जेएनएन, मुंबई. लाडक्या बहिणीच्या खात्यात ऑगस्ट महिन्याचा हप्ता जमा (Ladki Bahin Yojana August installment) करण्यास सुरुवात झाली आहे. अशी माहिती महिला आणि बालविकास मंत्री आदिती तटकरे यांनी दिली आहे. 

मुख्यमंत्री माझी लाडकी बहीण योजना : महिला सक्षमीकरणाची अखंड क्रांती ! मुख्यमंत्री माझी लाडकी बहीण योजनेच्या सर्व पात्र लाभार्थ्यांना ऑगस्ट महिन्याचा सन्मान निधी वितरित करण्याच्या प्रक्रियेस आज पासून सुरुवात होत आहे.  

महाराष्ट्रातील माता-भगिनींच्या अखंड विश्वासाने सुरू असलेली सक्षमीकरणाची ही क्रांती यशस्वीरित्या मार्गक्रमण करत आहे. लवकरच या योजनेतील सर्व पात्र लाभार्थ्यांच्या आधार संलग्नित बँक खात्यात सन्मान निधी वितरित होणार आहे. असे ट्वीट करुन त्यांनी ही माहिती दिली आहे. 

तुमची पात्रता तपासा

पात्रता तपासा - तुमची अर्ज केलेली माहिती योग्य आहे आणि तुम्ही या योजनेच्या सर्व पात्रता निकषांची पूर्तता करत आहात, याची खात्री करा. माहितीतील काही त्रुटी असल्यास अर्ज प्रक्रियेत विलंब होऊ शकतो. 

बँक खाते पडताळणी - अर्ज प्रक्रियेदरम्यान दिलेली बँक खाते माहिती योग्य आहे आणि खाते सक्रिय आहे, याची खात्री करा. खाते क्रमांक किंवा IFSC कोडमध्ये चुकीमुळे पैसे जमा होण्यास विलंब होऊ शकतो

    हेल्पलाईनवर करा संपर्क

    हेल्पलाईन - योजनेच्या हेल्पलाईन टोल फ्री संपर्क क्रमांक 181 वर संपर्क साधा. हेल्पलाईन कर्मचारी तुमच्या अर्जाची स्थिती तपासून पुढील काय करायचे याबाबत मार्गदर्शन करतील.

    सूचनांवर लक्ष ठेवा - स्थानिक बातम्या किंवा राज्य सरकारच्या सूचनांवर लक्ष ठेवा, कारण ते योजनेबद्दल अधिक माहिती देऊ शकतात, विशेषत: प्रलंबित रक्कम कधी आणि कशी जमा केली जाईल याबद्दल.

    स्थानिक अधिकाऱ्यांशी साधा संपर्क 

    स्थानिक अधिकाऱ्यांशी साधा संपर्क - तुमच्या परिसरातील महिला व बालविकास (WCD) कार्यालयाशी किंवा योजनेचे नोडल अधिकारी यांच्याशी संपर्क साधा. ते तुमच्या अर्जाची स्थितीबद्दल माहिती देऊ शकतात.

    अधिकृत वेबसाइटला द्या भेट - महाराष्ट्र सरकारच्या अधिकृत वेबसाइटला किंवा लाडकी बहीण योजनेच्या पोर्टलला भेट द्या. तिथे देण्यात आलेल्या अद्यतने आणि सूचना तपासा.

    लाडकी बहिण योजनेचे निकष काय आहेत (Ladki Bahin Scheme Criteria) 

    • लाभार्थी महिलांना दरवर्षी जून महिन्यात बँकेत ई-केवायसी करून हयातीत असल्याचा दाखलाही जोडावा लागणार आहे.
    • दरवर्षी 1 जून ते 1 जुलै दरम्यान ई-केवायसी करणे अनिवार्य असणार आहे 
    • ज्या महिलांचे आधार कार्ड या योजनेशी लिंक नसेल त्यांनाही योजनेतून बाद केले जाईल.
    • अडीच लाखांहून अधिक उत्पन्न असल्यास महिलांना अपात्र घोषित केले जाईल.
    • लाभार्थी महिलांचे उत्पन्न तपासण्यासाठी प्राप्तिकर विभागाची मदत घेणार आहे.
    • नव्याने पात्र लाभार्थी महिलांना जुलैपासून लाभ मिळणार नाही.
    • अर्ज मंजूर झाल्याच्या पुढील महिन्यापासून लाभ मिळणार आहे.
    • अर्जातील नावे आणि पैसे जमा झालेल्या बँक खात्यावरील नावे यामध्ये तफावत आढळल्यास अपात्र केले जाईल.
    • नमो योजना किंवा दिव्यांग विभागातील योजनेचा लाभ घेत असलेल्या महिलांना 1500 रुपये दिले जाणार नाही.

    लाडकी बहीण योजनेतून महिला अपात्र होण्याची कारणे काय आहेत (Reasons for Ladki Bahin Yojana Ineligible)

    • लाडकी बहीण योजनेत ज्या महिलांनी निकषांबाहेर जाऊन लाभ घेतला आहे. त्यांना या योजनेचा लाभ मिळणार नाही. 
    • ज्या महिला 21 ते 65 वयोगटात बसतात त्यांनाच योजनेचा लाभ मिळतो. 
    • लाडकी बहीण योजनेच्या लाभार्थ्यांसाठी कुटुंबाचे उत्पन्न 2.5 लाख असायला हवे.
    • लाडकी बहीण योजनेच्या लाभार्थी या सरकारी कर्मचारी नसाव्यात. 
    • लाडकी बहीण योजनेच्या लाभार्थ्यांच्या कुटुंबाकडे चारचाकी वाहन नसावे.
    • लाडकी बहीण योजनेच्या लाभार्थ्यांच्या कुटुंबाने करदाते नसावेत.
    • जर तुम्हीही या निकषांमध्ये बसत नसाल तर तुम्हाला योजनेचा लाभ घेता येणार नाहीये. 
    • अंगणवाडी सेविका अपात्र महिलांच्या घरी जाऊन अर्जांची पडताळणी करणार आहेत. त्यातून ज्या महिला अपात्र ठरतील त्यांचा लाभ थांबवला जाणार आहे.

    हेही वाचा - Ladki Bahin Yojana: या लाडक्या बहि‍णींना मिळणार नाहीत ऑगस्टचे ‌₹1500; काय आहे नेमकं कारण?