थापन आणि माध्यमाच्या अंतर्गत येणाऱ्या सर्व प्रकारच्या शाळांना लागू आहे. पूर्व-प्राथमिक, प्राथमिक, माध्यमिक आणि उच्च माध्यमिक यासह - मग त्या सरकारी अनुदानित असोत किंवा विनाअनुदानित असोत, आणि खाजगी संस्था असोत.
दोन दिवस सुट्टी देण्याची घोषणा
"ठाणे शहरावर परिणाम करणाऱ्या तीव्र हवामान परिस्थितीत विद्यार्थ्यांची सुरक्षितता सुनिश्चित करण्यासाठी दोन दिवस सुट्टी देण्याची घोषणा करण्यात आली आहे. मुंबईतील कुलाबा येथील राज्य आपत्कालीन केंद्र आणि प्रादेशिक हवामान केंद्राकडून आलेल्या सूचनांचा आढावा घेतल्यानंतर ठाणे महानगरपालिका आयुक्तांनी हे निर्देश जारी केले आहेत," असे अधिकाऱ्यांनी सांगितले.
विद्यार्थ्यांना योग्य माध्यमांद्वारे शाळा बंद असल्याची माहिती त्वरित द्यावी
18 आणि 19 ऑगस्ट रोजी नियोजित कोणतेही नियोजित प्रशिक्षण कार्यक्रम, परीक्षा किंवा शालेय उपक्रम शाळा-स्तरीय नियोजनानुसार पुन्हा वेळापत्रकबद्ध करावेत आणि नंतर पूर्ण करावेत. सर्व विद्यार्थ्यांना आणि पालकांना योग्य माध्यमांद्वारे शाळा बंद असल्याची माहिती त्वरित देण्यात यावी, असे अधिसूचनेत म्हटले आहे.