जेएनएन, मुंबई. महायुती सरकारने राज्यातील लाडक्या बहिणींना (Ladki Bahin Yojan) मोठी खुशखबर दिली आहे. लाडकी बहीण योजनेतील  ऑक्टोबरचा हप्ता लवकरच लाभार्थी महिलांच्या खात्यात जमा होणार आहे. (Ladki Bahin Yojana October Installment) आहे. यासाठी लागणारा 410.30 कोटी रुपयांचा निधी हा महिला आणि बाल कल्याण विभागाच्या खात्यात वर्ग करण्यात आला आहे.

ऑक्टोबरचा हफ्ता कधी मिळणार? (Ladki Bahin Yojana October Installment Date)

महिला सक्षमीकरणासाठी राज्य शासनामार्फत लाडकी बहीण योजना राबविली जात आहे. या लाडक्या बहिणींकरिता पुढील हप्त्यासाठी 410.30 कोटींचा निधी मंजूर करण्यात आला आहे. त्यामुळे येत्या काही दोन ते तीन दिवसात लाडक्या बहिणींच्या खात्यात निधी जमा होण्यास सुरुवात होण्याची शक्यता आहे. मात्र, शासनाकडून तशी अद्याप कोणतीही अधिकृत माहिती देण्यात आली नाही.

केवायसी करण्याची शेवटची तारीख (Ladki Bahin Yojana eKYC Last Date)

अदिती तटकरे यांनी केलेल्या आवाहनानुसार, 18 नोव्हेंबर च्या पूर्वी या योजनेच्या लाभार्थांना ई-केवायसी पूर्ण करायची आहे. जर केवायसी पूर्ण केली नाही, तर तुम्हाला त्यापुढील हफ्ते मिळणार आहेत, अशी चर्चा सुरु आहे. त्यामुळे योजनेचा लाभ घेत राहण्यासाठी तुम्ही आपली केवायसी करुन घ्यावी.

ई-केवायसी प्रोसेस कशी करायची? (Ladki Bahin Yojana eKYC Process)

    • मुख्यमंत्री-माझी लाडकी बहीण योजनेच्या e-KYC साठी https://ladakibahin.maharashtra.gov.in या संकेतस्थळाला भेट द्यावी.
    • मुखपृष्ठावर असलेल्या e-KYC बॅनरवर क्लिक केल्यावर e KYC फॉर्म उघडेल.
    • या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून, आधार प्रमाणीकरणासाठी संमती देत Send OTP या बटणावर क्लिक करावे. त्यानंतर लाभार्थ्याच्या आधार-लिंक मोबाईल क्रमांकावर OTP येईल. हा OTP टाकून Submit बटणावर क्लिक करावे.  
    • यानंतर प्रणाली तपासेल की लाभार्थ्याची KYC आधीच पूर्ण झाली आहे की नाही.
    • * जर आधीच पूर्ण झाली असेल, तर “e-KYC आधीच पूर्ण झाली आहे” असा संदेश दिसेल.
    • * जर पूर्ण झाली नसेल, तर आधार क्रमांक मुख्यमंत्री माझी लाडकी बहीण योजनेच्या पात्र यादीत आहे की नाही हे तपासले जाईल.
    • जर आधार क्रमांक पात्र यादीत असेल, तर पुढील टप्प्याला जाता येईल.
    • यानंतर लाभार्थ्याने पती किंवा वडिलांचा आधार क्रमांक तसेच पडताळणी संकेतांक (Captcha Code) नमूद करावा. संमती दर्शवून Send OTP वर क्लिक करावे. OTP संबंधित मोबाईलवर प्राप्त झाल्यावर तो टाकून Submit बटणावर क्लिक करावा.
    • त्यानंतर लाभार्थ्याला आपला जात प्रवर्ग निवडावा लागेल आणि खालील बाबी प्रमाणित (Declaration) कराव्या लागतील:
    • 1. माझ्या कुटुंबातील सदस्य नियमित/कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा सेवानिवृत्तीनंतर निवृत्तीवेतन घेत नाहीत.
    • 2. माझ्या कुटुंबातील केवळ 1 विवाहित आणि 1 अविवाहित महिला या योजनेचा लाभ घेत आहे.
    • वरील बाबींची नोंद करून चेक बॉक्सवर क्लिक करावे व Submit बटण दाबावे.
    • शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.

    हेही वाचा - Ladki Bahin Yojana: लाडकी बहीण योजनेच्या eKYC ची Deadline आली समोर, ‘या’ तारखेच्या आधी करा ई-केवायसी पूर्ण, अन्यथा…

    लाडकी बहीण योजनेचे निकष

    • लाभार्थी महिलांना दरवर्षी जून महिन्यात बँकेत ई-केवायसी करून हयातीत असल्याचा दाखलाही जोडावा लागणार आहे.
    • दरवर्षी 1 जून ते 1 जुलै दरम्यान ई-केवायसी करणे अनिवार्य असणार आहे. 
    • ज्या महिलांचे आधार कार्ड या योजनेशी लिंक नसेल त्यांनाही योजनेतून बाद केले जाईल.
    • अडीच लाखांहून अधिक उत्पन्न असल्यास महिलांना अपात्र घोषित केले जाईल.
    • लाभार्थी महिलांचे उत्पन्न तपासण्यासाठी प्राप्तिकर विभागाची मदत घेणार आहे.
    • नव्याने पात्र लाभार्थी महिलांना जुलैपासून लाभ मिळणार नाही.
    • अर्ज मंजूर झाल्याच्या पुढील महिन्यापासून लाभ मिळणार आहे.
    • अर्जातील नावे आणि पैसे जमा झालेल्या बँक खात्यावरील नावे यामध्ये तफावत आढळल्यास अपात्र केले जाईल.
    • नमो योजना किंवा दिव्यांग विभागातील योजनेचा लाभ घेत असलेल्या महिलांना 1500 रुपये दिले जाणार नाही.

    हेही वाचा - Ladki Bahin Yojana: लाडकी बहीण योजनेची तुम्ही eKYC केली नसेल तर…