नाशिक. Ashok kharat Case Update: बहुचर्चित अशोक खरात प्रकरणात तपासादरम्यान धक्कादायक माहिती समोर येत आहे. महिलांच्या लैंगिक शोषणाच्या गंभीर आरोपांना सामोरे जात असताना खरातने चौकशीदरम्यान केलेल्या विधानांमुळे आणखी खळबळ उडाली आहे.
“ही कृती विधीचाच भाग” – खरातचा दावा!
SIT चौकशीत खरातने आपल्यावरील आरोप फेटाळताना, “महिलांसोबत केलेली कृती हा धार्मिक विधीचाच एक भाग होता” असा दावा केल्याची माहिती मिळत आहे. तसेच “मी कुणावरही जबरदस्ती केलेली नाही” असेही त्याने स्पष्ट केल्याचे सांगितले जात आहे.
“मी भलं केलं, तेच माझ्यावर उलटले”
चौकशीदरम्यान खरातने उद्विग्न प्रतिक्रिया देत,
• “मी लोकांचं भलं केलं”
• “माझ्याच अंतर्मनाने मला धोका दिला”अशी विधाने केल्याची माहिती समोर आली आहे.
कोठडीतही मंत्रजप सुरू!
माहितीनुसार, पोलीस कोठडीत असतानाही खरात मंत्रजप करत असल्याचे सांगितले जात आहे. यामुळे त्याच्या मानसिक अवस्थेबाबतही चर्चा सुरू झाली आहे.
तपास अधिक तीव्र!
या प्रकरणात:
• 150 हून अधिक महिलांच्या तक्रारी
• अंधश्रद्धा, फसवणूक आणि लैंगिक शोषणाचे आरोप
• आर्थिक गैरव्यवहारांचा संशय आहे. यामुळे SIT कडून तपास अधिक तीव्र करण्यात आला आहे. न्यायालयाने खरातला पोलीस कोठडी सुनावली असून, आणखी पुरावे आणि साक्षीदार समोर येण्याची शक्यता आहे.
