जेएनएन,पुणे- बैलगाडा शर्यतीवरील बंदीविरोधात आंदोलन केल्याप्रकरणी तब्बल 32 जणांविरोधात अटक वॉरंट जारी करण्यात आले आहे. अटक वॉरंटच्या यादीनुसार भाजप आमदार महेश लांडगे, खेडचे आमदार दिलीप मोहिते, माजी खासदार शिवाजीराव आहेर, माजी खासदार बाळा भेगडे, तसेच शिवाजीराव आठवळे पाटील यांचा समावेश आहे.
2017 साली पुण्यातील चाकण येथे पुणे-नाशिक महामार्गावर कोणतीही परवानगी न घेता सर्वपक्षीय नेत्यांनी रस्तारोको आंदोलन केले होते. हे आंदोलन बैलगाडा मालकांच्या हितासाठी करण्यात आले होते, असे आंदोलकांचे म्हणणे आहे. दिलीप मोहिते पाटलांनी स्पष्ट केले की, हे आंदोलन राजकीय नसून पूर्णपणे बैलगाडा मालकांच्या न्यायासाठी होते.
अटक वॉरंट रद्द करण्यासाठी आणि प्रकरणातील सर्व नेत्यांना दिलासा मिळवून देण्यासाठी सध्या सर्व जणांनी खेड उपजिल्हा न्यायालयात धाव घेतली आहे.