जेएनएन, नवी दिल्ली. Sant Tukaram Maharaj Palkhi 2026 Schedule: महाराष्ट्राचे आराध्य दैवत असलेल्या विठ्ठल भक्तांसाठी अत्यंत आनंदाची बातमी आहे. जगद्गुरु तुकाराम महाराजांच्या आषाढी वारी 2026 चे अधिकृत वेळापत्रक जाहीर झाले आहे. यंदाची आषाढी एकादशी 25 जुलै 2026 रोजी आहे. जगद्गुरु तुकाराम महाराज (देहू) यांच्या पालखीचे प्रस्थान आणि पुढील प्रवासाचे नियोजित वेळापत्रक देखील जाहीर झाले आहे.
2026 मधील जगद्गुरु संत तुकाराम महाराज पालखी सोहळ्याचे प्रस्थान 7 जुलै 2026 रोजी देहू येथून पंढरपूरकडे होणार आहे.
21 दिवसांच्या या पायी वारीचे प्रमुख टप्पे खालीलप्रमाणे आहेत:
- 7 जुलै 2026: देहू येथून प्रस्थान (इनामदार वाड्यात पहिला मुक्काम)
- 8-9 जुलै 2026: आकुर्डी मार्गे पुणे (श्री विठ्ठल मंदिर, नाना पेठ)
- मुक्कामपुढील मार्ग (मुक्कामाची ठिकाणे): हडपसर, लोणी काळभोर, यवत, वरवंड, बारामती, इंदापूर, अकलूज आणि माळशिरस.
- पंढरपूर आगमन: आषाढी एकादशीच्या आदल्या दिवशी पालखी पंढरपूरमध्ये दाखल होईल.
संत ज्ञानेश्वर महाराज पालखी सोहळ्याचे प्रमुख मुक्काम आणि रिंगण (संक्षिप्त)
संत ज्ञानेश्वर महाराज पालखी वारीच्या मार्गावर पालखीचे होणारे मुक्काम आणि रिंगण सोहळे हे भाविकांसाठी मुख्य आकर्षणाचे केंद्र असतात. महाराजांच्या पालखी 8 जुलै 2026 (बुधवार) रोजी दुपारी 3 वाजता आळंदीहून प्रस्थान करेल आणि 24 जुलै 2026 रोजी पंढरपूरला पोहोचेल. यात सुमारे 17 दिवस पायी प्रवास, 4 गोल रिंगण आणि 3 उभे रिंगण होणार आहे.
संत ज्ञानेश्वर महाराज पालखी (आळंदी) मुक्कामांची माहिती
- 8 जुलै: आळंदी (प्रस्थान + मुक्काम)
- 9-10 जुलै: पुणे (२ दिवस मुक्काम)
- 11-12 जुलै: सासवड (२ दिवस)
- 13 जुलै: जेजुरी
- 14 जुलै: वाल्हे
- 15 जुलै: लोणंद (नीरा स्नान)
- 16 जुलै: तरडगाव
- 17 जुलै: फलटण
- 18 जुलै: बरड
- 19 जुलै: नातेपुते
- 20 जुलै: माळशिरस
- 21 जुलै: वेळापूर
- 22 जुलै: भंडीशेगाव (बंधूभेट)
- 23 जुलै: वाखरी
- 24 जुलै: पंढरपूर (आगमन)
- 25 ते 28 जुलै: पंढरपुरात मुक्काम (आषाढी एकादशी सोहळा 25 जुलै).
- नंतर परतीचा प्रवास
रिंगण सोहळ्यांचे वेळापत्रक
- पहिले उभे रिंगण - 16 जुलै 2026 (चांदोबाचा लिंब, तरडगाव जवळ)
- पहिले गोल रिंगण - 20 जुलै 2026 (पुरंदवडे, माळशिरस)
- दुसरे गोल रिंगण - 21 जुलै 2026 (खुडूस/खडूस फाटा, वेळापूर)
- तिसरे गोल रिंगण - 22 जुलै 2026 (ठाकुरबुवाची समाधी, भंडीशेगाव)
- दुसरे उभे रिंगण - 23 जुलै 2026 (बाजीरावची विहीर, वाखरी)
- तिसरे उभे रिंगण - 24 जुलै 2026 (इसबावी/पंढरपूर प्रवेशादरम्यान, दुपारी)
