जेएनएन, मुंबई. Uber Shuttle Service in Mumbai : राज्यात विना परवाना ‘उबर शटल बस’ सेवा प्रकरणात नाना पटोले यांनी पत्र लिहून कारवाई करण्याची मागणी केली आहे. या प्रकरणात मोठी अपडेट समोर आली असून. नाना पटोले यांच्या पत्रावर उबरवर एफआयआर दाखल करण्याचे आदेश परिवहन मंत्री प्रताप सरनाईक (pratap sarnaik ) यांनी परिवहन आयुक्तांना दिले आहे.

उबर कंपनीला ‘उबर शटल बस’ला (Uber Shuttle Service) दिल्ली सोडून महाराष्ट्रातील कुठल्याही शहरात परवानगी नाहीत. तरी ही महाराष्ट्रात उबर शटलची बस सेवा सुरू आहे. या प्रकरणात काँग्रेस आमदार नाना पाटोले यांनी विधानसभेत मुद्दा मांडला आहे. मुंबईत राज्य सरकारच्या परवानगी शिवाय ‘उबर शटल बस’ सुरू आहे यावर राज्य सरकारने त्वरित कारवाई करण्याची मागणी पटोले यांनी पत्र लिहून मंत्री सरनाईककडे केली आहे. उबर कंपनी परवानगी शिवाय राज्यात बस कशी चालवत आहे याची कुठलीही माहिती राज्य सरकारला नाहीत यामुळे अशा कंपनीवर कारवाई करण्याची मागणी पटोले यांनी केली आहे. मुंबईत  उबर शटल बस प्रति व्यक्ती 150 ते 200 रुपये प्रति राईड घेत आहे. राज्यात उबर शटलमुळे प्रवासी सुरक्षाचा प्रश्न ऐरणीवर आला आहे. काही आठवड्यांपूर्वी उबरने मुंबईत इतर शहरांच्या धर्तीवर शटल बस सेवा सुरू केली आहे. या सेवेअंतर्गत उबरच्या मोबाइल अ‍ॅपद्वारे बुकिंग करून प्रवाशांना त्यांच्या गंतव्य ठिकाणी पोहचवले जात आहे. मात्र, या सेवेबाबत एक धक्कादायक बाब समोर आली आहे.उबरने मुंबईत ही शटल बस सेवा सुरू करण्यासाठी महाराष्ट्राच्या परिवहन विभागाकडून कोणतीही परवानगी घेतलेली नाही.परवानगीशिवाय गेल्या कित्येक महिन्यापासून या बस मुंबईच्या रस्त्यांवर कशा चालू शकतात असा सवाल उपस्थित झाला आहे.

उबरने परवानगी घेतली नाही!

उबरने शटल बस सेवा सुरू करण्यासाठी परवानगी घेतली नाही अशी माहिती उबरचे अध्यक्ष प्रभजीत सिंह यांनी दिली आहे. महाराष्ट्र सरकारला परवानगीसाठी कुठलाही प्रस्ताव दिला नाही अशी माहिती सिंह यांनी दिली आहे. 

परिवहन मंत्री सरनाईक यांची प्रतिक्रिया!

    मुंबईत उबरच्या शटल बस शेकडो बस रस्त्यावर धावत  आहेत त्याची परवानगी सरकारकडून घेण्यात आली नाही. यामुळे नाना पटोले यांच्या तक्रारीच्या पत्रावर परिवहन विभागाकडून उबरवर एफआयआर दाखल करण्याचे आदेश देण्यात आले आहे. आजपासून परिवहन विभाग एफआयआर दाखल करण्यास सुरू करणार आहे अशी माहिती परिवहन मंत्री प्रताप सरनाईक यांनी दिली आहे.