मुंबई. मनोरंजन इंडस्ट्री बाहेरून जितकी झगमगाटाने भरलेली दिसते, आतून तितकीच पोकळ असते. पडद्यामागे अनेक अभिनेत्रींनी कास्टिंग काउचचा सामना केला आहे. त्यापैकीच एक प्रसिद्ध अभिनेत्री देबिना बॅनर्जी देखील आहे.
मनीषा राणीच्या पॉडकास्टमध्ये देबिना बॅनर्जीने सांगितले होते की करिअरच्या सुरुवातीला एका दिग्दर्शकाने तिच्याकडे घाणेरडी मागणी केली होती, जी ऐकून ती थक्क झाली होती.
खरंतर, मनीषा राणीने देबिना बॅनर्जीला विचारले होते की तिने कधी कास्टिंग काउचचा सामना केला आहे का? यावर देबिनाने होकारार्थी मान डोलावली होती.
आपल्या अनुभवावर बोलताना देबिना म्हणाली होती- करिअरच्या सुरुवातीला जेव्हा मी साऊथमध्ये काम करत होते, तेव्हा मला एका दिग्दर्शकाने म्हटले- काय करत आहेस संध्याकाळी... चल माझ्यासोबत लाँग ड्राईव्हला.
'त्या वेळी मी इतकी लहान होते, मला माहितच नव्हते की मी दिग्दर्शकाला नकारही देऊ शकते. मला निगेटिव्ह अशी फीलिंग येत होती.' 'परंतु ड्राईव्हवर जाता-जाता त्या दिग्दर्शकाने अचानक अंधारात गाडी थांबवली आणि म्हटले- आता मला Kiss कर.'
'मी खूप घाबरले होते, मला वाटले की मी कुठे आले अंधारात... जर याने मला एक ठोसा जरी मारला तर मी मरूनच जाईन की काय. मग थरथरत्या आवाजात मी बोलले मी कम्फर्टेबल नाहीये.'
'त्यानंतर जेव्हा गुरमीत माझ्या आयुष्यात आला, तेव्हा मला जाणीव झाली की माझी सेफ स्पेस तोच आहे.' देबिनाच्या खुलाशाने मनीषा राणीही थक्क झाली.
देबिना बॅनर्जीने हिंदी टीव्ही इंडस्ट्रीच्या आधी साऊथ चित्रपट आणि टीव्ही शोजमध्ये काम केले होते. परंतु तिला सर्वात जबरदस्त ओळख वर्ष २००८ मध्ये आलेल्या 'रामायण' शोमध्ये माता सीतेची भूमिका साकारून मिळाली. देबिना आज टीव्ही इंडस्ट्रीमधील मोठे नाव आहे. रामायण मालिकेत गुरमीत रामच्या भूमिकेत होता. पुढे जाऊन या ऑनस्क्रीन रामसीतेच्या जोडीने खऱ्या आयुष्यातही लग्नगाठ बांधली. त्यांना आता दोन मुली आहेत.
