जेएनएन, मुंबई. Kalyan Crime News: कल्याण स्टेशन भागातून एक धक्कादायक बातमी समोर आली आहे. कल्याण रेल्वे स्थानक परिसरात महात्मा फुले पोलिसांनी मोठी कारवाई केली आहे. या भागात वेश्या व्यवसाय करणाऱ्या 9 महिलांची सुटका पोलिसांनी केली आहे.
सापळा रचून टाकला छापा
खबऱ्याद्वारे पोलिसांना कल्याण स्टेशन भागात खुलेआम वेश्या व्यवसाय सुरु असल्याची माहिती पोलिसांना मिळाली होती. त्यानंतर पोलिसांनी वरिष्ठ अधिकाऱ्यांच्या सहकाऱ्याने सापळा रचून छापा टाकला. यावेळी पोलिसांना घटनास्थळी देहविक्री करत असलेल्या महिला आणि ग्राहक पुरुष आढळले. ही घटना 9 मार्च रात्री ही कारवाई करण्यात आली.
9 महिलांची सुटका
पोलिसांनी त्यांना ताब्यात घेतले. त्यानंतर या अड्ड्याचा मालक महिलांची फसवणूक करुन त्यांच्याकडून देहव्यापार करुन घेत होता. अशी माहिती महिलांनी दिली. त्यानंतर पोलिसांनी 9 महिलांची सुटका केली.
हेही वाचा - Chatrapati Sambhaji Nagar Blast: छत्रपती संभाजी नगर सिलेंडरच्या स्फोटाने हादरले, पाच दुकाने जळून खाक
गुन्हा दाखल
या प्रकरणात महिलांना वेश्याव्यवसायात लोटणाऱ्या दोन महिलांसह एका पुरुषाला पोलिसांनी अटक केली आहे. त्यांच्यावर गुन्हा दाखल करण्यात आला आहे. अशी माहिती कल्याणचे एसीपी घेटे यांनी दिली आहे.
पोलिसांचा पुढील तपास सुरू आहे, असंही त्यांनी सांगितलं.