जेएनएन, नोयडा: महाराष्ट्राचा सर्वोच्च नागरी 'महाराष्ट्र भूषण 2024'  पुरस्कार महाराष्ट्राचे मुख्यमंत्री देवेंद्र फडणवीस यांनी आज नोएडा येथे ज्येष्ठ शिल्पकार राम सुतार यांना दिले.

राम सुतार यांना हा पुरस्कार मुख्यमंत्री देवेंद्र फडणवीस, उपमुख्यमंत्री अजित पवार, उपमुख्यमंत्री एकनाथ शिंदे आणि सांस्कृतिक कार्य मंत्री आशिष शेलार यांनी राम सुतार यांच्या घरी जाऊन  दिला. 

महाराष्ट्र भूषण पुरस्कार हा पुरस्कार महाराष्ट्रातील अनेक मान्यवणाऱ्यांना मिळाला आहे त्यापैकी राम सुतार हे एक प्रमुख नाव आहे. राम सुतार यांनी दिल्लीत जाऊन महाराष्ट्राची प्रतिमा देशभरात जाऊन चमकविण्याचा प्रयत्न केला आहे. सुतार यांनी आपल्या आणि शिल्पशैली आणि कौशल्याने पाषाणातून एक चरित्र निर्माण करण्याचा काम केला आहे.

राम सुतार यांचे कार्य नवीन पिढीला प्रेरणादायी 

सुतार यांनी आपल्या संपूर्ण आयुष्यात छत्रपती शिवाजी महाराज, शाहू महाराज, डॉ.बाबासाहेब आंबेडकर, महात्मा ज्योतिबा फुले, महात्मा गांधी यांचे विचार जपून पाषाण मूर्तीतून जगासमोर आणले आहे. राम सुतार यांचे कार्य नवीन पिढीला प्रेरणादायी आहे असे प्रतिपादन महाराष्ट्राचे मुख्यमंत्री देवेंद्र फडणवीस यांनी केले आहे. राम सुतार यांचा सन्मान हा महाराष्ट्राचा सन्मान आहे असेही मुख्यमंत्री यावेळी म्हणाले. 

महाराष्ट्र भूषण पुरस्कार देऊन मला मोठा सन्मान महाराष्ट्राने दिला आहे असे सुतोवाच राम सुतार यांनी केला आहे. हा पुरस्कार माझ्या आयुष्यातला सर्वात मोठा आणि सर्वोच पुरस्कार असल्याचे राम सुतार यांनी म्हटले आहे.

    “देश-विदेशात भव्य शिल्पनिर्मिती करून भारताची ओळख जगभर पोहोचवणारे राम सुतार हे खऱ्या अर्थाने ऋषितुल्य आणि प्रतिभासंपन्न शिल्पकार आहेत. ‘स्टॅच्यू ऑफ युनिटी’सारख्या जगप्रसिद्ध भव्य शिल्पाची निर्मिती ही त्यांची अद्वितीय कामगिरी आहे. चैत्यभूमीवरील डॉक्टर बाबासाहेब आंबेडकर यांचा  ‘स्टॅच्यू ऑफ इक्वालिटी’ या पुतळ्याची निर्मिती ही देखील तेच करत आहेत. जगभरातील इतर स्मारके विविध पुतळे त्यांनी निर्माण केलेली प्रत्येक कलाकृती ही अभिमानाची बाब आहे.” असं उपमुख्यमंत्री एकनाथ शिंदे म्हणाले. 

    “राम सुतार यांनी शंभर वर्षांचा जीवनप्रवास पूर्ण केला असूनही त्यांची सर्जनशील ऊर्जा अद्याप अटळ आहे. त्यांच्या कार्याचा वारसा ज्येष्ठ शिल्पकार अनिल सुतार समर्थपणे पुढे नेत आहेत. सिंधुदुर्गातील छत्रपती शिवाजी महाराजांचा भव्य पुतळा याच उत्कृष्ट शिल्पपरंपरेचे उदाहरण आहे.” असंही शिंदे म्हणाले.