जेएनएन, पुणे. दहावीचा निकाल जाहीर झाला आहे. विद्यार्थी आता अकरावीच्या तयारीला लागले आहेत. विद्यार्थ्याप्रमाणेच शिक्षण विभागानेही आता केंद्रीय ऑनलाइन प्रवेश प्रक्रियेला गती दिली आहे. 11 मे पासून इयत्ता 11 वी ऑनलाईन प्रवेश प्रक्रियेचा भाग-1 आणि भाग-2 भरुन विद्यार्थ्यांना प्रवेश नोंदणी करण्याची सुविधा - https://mahafyjcadmissions.in या अधिकृत पोर्टलवर सुरु झाली आहे.

उद्या शेवटचा दिवस

शैक्षणिक सत्र 2026-27 मधील इयत्ता 11 वी केंद्रिय ऑनलाईन प्रवेश प्रक्रियेसाठी 12 मे पर्यंत एकूण 887529 विद्यार्थ्यांनी प्रवेश अर्जाचा भाग-1 भरुन नोंदणी केलेली आहे. उद्या या प्रक्रियेच्या शून्य फेरीच्या नोंदणीचा शेवटचा दिवस आहे. 

सदर प्रक्रियेमध्ये तीन नियमित फेऱ्या, ओपन टू ऑल चौथी फेरी, मुलींकरीता विशेष पाचवी फेरी घेण्यात येत आहे. त्याअनुषंगाने विद्यार्थ्यांनी सदर पोर्टलवर उपलब्ध माहिती व सूचनेनुसार आपल्या प्रवेशासाठी ऑनलाईन पध्दतीने नोंदणी करण्याचे आवाहन करण्यात येत आहे. 

शैक्षणिक सत्र 2026-27 मधील इयत्ता 11 वी केंद्रिय ऑनलाईन प्रवेश प्रक्रियेचे शून्य फेरी आणि नियमित कॅप फेरी 1 चे वेळापत्रक सोबत सादर करण्यात येत आहे. इयत्ता 11 वी प्रवेश प्रक्रिया संदर्भात माहिती, सूचना वेळोवेळी प्रवेश प्रक्रियेच्या संकेत स्थळावर प्रसिध्द करण्यात येईल. विद्यार्थी/पालक तसेच कनिष्ठ महाविद्यालयातील प्राचार्य यांनी याची नोंद घ्यावी. अधिक माहितीसाठी अधिकृत पोर्टल - https://mahafyjcadmissions.in, ई-मेल आयडी support@mahafyjcadmissions.in आणि हेल्पलाईन नंबर 8530955564 याच्याशी संपर्क साधावा, असे आवाहन देखील डाॅ. पालकर यांनी केले आहे.

    अकरावीच्या प्रवेशासाठी नोंदणी कशी करावी

    • सर्वात प्रथम विद्यार्थ्यांनी https://mahafyjcadmissions.in या शासनाच्या अधिकृत वेबसाईटवर भेट द्यावी. 
    • त्यानंतर या विंडोमधील Student Registration वर क्लिक करावे. त्यानंतर तुमच्या समोर एक नवीन विंडो उघडेल. 
    • या ठिकाणी विचारलेली सर्व माहिती विद्यार्थ्यांनी काळजीपूर्व भरावी. 
    • शेवटी आपला Password तयार करून घ्यावा. 
    • आणि आपला Registration Number आणि Password जपून ठेवावा. 

    हेही वाचा - Maharashtra FYJC Admission 2026: अकरावी ऑनलाइन प्रवेश प्रक्रियेची नोंदणी 11 मेपासून; असे करा Registration, Video

    जागरण विशेष

    दिनांक (पासून)दिनांक (पर्यंत)केंद्रीय प्रवेश प्रक्रिया माहिती
    11 May 202613 May 20261. शैक्षणिक पात्रतेची माहिती भरून अर्जाचा भाग 1 सादर करणे.
    2. विद्यार्थी एकाच वेळी भाग 2 (कोटा) साठी ऑनलाईन अर्ज करू शकतो. (व्यवस्थापन / इन-हाऊस / अल्पसंख्यांक कोट्यासाठी झिरो राउंड) 
    3. विद्यार्थी किमान 1 आणि कमाल 10 कनिष्ठ महाविद्यालयांची प्राधान्ये भरू शकतो. 
    14 May 202615 May 2026तात्पुरती सर्वसाधारण गुणवत्ता यादी (PROVISIONAL GENERAL MERIT LIST) प्रदर्शित करणे 
    16 May 202616 May 20261. तात्पुरत्या गुणवत्ता यादीत हरकती / दुरुस्ती मागण्या असल्यास विद्यार्थी लॉगिनमधील “Grievance Redressal” द्वारे सादर करणे. 
    2. संबंधित उपसंचालक शिक्षण यांच्या मार्फत हरकती / दुरुस्ती मागण्यांचे ऑनलाईन निवारण. 
    3. संबंधित उपसंचालक शिक्षण यांच्याकडून तक्रार निवारण अंतिम करणे.
    18 May 202619 May 20261. सर्वसाधारण गुणवत्ता यादी अंतिम करणे (एकदाच होणारी प्रक्रिया). 
    2. व्यवस्थापन / इन-हाऊस / अल्पसंख्यांक कोट्यासाठी झिरो राउंड वाटप.
    19 May 202619 May 2026अल्पसंख्यांक, कोटा, इन-हाऊस व व्यवस्थापन कोट्यासाठी झिरो राउंड प्रवेशासाठी महाविद्यालयनिहाय यादी विभागाकडून दिली जाईल. रिक्त जागा प्रत्यार्पित करणे.
    20 May 202620 May 2026रिक्त जागा प्रदर्शित करणे
    20 May 202620 May 2026पहिल्या फेरीकरीता जागा प्रदर्शित करणे (कोटा जागांसह)