जेएनएन, मुंबई : बॉलिवूड सुपरस्टार शाहरुख खानची मुलगी सुहाना खान अलीबाग येथील जमिनीच्या व्यवहारामुळे कायदेशीर अडचणीत सापडली आहे. सुहाना खानने शेतकऱ्यांना शासनाकडून मिळालेली जमीन खरेदी केल्याचा आरोप आहे. ही जमीन तिने आवश्यक परवानगी व कागदपत्रे न घेता घेतल्याचे समोर आले आहे.
मिळालेल्या माहितीनुसार, अलीबाग तालुक्यातील थळ गावात असलेली ही जमीन सुहानाने 12.91 कोटी रुपयांना खरेदी केली. मुंबईतील कफ परेड परिसरात राहणाऱ्या खोटे कुटुंबाकडून हा व्यवहार करण्यात आला. या खरेदीवेळी सुहानाने 77.46 लाख रुपयांचा मुद्रांक शुल्कही भरले. हा व्यवहार 30 मे 2023 रोजी स्टँडर्ड चार्टर्ड बँकेमार्फत करण्यात आल्याचे कागदपत्रांतून स्पष्ट झाले आहे.
सरकारने ही जमीन शेतकऱ्यांना शेतीसाठी दिलेली असल्याने व्यवहाराबाबत शंका व्यक्त करण्यात आली आहे. या प्रकरणाची चौकशी सुरु असून अलीबाग तहसीलदाराकडून निष्पक्ष अहवाल मागवण्यात आला आहे. यासंदर्भात निवासी उपजिल्हाधिकारी यांनी आदेश जारी केल्याची माहिती आहे.
हेही वाचा:Param Sundari Box Office Day 5: 'परम सुंदरी' ने बॉक्स ऑफिसवर केली इतके कमाई, पाचव्या दिवशी अशी होती चित्रपटाची स्थिती