जेएनएन, मुंबई. मागील अनेक दिवसांपासून मुख्यमंत्री लाडकी बहिण योजनेच्या लाभार्थ्यांना केवायसी करण्याचे महाराष्ट्र सरकार कडून आवाहन करण्यात आले आहे. ही केवायसी करण्यासाठी आता शेवटचे काही दिवस शिल्लक राहिले आहेत. त्यामुळे महिला लाभार्थ्यांनी लवकरात लवकर आपली केवायसी करुन घ्यावी, म्हणजे त्यांना शासनाच्या योजनेचा लाभ मिळत राहिल.
ई-केवायसी करण्याची शेवटची तारीख जाहीर
लाडकी बहीण योजनेच्या (Ladki Bahin Yojana) लाभार्थ्यांना आता ई-केवायसी करणे सरकारने अनिवार्य केले आहे. आता ई-केवायसी करण्याची शेवटची तारीख मंत्री आदिती तटकरे यांनी जाहीर केली आहे.
ई-केवायसी करणे अनिवार्य
महायुती सरकारने राज्यातील गरजू आणि आर्थिकदृष्ट्या सक्षम नसणाऱ्या महिलांसाठी मुख्यमंत्री लाडकी बहीण योजना सुरू आहे. या योजनेचे लाभार्थी हे दोन कोटीपेक्षा अधिक महिला आहे. मात्र या योजनेत शासनाचीच फसवणूक झाल्याचा धक्कादायक प्रकार समोर आला आहे. त्यामुळे लाडकी बहीण योजनेच्या (Ladki Bahin Yojana) लाभार्थ्यांना आता ई-केवायसी करणे सरकारने अनिवार्य केले आहे.
e-KYC करण्याची शेवटची तारीख किती?
दिनांक 18 सप्टेंबर 2025 पासून https://ladakibahin.maharashtra.gov.in या अधिकृत संकेतस्थळावर e-KYC सुविधा उपलब्ध आहे. यासाठी 2 महिन्यांचा कालावधी देण्यात आला असून आतापर्यंत बहुतांश लाडक्या बहिणींनी ही प्रक्रिया पूर्ण केली आहे. उर्वरित लाभार्थी भगिनींनीही 18 नोव्हेंबर 2025 पूर्वी e-KYC प्रक्रिया पूर्ण करावी, असे आवाहन हे महिला आणि बाल कल्याण विभागाच्या मंत्री आदिती तटकरे यांनी केलेले आहे.
18 नोव्हेंबरला अवघे 15 दिवसबाकी
अदिती तटकरे यांनी केलेल्या आवाहनानुसार, 18 नोव्हेंबर च्या पूर्वी या योजनेच्या लाभार्थांना ई-केवायसी पूर्ण करायची आहे. जर केवायसी पूर्ण केली नाही, तर तुम्हाला त्यापुढील हफ्ते मिळणार आहेत, अशी चर्चा सुरु आहे. त्यामुळे योजनेचा लाभ घेत राहण्यासाठी तुम्ही आपली केवायसी करुन घ्यावी.
ई-केवायसी प्रोसेस कशी करायची? (Ladki Bahin Yojana eKYC Step By Step Process)
मुख्यमंत्री-माझी लाडकी बहीण योजनेच्या e-KYC साठी https://ladakibahin.maharashtra.gov.in या संकेतस्थळाला भेट द्यावी.
मुखपृष्ठावर असलेल्या e-KYC बॅनरवर क्लिक केल्यावर e KYC फॉर्म उघडेल.
या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून, आधार प्रमाणीकरणासाठी संमती देत Send OTP या बटणावर क्लिक करावे. त्यानंतर लाभार्थ्याच्या आधार-लिंक मोबाईल क्रमांकावर OTP येईल. हा OTP टाकून Submit बटणावर क्लिक करावे.
यानंतर प्रणाली तपासेल की लाभार्थ्याची KYC आधीच पूर्ण झाली आहे की नाही.
* जर आधीच पूर्ण झाली असेल, तर “e-KYC आधीच पूर्ण झाली आहे” असा संदेश दिसेल.
* जर पूर्ण झाली नसेल, तर आधार क्रमांक मुख्यमंत्री माझी लाडकी बहीण योजनेच्या पात्र यादीत आहे की नाही हे तपासले जाईल.
जर आधार क्रमांक पात्र यादीत असेल, तर पुढील टप्प्याला जाता येईल.
यानंतर लाभार्थ्याने पती किंवा वडिलांचा आधार क्रमांक तसेच पडताळणी संकेतांक (Captcha Code) नमूद करावा. संमती दर्शवून Send OTP वर क्लिक करावे. OTP संबंधित मोबाईलवर प्राप्त झाल्यावर तो टाकून Submit बटणावर क्लिक करावा.
त्यानंतर लाभार्थ्याला आपला जात प्रवर्ग निवडावा लागेल आणि खालील बाबी प्रमाणित (Declaration) कराव्या लागतील:
1. माझ्या कुटुंबातील सदस्य नियमित/कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा सेवानिवृत्तीनंतर निवृत्तीवेतन घेत नाहीत.
2. माझ्या कुटुंबातील केवळ 1 विवाहित आणि 1 अविवाहित महिला या योजनेचा लाभ घेत आहे.
वरील बाबींची नोंद करून चेक बॉक्सवर क्लिक करावे व Submit बटण दाबावे.
शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.