जेएनएन, नागपूर: विदर्भवाशीयांना अमृत भारत एक्सप्रेसची भेट मिळणार आहे. अमृत भारत एक्सप्रेस दररोज नागपूर मार्गाने धावणार आहे. उधना–ब्रह्मणपूर–उधना लांब पल्ल्याच्या अमृत भारत एक्सप्रेस गाडीला (Udhna-Brahmanpur Amrit Bharat Express) रेल्वे बोर्डाची मंजुरी मिळाली आहे.
अमृत भारत एक्सप्रेस दररोज धावणार
19091 / 19092 क्रमांकाची ही गाडी यापूर्वी आठवड्यातून तीन दिवस धावत होती. वाढत्या गर्दीमुळे आणि प्रवाशांकडून सातत्याने होत असलेल्या मागणीच्या पार्श्वभूमीवर रेल्वे प्रशासनाने आता ही एक्सप्रेस दररोज सुरू करण्याचा निर्णय घेतला आहे. नागपूरसह मध्य भारतातील प्रवाशांसाठी ही दिलासादायक (Amrut Bharat Express timing Nagpur) बातमी आहे.
प्रतीक्षा यादीत मोठी वाढ
सध्या 19091 उधना–ब्रह्मणपूर अमृत भारत एक्सप्रेस रविवारी, बुधवारी आणि शुक्रवारी धावत आहे. तर 19092 ब्रह्मणपूर–उधना अमृत भारत एक्सप्रेस सोमवार, गुरुवार आणि शनिवार या दिवशी प्रवास करीत होती. आठवड्यातील केवळ तीन दिवसांच्या या मर्यादेमुळे अनेक प्रवाशांना तिकीट मिळवण्यासाठी अडचणी होत होती. विशेषतः नागपूर, भुसावळ, अकोला, अमरावती आणि वर्धा या मार्गावरील प्रवाशांकडून या गाडीला मोठा प्रतिसाद मिळत होता. त्यामुळे प्रतीक्षा यादीत मोठी वाढ झालेली दिसत होती.
अमृत भारत एक्सप्रेस दररोज सुरू करण्याचा निर्णय
रेल्वे विभागाने या वाढत्या मागणीचा गंभीरपणे विचार करून अमृत भारत एक्सप्रेस दररोज सुरू करण्याचा निर्णय घेतल्याने प्रवाशांना मोठा दिलासा मिळणार आहे. वाढत्या गर्दीचा ताण कमी होईल, तिकीट मिळवणे सुलभ होईल आणि प्रवास अधिक सुविधाजनक होईल, अशी अपेक्षा व्यक्त केली जात आहे. अमृत भारत एक्सप्रेस दररोज धावत असल्याने नागपूरसह विदर्भातील प्रवाशांसाठी आनंदाची बातमी ठरली आहे.