जेएनएन, अमरावती: नवरात्रोत्सवाच्या पार्श्वभूमीवर दुर्गादेवीची मूर्ती आणण्यासाठी गेलेल्या तरुणांच्या वाहनाला समृद्धी महामार्गावर भीषण अपघात झाला. अमरावती जिल्ह्यातील धामणगाव रेल्वे परिसरात ट्रक आणि बोलेरो टेम्पो पिकअपची जोरदार धडक झाली. या दुर्घटनेत सात जणांचा मृत्यू झाला असून अनेक जण जखमी झाले आहेत.
मिळालेल्या माहितीनुसार, दुर्गादेवीची मूर्ती घेऊन तरुणांचा समूह प्रवास करत होता. यावेळी समृद्धी महामार्गावर त्यांच्या वाहनाची ट्रकसोबत जोरदार धडक झाली. अपघाताची तीव्रता एवढी होती की वाहनाचा मोठ्या प्रमाणात चुराडा झाला.
या दुर्घटनेत सात जणांचा मृत्यू झाल्याची प्राथमिक माहिती आहे. तर 12 जण गंभीर जखमी असून सहा जणांना किरकोळ दुखापत झाली आहे. अपघाताची माहिती मिळताच स्थानिक प्रशासन आणि बचाव पथकांनी घटनास्थळी धाव घेतली.
