नवी दिल्ली. Virat Kohli saddened by Amanpreet Singh Gill Death: आयपीएल 2026 च्या दरम्यान भारतीय क्रिकेट विश्वातून एक अत्यंत दुःखद बातमी समोर आली आहे. भारतीय संघाकडून 19 वर्षांखालील गटात खेळलेल्या क्रिकेटपटू अमनप्रीत सिंग यांचे 6 मे रोजी चंदीगड येथे निधन झाले. वयाच्या 36 व्या वर्षी निधन झालेल्या अमनप्रीत सिंग गिल यांच्या मृत्यूचे कारण अद्याप उघड झालेले नाही.
Amanpreet Singh Gill कोण होता?
अमनप्रीत सिंग गिल हा पंजाबच्या सर्वात प्रतिभावान क्रिकेटपटू पैकी एक होता, ज्याने कठोर परिश्रम आणि शिस्तीच्या जोरावर देशांतर्गत क्रिकेटमध्ये स्वतःचे स्थान निर्माण केले. तो उजव्या हाताचा फलंदाज आणि उजव्या हाताने मध्यम-वेगवान गोलंदाज होता. क्रिकेटवरील त्याच्या प्रेमामुळे त्याला लहान वयातच पंजाब क्रिकेट वर्तुळात ओळख मिळाली.
Punjab Cricket Association deeply mourns the sad demise of Amanpreet Singh Gill, former Punjab cricketer and Member, Senior Selection Committee Punjab.
— Punjab Cricket Association (@pcacricket) May 6, 2026
He served Punjab cricket with dedication and passion, representing teams including India Under-19s, Kings XI Punjab and Punjab.… pic.twitter.com/tpr0EwEprk
त्याने भारताच्या 19 वर्षांखालील संघाचे, पंजाब संघाचे आणि आयपीएल फ्रँचायझी पंजाब किंग्सचे (पूर्वीचे किंग्स इलेव्हन पंजाब) प्रतिनिधित्व केले. युवा स्तरावरील त्याच्या कामगिरीची खूप प्रशंसा झाली आणि त्याला पंजाब क्रिकेटमधील उदयोन्मुख ताऱ्यांपैकी एक मानले जात होते.
खेळाडू म्हणून कारकीर्द संपल्यानंतरही अमनप्रीत क्रिकेटमध्ये सक्रिय राहिला. त्यांनी 2019-20, 2020-21, 2022-23 आणि 2024-25 या हंगामांसाठी पंजाब वरिष्ठ निवड समितीचे सदस्य म्हणून काम केले. एक निवडकर्ता म्हणून, त्यांनी तरुण खेळाडूंच्या विकासासाठी आणि राज्य क्रिकेटला मजबूत करण्यासाठी योगदान दिले.
अमनप्रीत त्याच्या सहकाऱ्यांमध्ये आणि क्रिकेट जगतात त्याच्या साध्या स्वभावासाठी, मनमिळाऊ वृत्तीसाठी आणि खेळाप्रती असलेल्या समर्पणासाठी ओळखला जात होता. पंजाब क्रिकेट असोसिएशनने त्याच्या निधनाबद्दल तीव्र शोक व्यक्त केला असून, हे क्रिकेट जगताचे मोठे नुकसान असल्याचे म्हटले आहे.
Shocked and saddened to hear about Amanpreet Gill’s passing. Sending prayers and strength to his family and loved ones. Rest in peace. Om Shanti 🙏
— Virat Kohli (@imVkohli) May 7, 2026
कोहली आणि युवराज यांनी व्यक्त केला शोक -
अमनप्रीत सिंगच्या निधनाची बातमी ऐकून विराट कोहली आणि युवराज सिंग हेदेखील भावूक झाले. कोहलीने एक्सवर लिहिले, "अमनप्रीत गिलच्या निधनाची बातमी ऐकून अत्यंत दुःख झाले. माझ्या प्रार्थना त्याच्या कुटुंबीयांसोबत आणि प्रियजनांसोबत आहेत. ओम शांती."
Deeply saddened to hear about Amanpreet Singh Gill’s passing. Shared the dressing room in our early days, he was a quiet, hardworking cricketer who loved the game. My heartfelt condolences to his family and loved ones. Rest in peace 🙏🏻 Om Shanti#AmanpreetSinghGill@pcacricket
— Yuvraj Singh (@YUVSTRONG12) May 6, 2026
युवराजनेही गिलची आठवण काढत लिहिले की, अमनप्रीत एक मेहनती क्रिकेटपटू होता आणि त्याला खेळाची प्रचंड आवड होती. ड्रेसिंग रूममध्ये घालवलेले क्षण नेहमीच आठवणीत राहतील.
