जेएनएन, मुंबई. Ladki Bahin Yojana: महाराष्ट्र सरकारने राज्यातील गरजू आणि आर्थिकदृष्ट्या सक्षम नसणाऱ्या महिलांसाठी मुख्यमंत्री लाडकी बहीण योजना (CM Ladki Bahin Yojana) सुरू आहे. या योजनेचे लाभार्थी हे दोन कोटीपेक्षा अधिक महिला आहे. त्यांना शासनाकडून प्रत्येक महिन्याला 1500 रुपयांचा निधी दिला जातो.

ऑक्टोबर महिन्याचा हफ्ता लाभार्थी महिलांच्या खात्यात जमा झाला आहे. आता नोव्हेंबर महिना संपण्यास काहीच दिवस बाकी आहेत. त्यामुळे लाडकी बहीण योजनेच्या लाभार्थी महिलांना नोव्हेंबर महिन्याचा हप्ता मिळण्याची आतुरता लागली आहे.

लाडकी बहीण योजनेचा नोव्हेंबर हप्ता कधी येणार (When is Come November installment of Ladki Bahin Yojana)

मिळालेल्या माहितीनुसार, डिसेंबर महिन्याच्या पहिल्या आठवड्यात महिलांच्या खात्यात आर्थिक मदत जमा होण्याची शक्यता आहे. याबाबत अद्याप अधिकृत घोषणा झालेली नसली, तरी संबंधित विभागाकडून लवकरच त्याबाबत अधिकृत अधिसूचना जारी होण्याची अपेक्षा आहे.

दरम्यान, राज्यात स्थानिक स्वराज्य संस्थांच्या निवडणुका सुरु आहेत. पुढील काही दिवसांत जिल्हा परिषद आणि महानगरपालिकेच्या निवडणका जाहीर होण्याची शक्यता आहे. त्यामुळेच लाडकी बहीण योजनेचा नोव्हेंबर हप्ता पुढील आठ दिवसांतच लाभार्थींच्या खात्यात जमा केला जाण्याची शक्यता आहे.

लाडकी बहिण योजेची e-KYC करण्याची शेवटची तारीख किती?  

    https://ladakibahin.maharashtra.gov.in या अधिकृत संकेतस्थळावर e-KYC सुविधा उपलब्ध आहे. यासाठी 2 महिन्यांचा कालावधी देण्यात आला असून आतापर्यंत बहुतांश लाडक्या बहिणींनी ही प्रक्रिया पूर्ण केली आहे. उर्वरित लाभार्थी भगिनींनीही 18 नोव्हेंबर 2025 पूर्वी e-KYC प्रक्रिया पूर्ण करावी, असे आवाहन हे मंत्री आदिती तटकरे यांनी केले होते. मात्र, यात आता मुदतवाढ देण्यात आली आहे. या योजनेची केवायसी ही 31 डिसेंबर 2025 पर्यंत करता येणार आहे. त्यामुळे लाभार्थी महिलांना मोठा दिलासा मिळाला आहे.

    ई-केवायसी करण्याची सोपी पद्धत? (Ladki Bahin Yojana eKYC Step By Step Process)

    1. मुख्यमंत्री-माझी लाडकी बहीण योजनेच्या e-KYC साठी https://ladakibahin.maharashtra.gov.in या संकेतस्थळाला भेट द्यावी.
    2. मुखपृष्ठावर असलेल्या e-KYC बॅनरवर क्लिक केल्यावर e KYC फॉर्म उघडेल.
    3. या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून, आधार प्रमाणीकरणासाठी संमती देत Send OTP या बटणावर क्लिक करावे. त्यानंतर लाभार्थ्याच्या आधार-लिंक मोबाईल क्रमांकावर OTP येईल. हा OTP टाकून Submit बटणावर क्लिक करावे.  
    4. यानंतर प्रणाली तपासेल की लाभार्थ्याची KYC आधीच पूर्ण झाली आहे की नाही.
    5. * जर आधीच पूर्ण झाली असेल, तर “e-KYC आधीच पूर्ण झाली आहे” असा संदेश दिसेल.
    6. * जर पूर्ण झाली नसेल, तर आधार क्रमांक मुख्यमंत्री माझी लाडकी बहीण योजनेच्या पात्र यादीत आहे की नाही हे तपासले जाईल.
    7. जर आधार क्रमांक पात्र यादीत असेल, तर पुढील टप्प्याला जाता येईल.
    8. यानंतर लाभार्थ्याने पती किंवा वडिलांचा आधार क्रमांक तसेच पडताळणी संकेतांक (Captcha Code) नमूद करावा. संमती दर्शवून Send OTP वर क्लिक करावे. OTP संबंधित मोबाईलवर प्राप्त झाल्यावर तो टाकून Submit बटणावर क्लिक करावा.
    9. त्यानंतर लाभार्थ्याला आपला जात प्रवर्ग निवडावा लागेल आणि खालील बाबी प्रमाणित (Declaration) कराव्या लागतील:
    10. 1. माझ्या कुटुंबातील सदस्य नियमित/कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा सेवानिवृत्तीनंतर निवृत्तीवेतन घेत नाहीत.
    11. 2. माझ्या कुटुंबातील केवळ 1 विवाहित आणि 1 अविवाहित महिला या योजनेचा लाभ घेत आहे.
    12. वरील बाबींची नोंद करून चेक बॉक्सवर क्लिक करावे व Submit बटण दाबावे.
    13. शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.

    हेही वाचा - Ladki Bahin Yojana eKYC: लाडकी बहीण योजनेची तुम्ही केवायसी केली नसेल तर… शेवटची संधी!