नवी दिल्ली. क्रिकेटमध्ये खेळाडू साधारणपणे वयाच्या 25 वर्षांनंतर सर्वोत्तम फॉर्ममध्ये येतात. असे अनेक खेळाडू आहेत ज्यांनी वयाच्या 30 व्या वर्षी आंतरराष्ट्रीय क्रिकेटमध्ये पदार्पण केले. आता, वयाच्या 25 व्या वर्षी एका इंग्लिश खेळाडूने निवृत्ती जाहीर करून क्रिकेटविश्वात खळबळ उडवून दिली आहे. इंग्लंडचा वेगवान गोलंदाज जॉन टर्नरने आपल्या अचानक निवृत्तीने सर्वांना आश्चर्यचकित केले आहे.
एकदिवसीय आणि टी-20 या दोन्ही फॉरमॅटमध्ये इंग्लंडकडून खेळलेल्या टर्नरने अचानक निवृत्ती जाहीर केली आहे. तो 2025 पासून एकही सामना खेळला नव्हता. त्याच्या अचानक निवृत्तीमुळे खळबळ उडाली आहे. आश्चर्याची गोष्ट म्हणजे, त्याने वयाच्या अवघ्या 25व्या वर्षी निवृत्ती जाहीर केली.
जॉन टर्नर यांनी आपल्या निवृत्तीची केली घोषणा -
टर्नरला दुखापतींनी ग्रासले होते. तो शेवटचा 17 जून, 2025 रोजी एका टी20 सामन्यात खेळताना दिसला होता. त्या सामन्यात त्याने चार षटके गोलंदाजी केली, ज्यात त्याने 23 धावा दिल्या, पण त्याला एकही बळी मिळाला नाही. तेव्हापासून तो एकही सामना खेळलेला नाही. या गोलंदाजाने देशांतर्गत क्रिकेटमध्ये उत्कृष्ट कामगिरी केली होती, ज्यामुळे त्याला इंग्लंडच्या राष्ट्रीय संघात स्थान मिळाले. तथापि, सततच्या दुखापतींमुळे त्याचे भविष्य अंधकारमय झाले आणि अखेरीस त्याला निवृत्त होण्यास भाग पडले.
या 25 वर्षीय खेळाडूने इंग्लंड संघाकडून दोन एकदिवसीय आणि तितकेच टी-२० सामने खेळले आहेत. त्याने दोन एकदिवसीय सामन्यांमध्ये दोन आणि एका टी-20 सामन्यात एक बळी घेतला आहे. तो वेस्ट इंडिजविरुद्ध केवळ एकदिवसीय आणि टी-20 सामने खेळला. त्यानंतर त्याला इंग्लंडकडून खेळण्याची दुसरी संधी मिळाली नाही. तो देशांतर्गत क्रिकेट खेळत राहिला, पण दुखापतींमुळे तो संघातून आत-बाहेर होत राहिला.
टर्नरचा देशांतर्गत क्रिकेटमधील विक्रम
या वेगवान गोलंदाजाच्या देशांतर्गत क्रिकेट कारकिर्दीवर नजर टाकल्यास असे दिसून येते की, दुखापतीमुळे त्याला अनेक सामने गमवावे लागले. त्याने 10 प्रथम-श्रेणी सामने खेळून 25 बळी घेतले. तसेच, त्याने 19 लिस्ट ए सामन्यांमध्ये 37 बळी घेतले, ज्यात दोनदा पाच बळी घेण्याच्या कामगिरीचा समावेश आहे. टर्नरने 35 टी-20 सामन्यांमध्ये 8.44 च्या इकॉनॉमी रेटने 48 बळी घेतले आहेत.
