जेएनएन, मुंबई. दिवाळीचा सण म्हटलं की गोडधोड पदार्थांचा सुगंध घराघरात दरवळतो. त्यातला एक खास आणि पारंपरिक पदार्थ म्हणजे अनारसे! कुरकुरीत, गोड आणि तोंडात विरघळणारे अनारसे बनवणं जरा अवघड वाटतं, पण ही सोपी पद्धत वापरली तर अगदी परफेक्ट अनारसे तयार होतील.
साहित्य :
- तांदूळ – १ वाटी
- साखर – ३/४ वाटी
- तूप – २ चमचे
- खसखस (पोपी सीड्स) – थोडीशी
- तेल – तळण्यासाठी
तयारीची पद्धत :
तांदूळ भिजवणे :- तांदूळ स्वच्छ धुऊन साधारण ३ दिवस पाण्यात भिजत ठेवा. रोज पाणी बदलत राहा.
पीठ तयार करणे :- तिसऱ्या दिवशी पाणी काढून टाका आणि तांदूळ एका कापडावर पसरवून थोडे ओलसर राहतील इतके सुकवा. नंतर हे तांदूळ बारीक वाटून घ्या.
साखर पाक:- एका पातेल्यात साखर घालून अर्धी वाटी पाणी टाका आणि एकतारी पाक तयार करा.
मळण:- तयार झालेल्या पाकात थोडं थंड झाल्यावर तांदळाचं पीठ टाका आणि चांगलं मळून घ्या.
हे मिश्रण ३-४ दिवस झाकून ठेवा (दरम्यान थोडं मळून घ्या).
अनारसे बनवणे:- मिश्रणातून छोटे गोळे घ्या, खसखस पसरलेल्या ताटावर ठेवा आणि हलकेच दाबून गोल पुऱ्यासारखे करा.
तळणे:- कढईत तेल आणि थोडं तूप गरम करून अनारसे एकेक करून मंद आचेवर तळा.
दोन्ही बाजूंनी सोनेरी रंग आला की बाहेर काढा.
टीप
- अनारसे तळताना गॅस मंद ठेवा, नाहीतर ते जळतात.
- मिश्रण २-३ दिवस झाकून ठेवल्याने अनारसे कुरकुरीत होतात.
- खसखसऐवजी तुम्ही तिळंही वापरू शकता.
हेही वाचा: Diwali 2025: दिवाळीचा फराळ: एकतेचा सण आणि संस्कृतीचा स्वाद — जाणून घ्या प्रत्येक पदार्थाचं महत्व