मुंबई. Sharad Pawar Health Update Breach Candy Hospital: राष्ट्रवादी काँग्रेस पक्ष (एनसीपी एसपी) प्रमुख शरद पवार यांना बुधवारी, दिवसाच्या सुरुवातीला डिस्चार्ज दिल्याच्या काही तासांनंतर, मुंबईच्या ब्रीच कँडी रुग्णालयात दाखल करण्यात आले. शरद पवार यांच्या प्रकृतीबाबत ब्रिच कँडी रुग्णालयातील डॉक्टरांनी महत्त्वाची अपडेट दिली आहे.
त्यांची कन्या आणि राष्ट्रवादी काँग्रेस पक्ष (शरदचंद्र पवार) खासदार सुप्रिया सुळे यांनी सोशल मीडिया प्लॅटफॉर्म एक्सवरील एका पोस्टमध्ये ही माहिती शेअर केली, आणि सांगितले की ज्येष्ठ नेत्याला पुढील वैद्यकीय चाचण्यांसाठी दाखल केले जात आहे.
"आम्ही पुढील चाचण्यांसाठी बाबांना ब्रीच कँडी रुग्णालयात दाखल करत आहोत. तुमच्या काळजीबद्दल आणि शुभेच्छांबद्दल तुम्हा सर्वांचे आभार," सुळे यांनी लिहिले. यानंतर आज शरद पवार यांच्या प्रकृतीबाबत ब्रीच कँडी रुग्णालयातील डॉक्टरांनी माहिती दिली.
कशी आता शरद पवारांची तब्येत -
ब्रिच कँडी हॉस्पिटलचे उप-समन्वयक प्रतीत समदानी यांनी पत्रकारांना सांगितले की, शरद पवार यांना कफचा त्रास होत असून त्यांना श्वसन मार्गाचा संसर्ग झाला आहे. शरद पवार यांना काल रात्री ब्रीच कँडी रूग्णालयात दाखल करण्यात आले आहे. शरद पवार यांची प्रकृती आता स्थिर असून त्यांच्यावर उपचार सुरू आहेत. शरद पवार यांच्या प्रकृतीवर तज्ज्ञ डॉक्टरांचे पथक लक्ष ठेवून आहे, अशी माहिती समदानी यांनी दिली आहे.
दरम्यान, खोकल्याचा त्रास झाल्यामुळे शरद पवार यांना पुणे येथील रुबी हॉल क्लिनिक रुग्णालयात दाखल करण्यात आले होते. तिथे तपासणी केल्यानंतर डॉक्टरांनी त्यांना विश्रांतीचा सल्ला दिला होता. दोन दिवसांच्या उपचारांनंतर डिस्चार्ज देण्यात आला होता.
VIDEO | Mumbai: On NCP(SP) chief Sharad Pawar's health update, Deputy Coordinator, Breach Candy Hospital, Pratit Samdani says, "Sharad Pawar ji was admitted yesterday at Breach Candy Hospital for a respiratory and chest infection. He is now in a stable condition and undergoing treatment." (Full video available on PTI Videos - https://t.co/bIyFWTfmBd)
— Press Trust of India (@PTI_News) November 5, 2026
सुप्रिया सुळे यांनी शेअर केली प्रकृतीची माहिती
सुळे यांची पोस्ट शरद पवार यांना बुधवारी सुरुवातीला रुग्णालयातून डिस्चार्ज दिल्याच्या काही तासांनंतर आली.
पवार यांना यापूर्वी खोकल्याची ढास आणि छातीत अस्वस्थतेचा त्रास झाल्यानंतर 2 नोव्हेंबर रोजी रुबी हॉल क्लिनिकमध्ये दाखल करण्यात आले होते.
खोकताना आणि श्वास घेताना छातीत दुखण्याची तक्रार केल्यानंतर डॉक्टरांनी त्यांची तपासणी केली. खबरदारी म्हणून त्यांना देखरेखीखाली ठेवण्यात आले होते.
रुबी हॉल क्लिनिकचे मुख्य हृदयरोगतज्ज्ञ, अध्यक्ष आणि व्यवस्थापकीय विश्वस्त डॉ. परवेझ के. ग्रँट यांनी जारी केलेल्या अधिकृत निवेदनानुसार, पवार यांच्या प्रकृतीत सुधारणा झाली होती आणि डिस्चार्जच्या वेळी ते स्थिर होते. त्यांचे वैद्यकीय अहवालही समाधानकारक असल्याचे सांगण्यात आले होते.
बुधवारी डिस्चार्ज मिळाल्यानंतर पवार त्यांच्या मुंबईतील निवासस्थानाकडे रवाना झाले. सार्वजनिक कार्यक्रमांना पुन्हा सुरुवात करण्यापूर्वी डॉक्टरांनी त्यांना काही दिवस विश्रांती घेण्याचा सल्ला दिला होता.
पंतप्रधान मोदींनी केले पवार यांच्याशी संभाषण
पंतप्रधान मोदी यांनी बुधवारी सुरुवातीला पवार यांच्याशी त्यांच्या प्रकृतीची विचारपूस करण्यासाठी संभाषण केले, असे आयएएनएसने वृत्त दिले.
पवार यांचे कौटुंबिक मित्र आणि जवळचे सहकारी विठ्ठल मणियार यांनी रुग्णालयाबाहेर पत्रकारांशी बोलताना फोन कॉलची पुष्टी केली. ते म्हणाले की पंतप्रधान मोदी यांनी पवार यांना त्यांच्या आरोग्याला प्राधान्य देण्याची आणि पुरेशी विश्रांती घेण्याची आपुलकीने विनंती केली होती.
रुग्णालयाबाहेर प्रसारमाध्यमांशी बोलताना मणियार म्हणाले की पंतप्रधान मोदी यांनी पवारांना त्यांच्या आरोग्याला प्राधान्य देण्याची आणि विश्रांती घेण्याची आपुलकीने विनंती केली.
"सुप्रिया आणि आम्ही देश सांभाळू. तुम्ही तुमच्या आरोग्याची काळजी घ्या आणि विश्रांती घ्या. तुमचे आशीर्वाद आमच्या पाठीशी राहू द्या," असे मोदी म्हणाल्याचे मणियार यांनी सांगितले.
फोन केल्याबद्दल पवार यांनी पंतप्रधान मोदींचे आभार मानले आणि ते विश्रांती घेत असल्याची खात्री दिली. "तुम्ही सर्वजण असताना मला देशाची कोणतीही काळजी नाही," ते म्हणाले, असे वृत्तसंस्थेने सांगितले.
