नवी दिल्ली: राजस्थानमधील बिकानेर स्थानकाजवळ चालत्या ट्रेनमध्ये रविवारी रात्री उशिरा एका कोच अटेंडंट आणि प्रवाशात झालेल्या भांडणानंतर एका लष्करी जवानाची चाकूने वार करून हत्या करण्यात आल्याची घटना घडली आहे.
सोमवारी एका पोलिस अधिकाऱ्याने ही माहिती दिली. त्यांनी सांगितले की, सैनिक साबरमती एक्सप्रेसने त्याच्या घरी जात असताना ही घटना घडली.
गुजरातमधील रहिवासी जिगर कुमार असे पीडित तरुणाचे नाव आहे. तो फिरोजाबादहून साबरमतीला साबरमती एक्सप्रेसने प्रवास करत होता. प्रवासादरम्यान, सैनिक आणि कोच अटेंडंटमध्ये वाद झाला. त्यानंतर अटेंडंटने कुमारवर चाकूने हल्ला केला.
कोच अटेंडंट ताब्यात-
हल्ल्यात सहभागी असलेल्या तीन कोच अटेंडंटना चौकशीसाठी ताब्यात घेण्यात आले आहे. या घटनेनंतर वरिष्ठ लष्करी अधिकारी रात्री उशिरा परिस्थितीचा आढावा घेण्यासाठी पीबीएम रुग्णालयात पोहोचले, असे पोलिस अधिकाऱ्याने सांगितले.
चालत्या ट्रेनमध्ये एफएसएल तपासणी केली जाईल
साबरमती एक्सप्रेसचा ज्या एसी कोचमध्ये कॉन्स्टेबलला चाकूने वार करण्यात आले होते तो कोच सील करण्यात आला आहे. प्रवाशांना दुसऱ्या कोचमध्ये हलवण्यात आले.
या डब्यात आरपीएफचे कर्मचारी प्रवास करत आहेत. जोधपूर पोहोचल्यानंतर ट्रेनमध्ये एफएसएल टीम देखील उपस्थित होती. ट्रेन थांबवता येत नसल्याने, ती जात असतानाच तपास केला जाईल.