जेएनएन, मुंबई. Mumbai-Pune Expressway Traffic: मुंबई -पुणे द्रुतगती मार्गावर तीन दिवसांचा मेगाब्लॉक असणार आहे. दुपारी 12 ते 3 असा मेगाब्लॉक (Mega Block on Mumbai-Pune Expressway) असणार आहे.

मुंबईकडून पुणेकडे जाणाऱ्या  वाहतुक मार्गात बदल करण्यात आले आहे. वळवण ते वरसोली टोल नाका जवळीक देहूरोड मार्गावरील सर्व वाहतूक पुण्याकडे वळविण्यात आली आहे. पुलाचे गर्डर्स बसवण्यासाठी महाराष्ट्र राज्य रस्ते विकास महामंडळने हा मेगाब्लॉक जाहीर केला आहे. 

कुसगांव हद्दीतील किलोमीटर 58 ते 500 जवळ पुलाचे गर्डर्स बसविण्याचं काम युद्धपातळीवर केलं जाणार आहेत. यासाठी पुढील तीन दिवस आज, उद्या आणि 24 जानेवारी दुपारी 12 ते 3 या वेळेत हे काम पूर्ण केलं जाणार आहे, अशी माहिती एमएसआरडीने दिली आहे.

मुंबई-पुणे द्रुतगती मार्गा वापर करणाऱ्या प्रवासीसाठी पर्यायी मार्गाचा वापर सुरू केले आहे. आज मेगाब्लॉकचा पाहिला दिवस असून 12 ते 3 दरम्यान काम सुरू आहे. या मेगब्लॉक दरम्यान तीन दिवस वाहतुकीत बदल करण्यात आला आहे. वळवण ते वरसोली टोल नाका येथून देहूरोड मार्गेवरील सर्व वाहतूक पुण्याकडे  वळविण्यात आले आहे.

    एमएसआरडीने या पर्यायी मार्गांचा वापर करण्याचे निर्देश दिले आहे! 

    - वरसोली टोलनाक्यापासून जुन्या मुंबई-पुणे महामार्गावरून पुण्याकडे जाण्याचा मार्गचा वापर करावा.

    - पुणे ते मुंबई मार्गावरील  वाहतूक सुरळीत असणार आहे.

    - दुपारी तीन नंतर पुन्हा द्रुतगती मार्गावर प्रवास करू शकतात

    - मदतीसाठी मुंबई-पुणे द्रुतगती मार्गाच्या नियंत्रण कक्षाशी 9822498224 या क्रमांकावर किंवा महामार्ग पोलीस विभागाच्या 9833498334 या नंबरवर संपर्क साधू शकता