जेएनएन, अहिल्यानगर. Ahilyanagar News: काँग्रेसचे अहिल्यानगरचे जिल्हाध्यक्ष सचिन गुजर यांचे अपहरण करून lत्यांना जबर मारहाण करण्यात आली आहे. यावरुन काँग्रेस नेते विजय वडेट्टीवार यांनी गृहमंत्री देवेंद्र फडणवीस यांच्यावर निशाणा साधला आहे.

विरोधकांना संपवण्याचा घाट

ऐन निवडणुकीत विरोधकांवर हल्ले होत आहे, ज्यात गृहखाते आणि पोलिस काय करत आहे? वैचारिक मतभेद असू शकतात पण म्हणून विरोधकांना संपवण्याचा घाट घातला जात आहे. पोलिस काय करतात हा प्रश्न पण आता पडत नाही कारण ते निष्प्रभ ठरले आहेत, असं त्यांनी आपल्या X वर म्हटलं आहे.

कडक कारवाईची मागणी

गृहमंत्र्यांनी लक्ष घालून या प्रकरणी आरोपींना अटक केली पाहिजे, कडक कारवाई झाली पाहिजे, अशी मागणी त्यांनी केली.

    नेमकं काय घडलं…

    पहाटे सात वाजण्याच्या सुमारास सचिन गुजर नेहमीप्रमाणे फिरायला घराबाहेर निघाले होते. त्यावेळी त्यांच्या मागे एक कार आली आणि ती त्यांच्या बाजूला थांबली. कारमधून दोन तरुण बाहेर पडले त्यांनी गुजर यांच्याशी भांडण करायला सुरुवात केली. क्षणार्धात त्यांनी गुजर यांना जबरीने कारमध्ये बसवले. यावेळी कारमध्ये आधीपासूनच आणखी दोन जण उपस्थित होते.

    सचिन गुजर यांना लाठ्या-काठ्यांनी बेदम मारहाण

    अपहरणकर्त्यांनी सचिन गुजर यांना बेलापूर बन परिसरात नेले. तिथे त्यांना लाठ्या-काठ्यांनी आणि हाताने बेदम मारहाण करण्यात आली. मारहाणीनंतर हल्लेखोर त्यांना तिथेच सोडून पसार झाले. जखमी अवस्थेत असलेल्या गुजर यांना नागरिकांनी पाहिले आणि मदत करून रुग्णालयात दाखल केले, अशी माहिती आहे.