जेएनएन, मुंबई. Maharashtra Weather Update: चंद्रपूरमध्ये बुधवारी 45.5 अंश सेल्सिअस तापमानाची नोंद झाली आहे. तर आज ब्रह्मपुरीमध्ये ही तापमानाचा पारा चढला असून तो 45.6 अंश सेल्सिअसवर पोहोचला आहे. चंद्रपूर जिल्हा प्रशासनाने 2 दिवसांसाठी उष्णतेच्या लाटेचा इशारा जारी केला आहे, ज्यामध्ये नागरिकांना बाहेर पडताना खबरदारी घेण्याचा सल्ला देण्यात आला आहे.
नागपूर येथील प्रादेशिक हवामान केंद्र (आरएमसी) नुसार, विदर्भातील अनेक शहरांमध्ये 40 अंश सेल्सिअसपेक्षा जास्त तापमान नोंदवले गेले आहे, ज्यामध्ये चंद्रपूरमध्ये सर्वाधिक 45.5 अंश सेल्सिअस तापमान नोंदवले गेले आहे, जे सामान्यपेक्षा 3.5 अंश सेल्सिअस जास्त आहे.
ब्रह्मपुरीमध्ये तापमानाचा पारा चढला
चंद्रपूर येथे कमाल तापमान 45.8 अंश सेल्सिअसवर पोहोचले आहे. त्या पाठोपाठ आता ब्रह्मपुरीमध्ये ही तापमानाचा पारा वाढून 45.6 अंश सेल्सिअसवर पोहोचला आहे. त्यातच आता पुण्याच्या तापमानात वाढ झाली आहे. पुण्यात आज 41.3 अंश सेल्सिअस तापमान झालं आहे. हवामान खात्याने नागरिकांना उन्हापासून स्वतःची काळजी घेण्याचे आवाहन केले आहे.
या शहरांतील तापमानात वाढ
विदर्भातील काही जिल्ह्यांमध्ये उष्णतेची लाट आली आहे. अकोला, ब्रह्मपुरी, चंद्रपूर या शहरांमध्ये तापमानाचा पारा हा 45 अंशांच्या वर गेला आहे. तसंच, नागपूर, जळगाव, नाशिक, सोलापूर, परभणी, वर्धा आणि यवतमाळ या शहरांमध्येही तापमानात लक्षणीय वाढ झाली आहे. नागरिकांनी उन्हापासून बचाव करण्यासाठी योग्य ती काळजी घ्यावी, असं हवामान विभागाने आवाहन केलं आहे.
प्रमुख शहरांमधील कमाल तापमान (अंश सेल्सिअसमध्ये):
- अकोला: 45.0 (Akola Temperature)
- अमरावती: 44.6 (Amravati Temperature)
- भंडारा: 43.0
- बुलढाणा: 40.7
- ब्रह्मपुरी: 45.6
- चंद्रपूर: 45.5 (Chandrapur Temperature)
- गोंदिया - 42.5
- नागपूर: 44.4 (Nagpur Temperature)
- वर्धा: 44.7
- वाशिम: 43.0
- यवतमाळ: 43.8
- पुणे: 41.2 (Pune Temperature)
- जळगाव: 43.0 (Jalgaon Temperature)
- नाशिक: 40.2 (Nashik Temperature)
- सोलापूर: 43.8 (Solapur Temperature)
- छत्रपती संभाजी नगर : 42.2
- परभणी: 44.1 (Parbhani Temperature)
- मुंबई: 33.6 (Mumbai Temperature)
हेही वाचा - Aamras Recipe: उन्हाळ्यात थंड आणि ताजेतवाने राहण्यास मदत करते आंबा, या सोप्या पद्धतीने घरीच बनवा आमरस