जेएनएन, मुंबई: अभिनेत्री प्राजक्ता माळी हिने मुख्यमंत्री देवेंद्र फडणवीस यांची त्यांच्या सागर निवासस्थानी जाऊन भेट (Prajakta Mali meet CM Devendra Fadnavis) घेलती आहे. यावेळी देवेंद्र फडणवीस यांनी प्राजक्ता माळी हिला त्यांच्या सन्मानाला कुठेही बाधा येणार नाही, असं आश्वस्त केलं आहे. तसंच त्यांच्याविरोधातील कुठलेली कृत्य खपवून घेणार नाही असं ते म्हणाले.

मुख्यमंत्र्यांकडे केली तक्रार

अभिनेत्री प्राजक्ता माळी (Actress Prajakta Mali) हिनं काल रात्री उशिरा मुख्यमंत्री देवेंद्र फडणवीस यांच्या त्यांच्या निवासस्थानी भेट घेतली. यावेळी प्राजक्ता हिने मुख्यमंत्र्यांना एक निवेदन दिले. तसंच, प्राजक्ता हिनं तिच्याविरोधात यूट्यूबवर काही लोक आक्षेपार्ह व्हिडिओ प्रसारित करत आहेत, अशी तक्रार यावेळी मुख्यमंत्र्यांकडे केली.

मुख्यमंत्र्यांनी दिलं आश्वासन

प्राजक्ता माळी हिच्या निवेदनाची आणि तिच्या तक्राराची दखल घेत मुख्यमंत्री देवेंद्र फडणवीस यांनी प्राजक्ताला त्यांच्या सन्मानाला बाधा येईल, असं कुठलेही कृत्य खपवून घेणार नाही, त्यावर कारवाई केली जाईल, अंस आश्वासन दिलं.

तसंच, यूट्यूबवरील प्राजक्ताच्या विरोधात आक्षेपार्ह व्हिडिओ प्रसारित करणाऱ्यांवर कारवाई करण्यात येईल, असं आश्वासन मुख्यमंत्री देवेंद्र फडणवीस यांनी प्राजक्ता माळीला दिलं.

    धस यांनी केलेलं वक्तव्य

    दरम्यान, मागील काही दिवसांपूर्वी, भाजपा आमदार सुरेश धस यांनी कराड याने बीडमध्ये इव्हेंटबाजी चालविली असून त्यात रश्मिका मंधाना, सपना चौधरी, प्राजक्ता माळी आदींचे इव्हेंट घडविले असे विधान केले होते. यावरुन मोठं वादंग उठले होते.  

    चंद्रकांत पाटीलांनी धस यांना सुनावले खडे बोल 

    भाजप आमदार सुरेश धस यांनी अभिनेत्री प्राजक्ता माळी हिच्याबाबत केलेल्या या वक्तव्याचा सर्व स्तरांतून निषेध होत असून मंत्री चंद्रकांत पाटील यांनी धस यांना खडे बोल सुनावले. या प्रकरणात अभिनेत्रीचे नाव जोडणे सुरेश धस यांना शोभत नाही. कोणत्याही महिलेची नाचक्की आणि बदनामी होईल, असे बोलता कामा नये, असं पाटील म्हणाले होते.

    राज्य महिला आयोगाने घेतली गंभीर दखल  

    या प्रकरणी प्राजक्ता माळी हिने केलेल्या तक्रारीची राज्य महिला आयोगाने दखल घेतली आहे. या प्रकरणी महिलांविरोधातील अश्लील ट्रोलिंग रोखण्यासाठी कायदेशीर पाठपुरावा करण्याचा इशारा महिला आयोगानं दिला.

    राज्य महिला आयोगाच्या अध्यक्षा रुपाली चाकणकर ह्या आज (30 December) मांडणार आहेत. गुन्ह्याचे स्वरुप, कोणती कलमे लावावी, इत्यादींबाबत पोलिसांना मार्गदर्शन करू, असेही त्यांनी सांगितले.

    मराठी कलाकारांचा प्राजक्ताला पाठिंबा 

    अभिनेत्री विशाखा सुभेदार, निर्माते सचिन मोटे, नितीन वैद्य, अभिनेता सुशांत शेलार, कुशल बद्रिके यांच्यासह अन् कलाकारांनी प्राजक्ता माळी यांच्या समर्थनार्थ सोशल मीडियावर पोस्ट लिहिल्या आहेत.