जेएनएन, मुंबई. Maharashtra In FDI News: गेल्या 10 वर्षांतील विक्रमी परकीय गुंतवणूक केवळ 9 महिन्यात महाराष्ट्राने प्राप्त केली आहे. उपमुख्यमंत्री एकनाथ शिंदे, अजित पवार आणि मंत्रिमंडळाच्या नेतृत्त्वात महाराष्ट्राची ही घौडदौड अशीच कायम राहील, असं मुख्यमंत्री देवेंद्र फडणवीस यांनी म्हटलं आहे.

2016-17 या आर्थिक वर्षाचा विक्रम मोडला 

केंद्र सरकारच्या डीपीआयआयटीच्या परकीय गुंतवणुकीच्या डिसेंबर 2024 अखेरच्या अहवालानुसार 2024-25 या आर्थिक वर्षातील पहिल्या 9 महिन्यात आतापर्यंत 1 लाख 39 हजार 434 कोटींची परकीय गुंतवणूक (FDI) आली. ही गेल्या 10 वर्षांत महाराष्ट्रात कोणत्याही एका वर्षात आलेल्या परकीय गुंतवणुकीपेक्षा सर्वाधिक आहे. सरकारने आपलाच 2016-17 या आर्थिक वर्षाचा विक्रम मोडला आहे. या यशाबद्दल मुख्यमंत्री व उपमुख्यमंत्री यांनी संपूर्ण महाराष्ट्राचे अभिनंदन केले आहे.

देवेंद्र फडणवीस यांनी ट्वीट करुन दिली माहिती

गेल्या 10 वर्षांतील विक्रमी परकीय गुंतवणूक महाराष्ट्रात आली केवळ 9 महिन्यात !

केंद्र सरकारच्या डीपीआयआयटीने परकीय गुंतवणुकीचा डिसेंबर 2024 अखेरचा अहवाल जाहीर केला असून, गेल्या 10 वर्षांतील सर्वाधिक वार्षिक परकीय गुंतवणूक ही अवघ्या 9 महिन्यात महाराष्ट्राने प्राप्त केली आहे. 2024-2025 या आर्थिक वर्षातील पहिल्या 9 महिन्यात आतापर्यंत एकूण 1,39,434 कोटी रुपये इतकी परकीय गुंतवणूक आली आहे. ही गेल्या 10 वर्षांत महाराष्ट्रात कोणत्याही एका वर्षात आलेल्या परकीय गुंतवणुकीपेक्षा सर्वाधिक आहे. असे करताना महायुती सरकारने आपलाच 2016-17 या आर्थिक वर्षाचा विक्रम मोडला आहे. अर्थात या आर्थिक वर्षातील एक तिमाही आणखी बाकी आहे.

    संपूर्ण महाराष्ट्राचे पुन्हा एकदा मन:पूर्वक अभिनंदन!

    माझे सहकारी उपमुख्यमंत्री एकनाथराव शिंदे, अजितदादा पवार आणि मंत्रिमंडळाच्या नेतृत्त्वात आपल्या महाराष्ट्राची ही घौडदौड ही अशीच कायम राहील.

    हेही वाचा - Maharashtra Politics: उद्धव ठाकरे गटाला मोठं खिंडार, चार दिग्गज नेत्यांनी ठाकरे सेनेला केला जय महाराष्ट्र 

    डीपीआयआयटी (उद्योग आणि अंतर्गत व्यापार संवर्धन विभाग) ने डिसेंबर 2024 अखेर संकलित केलेल्या आकडेवारीनुसार, थेट परकीय गुंतवणुकीच्या (FDI) प्रवाहात महाराष्ट्र देशात अव्वल आहे, त्यानंतर कर्नाटक आणि गुजरातचा क्रमांक लागतो.