जेएनएन, कोल्हापूर. Sharadiya Navratri: श्री करवीर निवासिनी अंबाबाई (महालक्ष्मी) हक्कदार श्रीपूजक मंडळाने शारदीय नवरात्र उत्सवात देवीच्या दशमहाविद्या स्वरूपात पूजा करण्यात येईल, अशी माहिती मंडळाकडून प्रसिद्ध करण्यात आली आहे. उद्यापासून सुरू होणाऱ्या शारदीय नवरात्र उत्सवात अंबाबाईच्या पूजा दशमहाविद्या स्वरूपात बांधली जाणार आहेत. देवी महात्म्यांमध्ये सांगितल्याप्रमाणे शक्ती उपासनेत दशमहाविद्या अत्यंत महत्त्वाच्या आहेत.
देवी महात्म्यात वर्णन केलेल्या स्वरूपानुसार या दशमहाविद्यांचा क्रम आणि महत्त्वबद्दल जाणून घेऊया. काली, तारा, महाविद्या षोडशी, भुवनेश्वरी, भैरवी, छिन्नमस्ता, धूमावती, बगला, सिद्धविद्या, मातंगी, कमलात्मिका – या दहा रूपांची उपासना वेगवेगळी फलप्रद मानली जाते. महा सती गौरीच्या क्रोधातून उत्पन्न झालेल्या या दहा रूपांना दशमहाविद्या असे नाव दिले गेले आहे. प्रत्येक रूपाची पूजा करणे भक्तांसाठी आध्यात्मिक फलप्रद ठरते.
अंबाबाई शारदीय नवरात्र उत्सवात दशमहाविद्या पुढील स्वरूपात असेल
- सोमवार, दि. 22: श्री कमलादेवी
- मंगळवार, दि. 23: श्री बगलामुखी
- बुधवार, दि. 24: श्री तारा
- गुरुवार, दि. 25: श्री मातंगी
- शुक्रवार, दि. 26: श्री भुवनेश्वरी
- शनिवार, दि. 27: अंबारीतील पूजा
- रविवार, दि. 28: श्री षोडशी त्रिपुरसुंदरी
- सोमवार, दि. 29: श्री महाकाली
- मंगळवार, दि. 30: श्री महिषासुरमर्दिनी
- बुधवार, दि. 01: श्री भैरवी
- गुरुवार, दि. 02: रथारुढ पूजा
श्रीपूजक मंडळाच्या माहितीनुसार, या पूजा माध्यमातून भक्तांना देवीच्या विविध स्वरूपांचा गूढ, महात्म्य व त्यांचे फल समजून घेता येईल. उत्सवात देवीच्या दैवी शक्तीची अनुभूती घेण्यासाठी देशभरातील भक्त मोठ्या संख्येने उपस्थित राहतात. या वर्षी नवरात्र उत्सवात विशेष म्हणजे दशमहाविद्या स्वरूपात अंबाबाईच्या पूजा आयोजित करून भक्तांना आध्यात्मिक अनुभव देण्यात येणार आहे. मंदिरातील धार्मिक वातावरण भक्तिमय आणि उत्साही राहील, असा विश्वास मंडळाने व्यक्त केला आहे.
हेही वाचा: Navratri 2025 Wishes:शारदीय नवरात्रीत घराघरात उत्साहाचे वातावरण; या नवरात्रीत तुमच्या प्रियजनांना पाठवा हे शुभेच्छा संदेश
हेही वाचा: Shardiya Navratri 2025: तुळजाभवानी मंदिरात शारदीय नवरात्र महोत्सवाला सुरुवात; जाणून घ्या घटस्थापना कधी?