जेएनएन, नागपूर: Satara Doctor Suicide: सातारा जिल्ह्यातील फलटण उपजिल्हा रुग्णालयातील डॉक्टर संपदा मुंडे आत्महत्या केली होती. या प्रकरणावरुन आज हिवाळी अधिवेशनात चर्चा झाली. यावेळी मुख्यमंत्री देवेंद्र फडणवीस यांनी महत्त्वाची माहिती दिली आहे.
महिला डॉक्टरची फसवणूक
प्रश्नोत्तराच्या तासांमध्ये या प्रकरणाबद्दल प्रश्न विचारण्यात आला होता. याला मुख्यमंत्री देवेंद्र फडणवीस यांनी उत्तर दिले. यावेळी त्यांनी सांगितले की, या प्रकरणात प्रशांत बनकर आणि निलंबित झालेले पोलिस उपनिरीक्षक गोपाल बदणे यांनी या महिला डॉक्टरची फसवणूक केली आणि तिचे अनेकवेळा शोषण केलं असं सध्या त्यांच्या हॉटस्अप चॅट आणि इतर पुराव्यातून आढळले आहे, याची महिला आयपीएस अधिकाऱ्यामार्फत चौकशी सुरु आहे.
हातवर सुसाईड नोट कोणी लिहिली?
महिला डॉक्टरने आत्महत्या केली त्यावेळी तिने आपल्या हातवर सुसाईड नोट लिहिली होती. ती तिने स्वतः लिहिली होती. तिचे अक्षर जुळले आहे, असं त्यांनी सांगितलं. सध्या सुसाईट नोट आणि हॉटस्अॅप चॅट यांच्या माध्यमातून तपास सुरु आहे, अशी माहिती फडणवीसांनी सभागृहात दिली.
23 ऑक्टोबरच्या रात्री जिल्ह्यातील फलटण शहरातील एका हॉटेलच्या खोलीत 28 वर्षीय डॉक्टरचा मृतदेह लटकलेल्या अवस्थेत आढळल्यानंतर बदणे यांना अटक करण्यात आली.
बदणेंवर आरोप
पोलिसांनी याला आत्महत्या म्हटले असले तरी, डॉक्टरने तिच्या तळहातावर एक चिठ्ठी लिहून ठेवली होती, ज्यामध्ये बदणेने तिच्यावर अनेक वेळा बलात्कार केल्याचा आरोप केला होता. त्याच चिठ्ठीत तिने प्रशांत बनकरवरही शारीरिक आणि मानसिक छळ केल्याचा आरोपही केला होता.
