जेएनएन, मुंबई. Maharashtra Weather Update: गेल्या 4 दिवसापासून मुंबईसह राज्यात अवकाळी पावसानं हजेरी लावली आहे. मंगळवारी पुणे जिल्ह्यात अनेक ठिकाणी वादळी वाऱ्यासह पाऊस झाला आहे. तर पुणे अहिल्यानगर मार्गावर वाघोली येथे सणसवाडीजवळ एक होर्डिंग कोसळले. राज्यात अनेक भागात अवकाळी पावसानं वादळी वाऱ्यासह धुमाकुळ घातला आहे. अनेक जिल्ह्यांना पावसाचा ऑरेंज तर काही जिल्ह्यांना येलो अलर्ट देण्यात आला आहे.
राज्यात ऑरेंज अलर्ट
बुधवारी, कोकण, मध्य महाराष्ट्र आणि मराठवाड्यात ऑरेंज अलर्ट जारी करण्यात आला आहे. विदर्भामध्ये बुधवारपासून पुढील तीन दिवस अनेक ठिकाणी कडकडाटासह पाऊस पडण्याची शक्यता आहे. त्यामुळे विदर्भामध्ये येलो अलर्ट देण्यात आला आहे.
मुंबईत येलो अलर्ट
हवामान विभागाच्या अंदाजनुसार, राज्यात आणि मुंबई शहरात मेघगर्जनेसह वारे वाहण्याची शक्यता वर्तवली आहे. मुंबई शहर आणि उपनगरात संध्याकाळी आकाश साधारणपणे ढगाळ राहिल आणि वादळांसह तुरळक ठिकाणी मध्यम ते मुसळधार पाऊस पडण्याची शक्यता आहे. तर राज्यात वाऱ्यांचा वेग 40 ते 50 किलोमीटर प्रती तास असणार आहे असा अंदाज हवामान विभागाने वर्तविला आहे. बुधवारी मुंबईत पावसाचा येलो अलर्ट देण्यात आला आहे.
हेही वाचा - Maharashtra News: महाराष्ट्र देशाची स्टार्टअप राजधानी बनला - मुख्यमंत्री देवेंद्र फडणवीस
या जिल्ह्यांना अलर्ट
- कोकण विभागातील पालघर, ठाणे, मुंबई, रायगड या जिल्ह्यांना मंगळवारी यलो अलर्ट तर रत्नागिरी, सिंद्धुदुर्ग,
- जिल्ह्याला ऑरेंज अलर्ट देण्यात आला आहे.
- उत्तर महाराष्ट्रात धुळे, नंदुरबार, जळगाव, नाशिक या जिल्ह्यांना येलो अलर्ट देण्यात आला आहे. तर अहिल्यानगर जिल्ह्याला ऑरेंज अलर्ट देण्यात आला आहे.
- पश्चिम महाराष्ट्रातपुणे, सातारा, सांगली या जिल्ह्यांमध्ये येलो अलर्ट आहे, तर कोल्हापूर, सोलापूर जिल्ह्यांना ऑरेंज अलर्ट आहे.
- मराठवाड्यातील जालना, परभणी, हिंगोली, लातूर या जिल्ह्यांना येलो अलर्ट देण्यात आला आहे, तर लातूर, धाराशीव जिल्ह्यांना ऑरेंज देण्यात आला आहे.
- विदर्भात अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ या जिल्ह्यांना येलो अलर्ट जारी करण्यात आला आहे.
हेही वाचा - E-Quasi-Judicial: इ-क्युजे ऑनलाइन प्रणालीचे लोकार्पण; घरबसल्या ऑनलाईन पध्दतीने मिळणार ही सुविधा
