जेएनएन, मुंबई: उपमुख्यमंत्री तथा राज्याचे वित्त व नियोजनमंत्री अजित पवार यांनी राज्याचा वर्ष 2024-25 चा आर्थिक पाहणी अहवाल आज विधानसभेत सादर केला. 2024-25 मध्ये महाराष्ट्राची अर्थव्यवस्था 7.3 टक्के वाढेल, अशी अपेक्षा त्यांनी आर्थिक सर्वेक्षणात व्यक्त केला आहे.
देशाचा जीडीपी 6.5 टक्के वाढेल
2024-25 मध्ये भारतीय अर्थव्यवस्था 6.5 टक्के वाढेल अशी अपेक्षा असल्याचे त्यांनी सर्वेक्षणात म्हटले आहे.
हेही वाचा - Women's Day 2025 Wishes: महिला दिनानिमित्त या संदेशांद्वारे तुमच्या जीवनातील खास महिलेला द्या स्पेशल फिलिंग
या क्षेत्राच्या जीडीपीत होणार वाढ
2024-25 आर्थिक वर्षात कृषी आणि संलग्न उपक्रम, उद्योग आणि सेवा क्षेत्रे अनुक्रमे 8.7 टक्के, 4.9 टक्के आणि 7.8 टक्के वाढतील अशी अपेक्षा आहे, असे त्यात म्हटले आहे.
हेही वाचा - Ladki Bahin Yojana: लाडक्या बहिणींना 2100 रुपये मिळणार नाही! 1500 रुपयांवरच समाधान मानावं लागणार
जीएसडीपी अंदाजीत
आर्थिक सर्वेक्षणात म्हटले आहे की, 2023-24 साठी नाममात्र जीएसडीपी (सकल राज्य देशांतर्गत उत्पादन) 40,55,847 कोटी रुपये अंदाजित आहे, जे 2022-23 मध्ये 36,41,543 कोटी रुपये होते. 2022-23 साठी वास्तविक जीएसडीपी 24,35,259 कोटी रुपये अंदाजित आहे, जे 2022-23 साठी 22,55,708 कोटी रुपये होते, असे त्यात म्हटले आहे.
भारताच्या जीडीपीत महाराष्ट्राचा वाटा
सुधारित अंदाजानुसार, 2023-24 मध्ये अखिल भारतीय नाममात्र जीडीपीमध्ये महाराष्ट्राच्या नाममात्र जीएसडीपीचा वाटा सर्वाधिक 13.5 टक्के होता, असे सर्वेक्षणात म्हटले आहे.
2024-25 साठी दरडोई उत्पन्न 3,09,340 रुपये अंदाजित आहे, जे 2023-24 साठी 2,78,681 रुपये होते, असे त्यात म्हटले आहे.