एजन्सी, मुंबई: दक्षिण मुंबईतील नेव्ही नगर परिसरात भारतीय नौदलातील एक सैनिक, त्याची पत्नी आणि दोन अल्पवयीन मुले त्यांच्या राहत्या घरी मृतावस्थेत आढळले, अशी माहिती पोलिसांनी रविवारी दिली.
कफ परेड पोलिसांच्या माहितीनुसार, शनिवारी रात्री तो खलाशी त्याच्या घरात गळफास घेतलेल्या अवस्थेत आढळला आणि त्याच परिसरात त्याची पत्नी व दोन महिने आणि तीन वर्षांच्या मुलांचे मृतदेहही सापडले.
प्राथमिक दृष्ट्या असे दिसते की, त्या व्यक्तीने आत्महत्या केली, तर पत्नी आणि मुलांना विषबाधा करण्यात आली, असे एका अधिकाऱ्याने सांगितले.
मृतदेह शवविच्छेदनासाठी पाठवण्यात आले असून, पोलीस सर्व बाजूंनी तपास करत आहेत, असे त्यांनी सांगितले.
भारतीय नौदलाने एका निवेदनात म्हटले आहे की, तो खलाशी, त्याची पत्नी आणि दोन मुलांसह त्यांच्या राहत्या घरी मृतावस्थेत आढळला.
पोलीस तपास सुरू असून, नौदल सर्वतोपरी सहकार्य करत आहे, असे त्यात म्हटले आहे.
