नवी दिल्ली- भू-राजकीय तणाव आणि पुरवठ्याची कमतरता यांच्या दरम्यान, आणखी एका नवीन महिन्यासोबतच कमर्शियल एलपीजी सिलेंडरच्या किमतींमध्ये पुन्हा एकदा वाढ झाली आहे. 1 ऑक्टोबरपासून कमर्शियल LPG सिलेंडरच्या किमती वाढल्या असून वेगवेगळ्या शहरांमध्ये 19-kg सिलिंडरच्या किमतीत 71.50 रुपयांपर्यंतची मोठी वाढ झाली आहे.
सणासुदीच्या तोंडावर झालेल्या या वाढीमुळे रेस्टॉरंट, हॉटेल, कॅटरर्स आणि कमर्शियल LPG चा वापर करणाऱ्या अन्य व्यवसायांवर खर्चाचे ओझे वाढले आहे.
कोणत्या शहरात किती पोहोचला दर?
दिल्लीमध्ये, 19-किलो वाल्या कमर्शियल LPG सिलेंडरची किंमत सप्टेंबरच्या ₹2,747.50 वरून ₹62.50 वाढून ₹2,810 झाली आहे. सप्टेंबरमध्येही याची किंमत ₹9.50 वाढवली गेली होती. मुंबईत, नवीन कमर्शियल सिलेंडरची किंमत ₹२,७६४ आहे, तर चेन्नईमध्ये ही किंमत वाढून ₹2,983 झाली आहे।
अशाच प्रकारे पाटण्यात किंमत ₹71.50 वाढून ₹3,100.50 झाली आहे, जी सांगितलेल्या शहरांमध्ये सर्वात जास्त वाढ आहे.
घरगुती सिलिंडरच्या दरात बदल नाही -
घरगुती ग्राहकांसाठी दिलासादायक बाब आहे, कारण सध्या घरगुती एलपीजी सिलेंडरचे दर वाढवले गेलेले नाहीत. घरगुती LPG सिलेंडरच्या किमतीत कोणताही बदल केला गेलेला नाही. घरगुती सिलेंडरची किंमत दिल्लीमध्ये ₹942, मुंबईत ₹941.50 आणि चेन्नईमध्ये ₹957.50 च राहिलेली आहे.
1 तारीख असते महत्त्वाची
LPG च्या किमतींमध्ये प्रत्येक महिन्याच्या पहिल्या तारखेला बदल केला जातो, जो बेंचमार्क इंटरनॅशनल किमती आणि परकीय चलन दरांवर आधारित असतो. VAT सारख्या स्थानिक टॅक्सच्या आधारावर वेगवेगळ्या राज्यांमध्ये किमती वेगवेगळ्या असतात.
