डिजिटल डेस्क, नवी दिल्ली. देशव्यापी विद्यार्थी आंदोलनानंतर धर्मेंद्र प्रधान यांनी शिक्षणमंत्रीपदाचा राजीनामा दिला आहे. दरम्यान, केंद्र सरकारने कर्नाटक भाजपचे ज्येष्ठ नेते प्रल्हाद व्यंकटेश जोशी यांच्याकडे केंद्रीय शिक्षण मंत्रालयाची अतिरिक्त जबाबदारी सोपवली आहे.
शनिवारी पदभार स्वीकारल्यानंतर जोशी म्हणाले, "पंतप्रधानांनी माझ्यावर विश्वास ठेवला आहे आणि एवढी मोठी जबाबदारी माझ्यावर सोपवली आहे. मी ही जबाबदारी पूर्ण नम्रतेने आणि जबाबदारीच्या प्रबळ भावनेने पार पाडेन. या महत्त्वाच्या जबाबदारीबद्दल मी पंतप्रधानांचा आभारी आहे."
ते पुढे म्हणाले, "त्यांनी माझ्यावर अथांग विश्वास ठेवला आहे. त्यांच्या मार्गदर्शनाखाली आणि नेतृत्वाखाली, मी पूर्ण निष्ठेने काम करीन आणि त्यांच्या अपेक्षा पूर्ण करण्याचा प्रयत्न करीन. मी ही जबाबदारी पूर्ण निष्ठेने, नम्रतेने आणि प्रामाणिकपणाने पार पाडीन."
कोण आहेत प्रल्हाद जोशी? (Who is New Education Minister Pralhad Joshi?)
प्रल्हाद जोशी हे भाजपचे ज्येष्ठ खासदार आणि पंतप्रधान मोदी यांचे विश्वासू मंत्रिमंडळ सहकारी आहेत. ते कर्नाटकातील धारवाड लोकसभा मतदारसंघातून सलग अनेक वेळा लोकसभेवर निवडून आले आहेत. त्यांनी भाजपच्या कर्नाटक युनिटचे अध्यक्ष म्हणूनही काम पाहिले असून राज्यात पक्षाचा विस्तार करण्यात महत्त्वाची भूमिका बजावली आहे.
राष्ट्रपती भवनाच्या अधिसूचनेनुसार, राष्ट्रपतींनी पंतप्रधानांच्या सल्ल्यानुसार धर्मेंद्र प्रधान यांचा राजीनामा स्वीकारला असून, प्रल्हाद जोशी यांच्याकडे शिक्षण मंत्रालयाचा अतिरिक्त कार्यभार देण्यात आला आहे. जोशी आता त्यांच्या सध्याच्या खात्यांव्यतिरिक्त शिक्षण मंत्रालयाचा कार्यभारही सांभाळतील.
राजकीय कारकिर्दीची सुरुवात झाली कर्नाटकातून
जोशींच्या राजकीय कारकिर्दीची सुरुवात कर्नाटकातील स्थानिक कामातून झाली. 1990 च्या दशकाच्या सुरुवातीला हुबळीतील ईदगाह मैदानावर राष्ट्रध्वज फडकवण्याविरोधात झालेल्या सार्वजनिक आंदोलनांदरम्यान ते पहिल्यांदा प्रकाशझोतात आले. तेव्हापासून, ते आंदोलनांच्या माध्यमातून या प्रदेशात आपले राजकीय स्थान निर्माण करत आहेत.
प्रल्हाद जोशी यांनी 2004 मध्ये धारवाडमधून पहिल्यांना लोकसभेवर निवडूण आले. त्यानंतर मतदारांनी त्यांना 2009, 2014, 2019 आणि पुन्हा 2024 मध्ये निवडून दिले.
त्यांनी 2012 ते 2016 या काळात भाजपचे कर्नाटक प्रदेशाध्यक्ष म्हणूनही काम पाहिले असून राज्यभरातील पक्षाचे कामकाज सांभाळले आहे.
प्रल्हाद जोशी हे केंद्र सरकारच्या प्रशासनातील एक प्रमुख व्यक्तिमत्व असून, त्यांनी दोन दशकांहून अधिक काळ संसदेत सेवा बजावली आहे. त्यांची शिक्षण मंत्रालयात झालेली बदली एका नव्या पर्वाची सुरुवात आहे, कारण हा विभाग देशभरातील शाळा आणि महाविद्यालयांमध्ये धोरणांच्या अंमलबजावणीवर देखरेख ठेवतो.
