नवी दिल्ली : Gopichand Hinduja Death : हिंदुजा समूहाचे अध्यक्ष आणि भारतीय वंशाचे अब्जाधीश गोपीचंद पी. हिंदुजा यांचे बुधवारी लंडनमधील रुग्णालयात निधन झाले. ते 85 वर्षांचे होते.
चार हिंदुजा बंधूंपैकी सर्वात मोठे गोपीचंद पी हिंदुजा हे बऱ्याच काळापासून आजारी होते, असे वृत्तसंस्था पीटीआयने कुटुंबातील सूत्रांच्या हवाल्याने दिले आहे.
त्यांना व्यावसायिक समुदायात "जीपी" म्हणून ओळखले जाते. त्यांच्या पश्चात त्यांची पत्नी सुनीता, मुले संजय आणि धीरज आणि मुलगी रीता असा परिवार आहे. हिंदुजा कुटुंबातील दुसऱ्या पिढीतील सदस्य गोपीचंद यांनी मे 2023 मध्ये त्यांचे मोठे भाऊ श्रीचंद यांच्या निधनानंतर अध्यक्षपदाची सूत्रे स्वीकारली.
गोपीचंद हिंदुजा कोण होते?
यूके संडे टाईम्सच्या श्रीमंतांच्या यादीनुसार, जी.पी. हिंदुजा हे सलग सात वर्षे युनायटेड किंग्डममधील सर्वात श्रीमंत व्यक्ती होते. 1940 मध्ये भारतात जन्मलेले, त्यांनी हिंदुजा ऑटोमोटिव्ह लिमिटेडचे अध्यक्ष म्हणूनही काम पाहिले आणि 2023 मध्ये त्यांचे भाऊ श्रीचंद हिंदुजा यांचे डिमेंशियामुळे निधन झाल्यानंतर त्यांनी ग्रुप चेअरमन म्हणून पदभार स्वीकारला.
गोपीचंद हिंदुजा यांनी 1959 मध्ये मुंबईतील जय हिंद कॉलेजमधून पदवी प्राप्त केली आणि वेस्टमिन्स्टर विद्यापीठातून त्यांना मानद डॉक्टरेट ऑफ लॉज पदवी मिळाली. लंडनमधील रिचमंड कॉलेजमधून त्यांना अर्थशास्त्रात मानद डॉक्टरेट देखील देण्यात आली.
हिंदुजा कुटुंबाचा व्यवसाय पहिल्यांदा 1914 मध्ये जी.पी. यांनी स्थापन केला होता. हिंदुजाचे वडील परमानंद हिंदुजा हे संस्थापक होते. गोपीचंद हिंदुजा आणि त्यांचे भाऊ श्रीचंद हिंदुजा यांनी व्यवसाय वाढवला आणि त्याचे रूपांतर आजच्या अब्जावधी डॉलर्सच्या समूहात केले.
पिचंद हिंदुजा फॅमिली नेटवर्थ
पिचंद हिंदुजा यांचे कुटुंब ब्रिटनमधील सर्वात श्रीमंत असल्याचे वृत्त आहे, त्यांची एकूण संपत्ती £32.3 अब्ज आहे. हिंदुजा ग्रुप ऑटोमोटिव्ह, बँकिंग आणि वित्त, आयटी, आरोग्यसेवा, रिअल इस्टेट, वीज आणि मीडिया आणि मनोरंजन यासह 11 क्षेत्रांमध्ये कार्यरत आहे. त्यांच्या काही प्रसिद्ध ब्रँडमध्ये अशोक लेलँड, इंडसइंड बँक आणि नेक्स्टडिजिटल लिमिटेड यांचा समावेश आहे.