एजन्सी, मुंबई. Pahalgam Attack: पहलगाम येथे 22 एप्रिल रोजी पर्यटकांवर दहशतवादी हल्ला झाला होता. या हल्ल्यात 26 जणांचा मृत्यू झाला होता. तर अनेक जण जखमी होते. मृतांमध्ये राज्यातील 6 जणांचा समावेश होता. आता एक चांगली बातमी समोर येत आहे. दुर्दैवाने पहलगाम दहशतवादी हल्ल्यात नवी मुंबईतील रहिवासी सुबोध पाटील हे जखमी झाले होते. आता ते सुखरुप आपल्या घरी परतले आहेत. त्यांचे शेजारी आणि स्थानिकांनी जोरदार स्वागत केले.

परिसरातील स्थानिकांनी केले स्वागत

पाटील (वय 60) गुरुवारी रात्री त्यांच्या पत्नीसह कामोठे परिसरातील रॉयल हाइट्स अपार्टमेंटमधील घरी पोहोचले, असे एका अधिकाऱ्याने सांगितले. त्यांनी सांगितले की, या जोडप्याचे त्यांचे शेजारी, नातेवाईक आणि परिसरातील स्थानिकांनी स्वागत केले.

पाटील आणि त्यांची पत्नी निसर्ग पर्यटन टूर्सने आयोजित केलेल्या पहलगामच्या सहलीला गेलेल्या 39 पर्यटकांच्या गटात होते, असे पोलिस अधिकाऱ्याने सांगितले. 22 एप्रिल रोजी दक्षिण काश्मीरच्या अनंतनाग जिल्ह्यातील पहलगामजवळील बैसरन कुरणात दहशतवाद्यांनी पर्यटकांवर अंदाधुंद गोळीबार केला तेव्हा त्यांच्या मानेला गोळी लागली. त्यावेळी पाटील चहाच्या टपरीवर होते.

    त्याला पहलगाम येथील लष्करी रुग्णालयात दाखल करण्यात आले आणि बरे झाल्यानंतर त्याला घरी जाण्याची परवानगी देण्यात आली, असे अधिकाऱ्याने सांगितले. दहशतवादी हल्ल्यात राज्यातील 6 पर्यटकांसह एकूण 26 जणांचा मृत्यू झाला होता. त्या डोंबिवलीतील तीन जणांचा समावेश होता.