जेएनएन, मुंबई. NCP Leader Chhagan Bhujbal Takes Oath: राष्ट्रवादी काँग्रेसचे ज्येष्ठ नेते छगन भुजबळ आज मंत्रिपदाची शपथ घेतली आहे. राजभवनात आज म्हणजेच 20 मे रोजी सकाळी त्याचा शपथविधीचा सोहळा पार पडला. राष्ट्रवादीचे ज्येष्ठ नेते असतानाही छगन भुजबळांना महायुतीच्या मंत्रिमंडळात स्थान मिळाले नव्हते. त्यामुळे ते नाराज असल्याची चर्चा गेल्या काही दिवसांपासून सुरु होती. अखेर भुजबळांची मंत्रिपदी वर्णी लागली.
छगन भुजबळांनी संयम सोडला नाही
महायुती सरकारमध्ये राष्ट्रवादी सहभागी असताना ज्येष्ठ नेते छगन भुजबळांची मंत्रिपदी वर्णी न लागल्याने ओबीसी समाज आणि समता परिषदेचे कार्यकर्ते मोठ्या प्रमाणात नाराज झाले होते. त्यामुळे छगन भुजबळ काय निर्णय घेतात याकडे सर्वांचे लक्ष लागले होते. मात्र, छगन भुजबळांनी संयम सोडला नाही. त्यातच, राष्ट्रवादीचे नेते आणि तत्कालीन अन्न आणि नागरी पुरवठा मंत्री धनंजय मुंडे यांना संतोष देशमुख हत्या प्रकरणात विविध आरोपांना सामोरे जावे लागल्यानंतर राजीनामा द्यावा लागला. तेव्हाच त्यांच्या जागी भुजबळांना पुन्हा मंत्रिपद मिळेल अशी शक्यता वर्तवली जात होती.
Mumbai, Maharashtra: NCP leader Chhagan Bhujbal takes oath as a minister in the Maharashtra government at the Raj Bhavan. CM Devendra Fadnavis, Deputy CMs Eknath Shinde and Ajit Pawar are also present pic.twitter.com/nhKu7d30Ak
— IANS (@ians_india) May 20, 2025
पुन्हा तेच खातं मिळणार का?
मागील सरकारमध्ये छगन भुजबळ यांच्याकडे अन्न आणि नागरी पुरवठा खात्याची जबाबदारी होती. मात्र नंतर हे खाते धनंजय मुंडे यांच्याकडे सोपवण्यात आले. धनंजय मुंडे यांनी या खात्याचा राजीनामा दिला आहे, त्यामुळे आता हेच खाते पुन्हा एकदा छगन भुजबळांकडे जाण्याची शक्यता वर्तवली जात आहे. सध्या या खात्याचा कार्यभार हे उपमुख्यमंत्री अजित पवार पाहत असल्याची माहिती आहे.
Mumbai, Maharashtra: NCP leader Chhagan Bhujbal takes oath as a minister in the Fadnavis-led Cabinet in Maharashtra at the Raj Bhavan. CM Devendra Fadnavis, Deputy CMs Eknath Shinde and Ajit Pawar are also present pic.twitter.com/Ydt9bkj2Ss
— IANS (@ians_india) May 20, 2025
छगन भुजबळ यांचा राजकीय प्रवास
छगन भुजबळ यांनी आतापर्यंत नगरसेवक ते उपमुख्यमंत्री पदापर्यंत सरकारमध्ये यशस्वीपणे काम केलं आहे. भुजबळांचा राजकीय प्रवास तळागाळातील पातळीपासून सुरू झाला, स्थानिक राजकारणातून पुढे राज्यस्तरीय नेतृत्वापर्यंत पोहोचला. भूजबळ येवला विधानसभा मतदारसंघातून विधानसभेवर निवडून आले आहेत. त्यांनी 18 ऑक्टोबर 1999 ते 23 डिसेंबर 2003 पर्यंत राज्याचे उपमुख्यमंत्री म्हणूनही काम पाहिले आहे. यापूर्वी त्यांनी महाराष्ट्र सरकारमध्ये सार्वजनिक बांधकाम विभाग आणि गृहमंत्री म्हणूनही काम केलेले आहे.
