जेएनएन, मुंबई: कोचीहून मुंबईला आलेले एअर इंडियाचे विमान (Air India Plane) आज सकाळी मुंबई विमानतळावर उतरताना धावपट्टीवरून घसरले आहे.
विमान A1- 2744 फ्लाइट नंबर कोचीहून मुंबईला खाली उतरत असताना विमानाचे तीन टायर फुटले असल्याची माहिती समोर आली आहे. तर इंजिनचे मोठे नुकसान झाले असल्याची माहिती समोर आली आहे. इंजिनीयर कडून विमानाची पाहणी केली जात आहे.
प्राथमिक माहितीनुसार, लँडिंगदरम्यान विमान रनवेवरून पुढे गेले, अशी माहिती समोर आली आहे. या घटनेत कोणतीही जीवितहानी झाल्याची माहिती अद्याप नाही. विमानातील प्रवासी आणि क्रू सर्व सुरक्षित असल्याचे सांगितले जात आहे. या अपघातानंतर मुंबई विमानतळावरील काही वेळासाठी उड्डाण आणि लँडिंगच्या वेळापत्रकावर परिणाम झाला.
विमान का घसरले, याचा तपास सुरू असून हवामानाच्या स्थितीचाही अभ्यास केला जात आहे अशी माहिती विमान प्राधिकरण कडून देण्यात आली आहे. "विमान सुरक्षितपणे गेटवर पोहोचले आणि सर्व प्रवासी आणि क्रू मेंबर्स उतरले आहेत," असे प्रवक्त्यांनी एका निवेदनात म्हटले आहे.
नागरी विमान वाहतूक महासंचालनालयाचे (डीजीसीए) एक पथक परिस्थितीचा आढावा घेत आहे. "विमान तपासणीसाठी ग्राउंड करण्यात आले आहे. "प्रवाशांची आणि कर्मचाऱ्यांची सुरक्षा ही आमची सर्वोच्च प्राथमिकता आहे," असे प्रवक्त्याने सांगितले.