जेएनएन, मुंबई. Maharashtra Weather Update: गेल्या 4 दिवसापासून मुंबईसह राज्यात अवकाळी पावसानं हजेरी लावली आहे. अनेक भागात अवकाळी पावसानं वादळी वाऱ्यासह धुमाकुळ घातला आहे. अनेक जिल्ह्यांना पावसाचा ऑरेंज तर काही जिल्ह्यांना येलो अलर्ट देण्यात आला आहे.
मान्सून अंदमान आणि निकोबारमध्ये दाखल
सध्या नैऋत्य मौसमी पाऊस म्हणजेच मान्सून अंदमान आणि निकोबार, बंगालच्या उपसागरात मध्य भागापर्यंत दाखल झाला आहे. तर उत्तर पूर्व बंगालच्या काही भागात दाखल झाला आहे. मंगळवारी कोकणासह गोव्यातील बऱ्याच ठिकाणी, मध्य महाराष्ट्र व मराठवाड्यातील काही ठिकाणी तर विदर्भात अनेक ठिकाणी पाऊस पडण्याची शक्यता आहे. विदर्भामध्ये आजपासून पुढील तीन दिवस अनेक ठिकाणी कडकडाटासह पाऊस पडण्याची शक्यता आहे. त्यामुळे विदर्भामध्ये येलो अलर्ट देण्यात आला आहे.
मुंबईत येलो अलर्ट
हवामान विभागाच्या अंदाजनुसार, राज्यात आणि मुंबई शहरात मेघगर्जनेसह वारे वाहण्याची शक्यता वर्तवली आहे. मुंबई शहर आणि उपनगरात संध्याकाळी आकाश साधारणपणे ढगाळ राहिल आणि वादळांसह तुरळक ठिकाणी मध्यम ते मुसळधार पाऊस पडण्याची शक्यता आहे. . तर राज्यात वाऱ्यांचा वेग 40 ते 50 किलोमीटर प्रती तास असणार आहे असा अंदाज हवामान विभागाने वर्तविला आहे. मात्र संपूर्ण महाराष्ट्रात मेघगर्जनेसह पावसाचा अंदाज हवामान विभागाने वर्तविला आहे.
हेही वाचा - Vidhan Sabha Fire Incident: विधानभवनात शॉर्ट सर्किट, सुरक्षा तपासणी कक्षाला लागली आग, पाहा VIDEO
या जिल्ह्यांना अलर्ट
- कोकण विभागातील पालघर, ठाणे, मुंबई, रायगड, रत्नागिरी जिल्ह्यांना मंगळवारी यलो अलर्ट तर, सिंद्धूदूर्ग जिल्ह्याला ऑरेंज अलर्ट देण्यात आला आहे.
- उत्तर महाराष्ट्रात धुळे, नंदुरबार, जळगाव, नाशिक जिल्ह्यांना येलो अलर्ट देण्यात आला आहे.
- पश्चिम महाराष्ट्रात पुणे, कोल्हापूर, सातारा, सांगली, सोलापूर, अहिल्यानगर या जिल्ह्यांमध्ये ऑरेंज अलर्ट आहे.
- मराठवाड्यातील छत्रपती संभाजीनगर, जालना, परभणी, बीड, हिंगोली, नांदेड या जिल्ह्यांना येलो अलर्ट देण्यात आला आहे, तर लातूर, धाराशीव जिल्ह्यांना ऑरेंज देण्यात आला आहे.
- विदर्भात अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ या जिल्ह्यांना येलो अलर्ट जारी करण्यात आला आहे.
