जेएनएन, मुंबई. राज्यात स्थानिक स्वराज्य संस्थाच्या निवडणुका होत आहेत. सर्व पक्षांनी या निवडणुकीसाठी कंबर कसली आहे. सर्व पक्ष तयारीला लागले आहेत. नगरपालिका व नगर पंचायत निवडणुकीच्या प्रचारासाठी काँग्रेस पक्षाच्या 40 स्टार प्रचारकांची यादी जाहीर करण्यात आली आहे.
महाराष्ट्र प्रभारी, काँग्रेस प्रदेशाध्यक्ष, माजी मंत्री, खासदार, आमदार व वरिष्ठ पदाधिकारी यांचा यात समावेश आहे.
काँग्रेसचे स्टार प्रचारक
या यादीत अखिल भारतीय काँग्रेस कमिटीचे सरचिटणीस व प्रभारी रमेश चेन्नीथला, प्रदेशाध्यक्ष हर्षवर्धन सपकाळ, विजय वडेट्टीवार, शाहू महाराज छत्रपती, सतेज ऊर्फ बंटी पाटील, बाळासाहेब थोरात, पृथ्वीराज चव्हाण, मुकुल वासनिक, रजनीताई पाटील, माणिकराव ठाकरे, नाना पटोले, यशोमती ठाकूर, चंद्रकांत हंडोरे, आरिफ नसीम खान, प्रणिती शिंदे, डॉ. नितीन राऊत, सुनिल केदार, अमित देशमुख, के. सी. पाडवी, वर्षा गायकवाड, अस्लम शेख, डॉ. विश्वजित कदम, एम.एम. शेख, मुजफ्फर हुसेन, रणजित कांबळे, रमेश बागवे, राजेंद्र मुळक, भाई जगताप, साजीद खान पठाण, सचिन सावंत, अतुल लोंढे, वसंत पुरके, संध्या सव्वालाखे, डॉ. वजाहत मिर्झा, शिवराज मोरे, डॉ. यशपाल भिंगे, सिद्धार्थ हत्तीअंबीरे, विलास औताडे, सागर साळुंखे, राजेंद्र राख आदींचा या स्टार प्रचारकांच्या यादीत समावेश आहे.
नगरपरिषद-पंचायत निवडणूक सविस्तर कार्यक्रम
- नामनिर्देशन दाखल - 10 नोव्हेंबर
- नामनिर्देशन अंतिम तारीख- 17 नोव्हेंबर
- छाननी - 18 नोव्हेंबर
- नामनिर्देशन वापस - 21 नोव्हेंबर
- नामनिर्देशन (अपिल) - 25 नोव्हेंबर
- निवडणूक चिन्ह - 26 नोव्हेंबर
- मतदान - 2 डिसेंबर
- मतमोजणी - 3 डिसेंबर
हेही वाचा - एकला चलो रे! महाविकास आघाडीत तणाव; काँग्रेस BMC निवडणुक स्वबळावर लढणार?