जेएनएन, अहिल्यानगर. Ahilyanagar Latest News: पुण्यश्लोक अहिल्यादेवी होळकर सहकारी सूतगिरणी व मुख्यमंत्री ग्रामसडक योजनेंतर्गत चौंडी ते निमगाव डाकू रस्त्याचे भूमिपूजन मुख्यमंत्री देवेंद्र फडणवीस यांच्या हस्ते करण्यात आले.
चौंडीत राज्य मंत्रिमंडळ बैठक
मुंबई, नागपूर आणि छत्रपती संभाजीनगर नंतर आज इतिहासात प्रथमच अहिल्यानगरच्या चौंडीत राज्य मंत्रिमंडळाच्या बैठकीचे आयोजन करण्यात आले. चौंडीला मंत्रिमंडळ बैठकीसाठी मुख्यमंत्र्यांसह सर्व मंत्री अहिल्यादेवींच्या नगरीत उपस्थीत होते.
सूतगिरणीसाठी 91 कोटींचा निधी
सूतगिरणीमुळे परिसरात रोजगारनिर्मितीला चालना मिळणार असून नवीन रस्त्यामुळे दळणवळण सुलभ होणार आहे. चौंडी शिवारात उभारण्यात येत असलेल्या या सूतगिरणीसाठी 91 कोटी रुपये इतक्या निधीची तरतूद करण्यात आली असून कापूस उत्पादक शेतकऱ्यांना त्याचा थेट लाभ होणार आहे.
हेही वाचा - Kalyan Murder Case: दारुसाठी पैसे दिले नाही म्हणून घरात घुसून तरुणीची हत्या, 5 आरोपींना ठोकल्या बेड्या
चौंडी ते निमगाव डाकू रस्त्याच्या कामाला मंजूरी
मुख्यमंत्री ग्रामसडक योजनेअंतर्गत चौंडी ते निमगाव डाकू दरम्यानचा 2.700 किलोमीटर लांबीचा रस्ता साकारण्यात येणार आहे. या कामासाठी राज्य शासनाने 3 कोटी 94 लाख रुपयांच्या खर्चास मान्यता दिली आहे. हे काम महाराष्ट्र रस्ते विकास महामंडळाच्या माध्यमातून हाती घेण्यात येणार आहे.
हेही वाचा - Gadchiroli News: गडचिरोली जिल्ह्यातील शरयू ढोरे जिल्ह्यात पहिली, बारावीत मिळाले 92 टक्के गुण
सूतगिरणी रस्त्यासाठी निधीची तरतूद
पुण्यश्लोक अहिल्यादेवी होळकर सूतगिरणी याच रस्त्यावर असल्याने 5.50 मीटर रुंद डांबरी रस्ता प्रस्तावित करण्यात आला आहे. पाच वर्षांसाठी देखभाल व दुरुस्ती खर्चासाठी आवश्यक निधीची सुद्धा तरतूद करण्यात आली आहे.