नवी दिल्ली. Delhi Murder Case : गुन्हेगार कितीही धूर्त असला तरी, तो नेहमीच त्याच्या गुन्ह्याचे पुरावे मागे सोडतो. फॉरेन्सिक सायन्सची विद्यार्थिनी अमृता चौहान आणि तिचा माजी प्रियकर सुमित यांच्यासोबत असेच घडले. यूपीएससी परीक्षेची तयारी करणाऱ्या तिच्या लिव्ह-इन पार्टनरची हत्या केल्यानंतर, त्यांनी मृतदेहाची विल्हेवाट लावण्यासाठी आणि कोणताही पुरावा मागे राहू नये, यासाठी साडेसहा तास नियोजन केले.
फ्लॅटमध्ये प्रियकराला जिवंत जाळले...
दरम्यान, यूपीएससी उमेदवार रामकेश मीनाच्या पुस्तकांची चिता तयार करण्यात आली. त्यानंतर, त्याच्या शरीरावर रिफाइंड तेल, तूप आणि दारू ओतण्यात आले. शिवाय, आरोपींनी कोणताही पुरावा शिल्लक राहू नये म्हणून सोशल मीडिया व यू-ट्यूबवर क्राईम शो अनेक वेळा पाहिले व त्यातील गुंतागुंत समजून घेण्याचा प्रयत्न केला. पोलिस त्यांच्यापर्यंत पोहोचू नये म्हणून पुरावे कसे नष्ट करायचे हे शिकले. तथापि, ते पोलिसांच्या तावडीतून सुटू शकले नाहीत.
काय आहे संपूर्ण प्रकरण?
राजस्थानचा रहिवासी रामकेश मीणा गांधी विहारमधील ई-60 च्या चौथ्या मजल्यावर राहत होता आणि यूपी एसएससी परीक्षेची तयारी करत होता. 6 ऑक्टोबरच्या रात्री त्याच्या खोलीत अचानक भीषण आग लागल्याने त्याचा मृत्यू झाला.
सुरुवातीच्या तपासात पोलिसांनी हा अपघात मानला आणि मृतदेहावर अंत्यसंस्कार केले, परंतु खोलीची स्थिती पाहून आणि जवळच्या लोकांची चौकशी केल्यानंतर पोलिसांना संशय आला तेव्हा, विद्यार्थ्याची लिव्ह-इन पार्टनर अमृता चौहान, जी मुरादाबादची रहिवासी आहे, तिची चौकशी करण्यात आली.
त्यात तिने खुलासा केला की रामकेश याने तिचे अश्लील फोटो आणि व्हिडिओ काढले होते आणि ते हार्ड डिस्कमध्ये स्टोअर केले होते. ते डिलीट करण्यासाठी तिने तिचा माजी प्रियकर सुमित कश्यप आणि त्याचा साथीदार संदीप यांच्या मदतीने ही हत्या केली. रामकेश आणि अमृता मे 2025 मध्ये भेटले. त्यांच्या ओळखीचे लवकरच प्रेमात रूपांतर झाले आणि अमृता रामकेशसोबत एकाच खोलीत राहू लागली.