डिजिटल डेस्क, नवी दिल्ली. अनेक राज्यांमध्ये 2027 मध्ये होणाऱ्या विधानसभा निवडणुकांच्या पार्श्वभूमीवर, भाजपने राष्ट्रीय अध्यक्ष नितीन नवीन यांच्या नेतृत्वाखाली आपल्या नव्या राष्ट्रीय कार्यकारणीची घोषणा केली आहे.
या संघटनात्मक फेरबदलात, माजी केंद्रीय मंत्री स्मृती इराणी यांची राष्ट्रीय सरचिटणीस आणि राजस्थानच्या माजी मुख्यमंत्री वसुंधरा राजे यांची राष्ट्रीय उपाध्यक्षपदी नियुक्ती करण्यात आली आहे.
विनोद तावडेंसह महाराष्ट्रातील 4 नेत्यांवर मोठी जबाबदारी
महाराष्ट्रातील चार नेत्यांवर मोठी जबाबदारी देण्यात आली आहे. डॉ. भारती पवार यांची राष्ट्रीय उपाध्यक्ष पदावर नियुक्ती करण्यात आली आहे. तर विनोद तावडे यांच्यावर राष्ट्रीय महामंत्री पदाची जबाबदारी सोपवण्यात आली आहे. तर शिवप्रकाश यांची राष्ट्रीय सह महामंत्री पदी नियुक्ती झाली आहे. तसंच पियुष गोयल यांची राष्ट्रीय कोषाध्याक्ष पदी निवड करण्यात आली आहे.
या दोन अनुभवी खेळाडूंचे नवीन टीममध्ये पुनरागमन हा एक महत्त्वाचा संघटनात्मक टप्पा मानला जातो आणि अनेक नवीन चेहऱ्यांना संधी देण्यात आली आहे.
या नवीन यादीत राम माधव, तीर्थ सिंग रावत, बैजयंत जय पांडा आणि मनप्रीत सिंग बादल यांसारख्या ज्येष्ठ नेत्यांनाही राष्ट्रीय उपाध्यक्षपदाची जबाबदारी देण्यात आली आहे.
विनोद तावडे आणि सुनील बन्सल यांच्यासारख्या प्रमुख व्यक्तींनाही नवीन संघटनात्मक संघात कायम ठेवण्यात आले आहे. आगामी 2027 च्या राज्य विधानसभा निवडणुका आणि पक्षाचे पुढील निवडणूक अभियान डोळ्यासमोर ठेवून हा फेरबदल करण्यात आला आहे.
भाजपा राष्ट्रीय अध्यक्ष श्री @NitinNabin द्वारा निम्नलिखित सदस्यों को भाजपा के राष्ट्रीय पदाधिकारी एवं अन्य दायित्वों पर नियुक्त किया जा रहा है। (1/2) pic.twitter.com/tcTJsJG0dc
— BJP (@BJP4India) August 17, 2026
हेही वाचा: तारापीठ मंदिराजवळ भीषण अग्नीकांड! हॉटेलला लागलेल्या भीषण आगीत 7 यात्रेकरूंचा मृत्यू, अनेक जण होरपळले
