जेएनएन, ठाणे. Thane News: कल्याणमध्ये शिवसेना एकनाथ शिंदे गटातील दोन गटात राडा झाला आहे. येथील कोळसेवाडी पोलीस स्टेशनमध्ये शिंदे गटाचे कार्यकर्ते एकमेकांना भिडले आहेत.
दोन्ही गट पोलीस ठाण्यात एकत्र
प्रभागातील पाणी प्रश्नावरून शिंदे गटाचे दोन्ही गट पोलीस ठाण्यात एकत्र आले होते. त्यावेळी त्यांच्या बाचाबाची झाली आणि पोलीस ठाण्यात पोलिसांसमोर दोन्ही गटात राडा झाला आहे.
माजी नगरसेविकेसोबत गैरवर्तन
प्रभागात पाणी प्रश्नावरून वाद झाला असल्याची प्राथमिक माहिती मिळत आहे. वादादरम्यान माजी नगरसेविकेसोबत गैरवर्तन केल्याचा एका कार्यकर्त्यावर शिवसेना शिंदे गटाचे उपजिल्हाप्रमुख मल्लेश शेट्टी यांनी आरोप केला आहे.
मारहाणीचा आरोप
या राड्यात शिंदे गटाचे उप शहर प्रमुख दिलीप दाखिनकर यांच्या डोक्याला दुखापत झाली आहे. मल्लेश शेट्टी यांच्यावर त्यांनी मारहाणीचे आरोप केले आहे. दरम्यान, दिलीप दाखिनकर यांच्या एक व्हिडिओ समोर आला असून त्यात त्यांच्या डोक्याला जखम दिसत आहे.