जेएनएन, मुंबई: मराठी मनोरंजन सृष्टीतील प्रसिद्ध अभिनेत्री उर्मिला कोठारे हीच काही दिवसांपूर्वी मुंबईत अपघात झाला. ज्यात अभिनेत्री आणि चालक थोडक्यात बचावले. हा अपघात इतका जोरदार होता की, अपघातात गाडीचा चुराळा झालेला समोर आलेल्या फोमधून पाहायला मिळाला. मात्र वेळीच गाडीतील एअरबॅग्स उघडल्याने अभिनेत्री आणि चालकाला कुठलीही गंभीर दुखापत झाली नाही.
अपघाताच्या काही दिवसांनंतर आज अभिनेत्रीने तिच्या सोशल मीडियावरून या अपघाताचा घटनाक्रम शेअर केला आहे. अभिनेत्रीने एक फोटो शेअर करत लिहिलेय पोस्टमध्ये लिहिले आहे की, 28 डिसेंबर 2024 रोजी रात्री 12.45 च्या सुमारास माझा एक गंभीर कार अपघात झाला. रात्री पोईसर मेट्रो स्टेशनजवळ पश्चिम द्रुतगती महामार्गावर मेट्रोचे काम सुरू असताना, मोठी यंत्रसामग्री आणि जेसीबी लोडर/एक्सकॅव्हेटर उभी होती. माझा ड्रायव्हर गाडी चालवत होता. अचानक वळण आले, ज्यामुळे हा दुर्दैवी अपघात झाला.
या धडकेनंतर मी आणि माझा ड्रायव्हर गंभीर जखमी झालो आणि बेशुद्ध पडलो. सुदैवाने, आम्हाला ताबडतोब रुग्णालयात नेण्यात आले. मुंबई पोलिस आणि डिलिव्हरी कर्मचारी पवन शिंदे यांचे आभार, ज्यांनी तात्काळ कारवाई केली आणि आम्हाला रुग्णालयात हलवले. मी आता घरी आहे. मला अजूनही पाठीला आणि बरगड्यांना गंभीर दुखापत झाली आहे आणि डॉक्टरांनी मला किमान 4 आठवडे कोणताही शारीरिक व्यायाम न करण्याचा सल्ला दिला आहे.
बाप्पाचे आभार माझ्या सर्व चाहत्यांचे आणि हितचिंतकांचे आभार ज्यांनी काळजी केली आणि माझ्या लवकर बरे होण्यासाठी प्रार्थना केली. हा एक गंभीर अपघात होता आणि माझ्या ड्रायव्हरविरुद्ध पोलिसांनी एफआयआर नोंदवला आहे. मला आपल्या न्यायव्यवस्थेवर पूर्ण विश्वास आहे. मला माहित आहे की न्याय मिळेल. या स्पष्टीकरणाबरोबर तिने एक डिस्क्लेमर देखील दिले आहे ज्यात अभिनेत्रीने लिहिले की, अस्वीकरण: विधान पोलिसांच्या एफआयआरनुसार आहे.
अभिनेत्रींच्या या पोस्टवर चाहत्यांनी तिला लवकर बरे होण्यासाठी शुभेच्छा दिल्या आहेत तर या अपघातात एका कामगाराचा मृत्यू झाला त्यापकरणी काय कारवाई झाली आहे. त्या कामगारांच्या कुटुंबांचे काय असा सवाल देखील अभिनेत्रीला विचारला आहे.