जेएनएन, मुंबई. Monsoon 2026 Latest News: मान्सून कोकणात दाखल झाला आहे. यामुळे सिंधुदुर्ग जिल्ह्यासह राज्यातील अनेक भागात पावसाच्या सरी कोसळू लागल्या आहेत. पावसांच्या सरीमुळे उकाड्यापासून हैराण झालेल्या नागरिकांना दिलासा मिळला आहे.
मान्सूनची स्थिती
नैऋत्य मोसमी वारे आज 7 जून, 2026 रोजी पश्चिम मध्य आणि संपूर्ण ईशान्य बंगालच्या उपसागराच्या काही भागांमध्ये आणि वायव्य बंगालच्या उपसागराच्या काही भागांमध्ये, संपूर्ण नागालँड, मणिपूर आणि मिझोरम, त्रिपुरा, आसाम आणि अरुणाचल प्रदेशच्या काही भागांमध्ये पुढे सरकले आहेत.
पुढील 3-4 दिवसांत नैऋत्य मोसमी वाऱ्यांच्या मध्य अरबी समुद्राच्या काही भागांमध्ये, महाराष्ट्र, कर्नाटक, तेलंगणाच्या काही भागांमध्ये, आंध्र प्रदेशच्या काही भागांमध्ये, तामिळनाडूच्या उर्वरित भागांमध्ये आणि नैऋत्य बंगालच्या उपसागरात, पश्चिम-मध्य आणि वायव्य बंगालच्या उपसागराच्या काही भागांमध्ये, छत्तीसगड आणि ओडिशाच्या उर्वरित भागांमध्ये, ईशान्येकडील राज्यांच्या उर्वरित भागांमध्ये आणि उप-हिमालयातील पश्चिम बंगाल आणि सिक्कीमच्या काही भागांमध्ये पुढील वाटचालीसाठी परिस्थिती अनुकूल आहे.
महाराष्ट्रात मान्सून कधी दाखल होणार?
नैऋत्य मोसमी पाऊस महाराष्ट्रात पुढील 3-4 दिवसांत दाखल होण्याची शक्यता हवामान विभागाने वर्तवली आहे. मुंबई आणि कोकणवासीयांसाठी पुढील दोन दिवस महत्त्वाचे आहेत. पावसाचा जोर वाढण्याची शक्यता असल्याने प्रशासन आणि नागरिकांनी सतर्क राहणे आवश्यक आहे.
सरकारचे शेतकऱ्यांना आवाहन
हवामान विभागाने दिलेल्या अंदाजानुसार, सध्या मान्सून दक्षिण कोकणात दाखल झाला असून अनेक जिल्ह्यांत पाऊस कोसळत आहे. राज्यात 9 जूनपर्यंत मध्यम ते जोरदार पावसाचा अंदाज आयएमडीने दिला आहे. मात्र 15 जूनपर्यंत राज्यातील मान्सूनच्या प्रगतीचा वेग आणि पावसाचा जोर कमी होण्याची शक्यता आहे. यामुळे सरकारने शेतकऱ्यांना महत्त्वाचा इशारा दिला आहे.
